ꨄ
دخلت الغرفة وهي بترجف خايفة شديد من ردة فعلو ، بس اتوكلت وهي بتحاول تستمد قوتها بذكر ربها ..
شافها وهي داخلة عليهو بتوتر وخوف ، ختّ التلفون وطلع نظارة القراية وختاها في السرير عاين ليها وابتسم وهو بربت على السرير جمبو وقال ليها :
- تعالي ادخلي اتفضلي
اتشجعت لمن شافت انو مزاجو رايق ، ابتسمت بتوتر وجات قعدت جمبو ، مشى يدو في شعرها وقال ليها : مرتاحة هنا يا بابا ؟
- اي الحمد لله الوضع كيوت شديد مع ناس تيتا
ضحك على طريقة كلامها وقال ليها : الحمد لله ان شاء الله دايماً
نزلت راسها وهي بتهمس ب: آمين
نزل راسو شوية وقال ليها : عايزة تقولي حاجة ؟
بلعت ريقها بتوتر بس اتشجعت وقالت ليهو : بصراحة اي ، عايزة اطلب منك طلب
ابتسم في محاولة منو لتشجيعها وهو متوقع انها تطلب تشتري حاجة او كدا زي عادتها بس صدمتو لمن قالت ليهو :
- بابي بليز اتكلم مع احمد
نزل يدو اللي كانت بتداعب في شعرها وملامحو اتغيرت للجمود في لحظة وقال ليها : جنى احسن تخليك برا الموضوع دا
- بليز يا بابا مرة واحدة بس ، خليهو يجي راجع البيت
حاول يتحكم باعصابو وقال ليها : هو مش سافر ؟
- انا متأكدة انو م سافر وقال كدا بس عشان ماما م تقلق
- انا شايف انو انتي تفضلي برا الموضوع دا
عقدت حواجبها بضيق وقالت ليهو : بس يا بـ....
قاطعها وهو بقول بحدة : بدون بس يا جنى
وقفت على حيلها والدموع مغرقة عيونها وقالت ليهو : بابا انت بتحبو اصلاً ؟
- نعم ؟؟
ردت ودموعها بدت تنزل : اللي انت سمعتو ، انت عمرك م اعتبرت احمد ولدك
عيونو حمرت بعصبية وقال ليها بصوت عالي : جنى احسن تقصري الشر وتطيري من وشي
ردت ونبرة صوتها برضو بدت تعلى : م الليلة برضو ، انا ح اتكلم المرة دي من م انا قمت كنت بشوف كيف انت بتفرق بيني انا واحمد م كنت بترفض لي طلب نهائي مع انو انا كنت مدلعة شديد وبتاعت امور واحمد اللي كان بحاول بكل جهدو انو يلفت انتباهك
أنت تقرأ
أنْت ما أرِيد
Romanceكيفَ جمَعت كل الاشياء التي اُحبها فيك ؟ كيف جِئْتني هكذا دون مَوعِد ونفَضْت كُل ذلك الغُبار الكثيف عن صدري ؟ كيفَ جعَلت هذا القلبَ بعد حُبك ناصعاً ؟