ꨄ
نزلوا الشنط وركبوهم في العربية ، وبعدها احمد اتوَجَه على مقعد السائق و وتين فتحت الباب الجمبو وقالت باستغراب
- ح تسوق انت ؟- قلت احسن أأجِر عربية
ركبت جمبو وقالت : كويس ، حلو برضو
سمى بالله وبعدها اتوَجَه على الميقات وبعد احرموا مشى على مكة وفي مسافة اقل من ساعة ونص وصلوا ..
لمن وصلوا الكعبة كان في زحمة شديد ، احمد حاوط كتف وتين وقال : عشان م تضيعيبدوا الطواف وبعد مسافة خلّصوا من الطواف وبعدها مشوا عشان يصلوا ركعتين المقَام ، بعد خلصوا اتوجهوا على المسعى ، لمن قرّبوا من الاخضرين المكان اللي بهرولوا فيهو الرجال احمد قال ليها :
- عايني ح انتظرك في نهايتو هناك ، تمام ؟- طيب
فعلاً لمن وصلوا احمد وكل الرجال الكانوا هناك بدوا الهرولة بينما النساء كانوا ماشين عادي ، وبعد م اتعدت الاخضرين لقت احمد واقف منتظرها وهكذا كملوا السبعة اشواط بتاعت المسعى ، بعد خلصوا من السعي شالوا المقص وقصّوا بسيط من شعرهم وبكدا حللوا من الاحرام ، بعد كدا احمد اتوَجَه لحمامات وغيّر ملابس الاحرام وبعدها طلع لوتين
- نمشي الفندق ترتاحي شوية ؟
- لا خلينا نقعد للصبح
- على فكرة هدا ليهو الفندق
عاينت مكان اشّر وكان واحد من الفنادق المحيطة بالحرم وبعدها قال : لسة الصبح الساعة يادوب 11 ، نمشي اسي ونجي راجعين للصبح- طيب اوكي
فعلاً اتوَجَهوا على الفندق وطلعوا على الجناح بتاعهم ، وتين اخدت شاور وغيرت ملابسها بواحدة مريحة ، احمد مدّ ليها كاسة العصير وقال :
- اشربيضحكت وقالت : انت شكلك عايز ترجعني السودان دبُل
ردّ بضحكة : لازم تتغذّي كويس
- لَي فترة م اتمرنت من قبل المناقشة
- اسي اتمرني
ردت بضحكة : لا انا تماريني غير ، المهم تعال جمبي
- عيوني ليك
طوالي طلّع التيشيرت وجا جمبها ، وهي قالت : عيب كدا ياخ م تتعرى
ضحك مسافة على كلامها وبعدها قال : عيب ؟ مرتي انتي م صحبتي
- بالمناسبة عايزة اسئلك
- اسألي
أنت تقرأ
أنْت ما أرِيد
Romanceكيفَ جمَعت كل الاشياء التي اُحبها فيك ؟ كيف جِئْتني هكذا دون مَوعِد ونفَضْت كُل ذلك الغُبار الكثيف عن صدري ؟ كيفَ جعَلت هذا القلبَ بعد حُبك ناصعاً ؟