ꨄ
عبدالرحمن كان قاعد مقلق شديد على سيدرا الم ضربت ليهو وهو بتصل ليها بس تلفونها مقفول ، وامو ومرة ابوهو فجروا ليهو راسو باحمد اللي لحدي الآن م رجع وتلفونو مقفول ..
نهى (ام عبدالرحمن) : يا ولد م تقوم تشوف احمد دا مالو ؟
- يا امي بكون كويس هو صدقيني م ح يكون عندو شي
ليلى (مرة ابو عبدالرحمن) : طيب لي تلفونو مقفول ؟
- احتمال قفل شحن
" اوكي يا احمد اقعد قضيها لي بنات ومن مكان لمكان وامهاتك هنا خايفين عليك ، خليني الم فيك بس وح اعيد تقويمك من اول وجديد "
طبعاً عبدالرحمن كان خاتي في بالو ومتأكد مية في المية انو احمد مع بت ..
نهى امو : طيب يا ولدي متين داير تفرحني فيك
عبدالرحمن رد بهمس : لا اله الا الله
وقف على حيلو وقال ليهم : انا طالع
طلع وهو سامع حلطمة امو ومحاولة مرة ابوهو في انها تهديها
•>•>•>•>•>•>•>•>•>•>
سيدرا بعد احمد مشى دخلت لوتين ، خلتها تاكل شوية وبعدها بلعت حبوبها ونامت ، والدكتور قال انو ح يطلعها بكرة الصباح وهنا يادوب سيدرا اتذكرت عبدالرحمن مسكت تلفونها وضربت ليهو : الو
عبدالرحمن : حمد لله على السلامة
سيدرا ضحكت بخفة وقالت ليهو : سوري والله مع الخلعة وكدا نسيتك
عبدالرحمن ذاب مع ضحكتها وقال ليها : لا عادي م مشكلة ، كيف لقيتيها ؟
اخدت نفس وقالت ليهو : الحمد لله ، عندها كسر في رجلها اليمين وراسها مضروب برضو شديد ، و امممممم وتين فقدت الذاكرة
عبدالرحمن بصدمة : كيف يعني فقدت الذاكرة ؟ م متذكراك يعني ؟؟
- لا هي متذكراني ، بس هي فقدت سنة من حياتها لانو قبل سنة في لندن كان عملت حادث مشابه لدا ف هي مفتكرة انو دا الحادث داك ، عشان كدا متذكراني بس م متذكرة احمد
- احمد منو ؟
- احمد الولد اللي كان معاها هو الاتصل علي
- اهاا ، ربنا يكتب سلامتها ان شاء الله
- الله يسلمك يارب
- طيب وريني انتي في ياتو مستشفى ؟ عايز اجيكم
- لالا م يحتاج اصلاً ح نطلع الصباح
أنت تقرأ
أنْت ما أرِيد
Romanceكيفَ جمَعت كل الاشياء التي اُحبها فيك ؟ كيف جِئْتني هكذا دون مَوعِد ونفَضْت كُل ذلك الغُبار الكثيف عن صدري ؟ كيفَ جعَلت هذا القلبَ بعد حُبك ناصعاً ؟
