ꨄ
مسح على عنقو بيدو وبعدها عاين لاصابعو اللي فيها دَم ، حوّل عيونو الفارغة للزول اللي ضربو بالسكين وبسرعة وفي رمشة عين كانت السكين في يدو وبكل برود ومن غير تردد نحَر الزول اللي خدَشو في رقبتو ...
شال جثتو ورماها مع الباقين وبعدها عاين لزملائو اللي خلصوا من الباقين
- الحمد لله انتهينا
ردّ : اي الحمد لله ، جبانين ساي ياخ ومسترجلين على الفاضي
- ياخ لكن كان موضوع بالنسبة لينا ، وبعدين انت مالك يا احمد ؟ امس طلقة والليلة سكين ؟ مالك ركدت يا زولي ؟
ردّ واحد تاني : والله لو م احمد اسي الطلقة دي كان جوا قلبي
ربّت على كتفو وقال : م ح انساها ليك
رد بابتسامة : اي زول في مكاني بعمل كدا
- خلاص امِش عقّم رقبتك دي ، م تكون دايرة خيط ؟
لمس رقبتو وبعدها قال : لالا ، م لدرجة خيط المهم انا بمشي بعد دا
ضحك وقال ليهو : والله انت شكلو المدام حاكماك شديد
ردّ بضحكة : لازم عشان م تشُك
- لسة م كلمتها ؟ والله احسَن ليك تكلمها بدري بدري اي بتعمل ليك دراما وكلام كتير لكن في النهاية بتسكت
- شكلك مجرّب
- يازول مدامِي قعدت اسبوع م بتتكلم معاي لكن في النهاية رضَخَت
وقف من مكانو وبعدها قال : ان شاء الله بكلمها ، يلا سلام
مشى على عربيتو وكالعادة طلّع التيشيرت اللابسو ومسح الدم من جرح رقبتو وبعدها لبس التيشيرت التاني حتى في النهاية اتحرَك على البيت ..
•>•>•>•>•>•>•>•>•>•>
- يا احمد
- يا وائل
- ياخ وين انت ؟ اتصلت عليك الف مرة بس تلفونك م بدخل
- شبكة بس تكون ، اخباركم شنو ؟
- نحن كويسين ، لكن انت اخبارك شنو ؟ ان شاء الله امورك ماشة كويس ؟
- تمام الحمد لله ، الليلة خلَصنا بعدها ح ينزلوا ناس للتمشيط بس
- حمد لله على السلامة ياخ
- الله يسلمك
- وتين عرفت ؟ كلمتها يعني ؟
أنت تقرأ
أنْت ما أرِيد
Romanceكيفَ جمَعت كل الاشياء التي اُحبها فيك ؟ كيف جِئْتني هكذا دون مَوعِد ونفَضْت كُل ذلك الغُبار الكثيف عن صدري ؟ كيفَ جعَلت هذا القلبَ بعد حُبك ناصعاً ؟
