الأهل احياناً يقررو لأطفالهم شخصيات لسه ما محسومة مثلا خالد مؤدب وكل شي يسوي بمثالية وعلي هذا عفريت البيت دائما يريد أحد ياخذ باله منه
ممكن ام تزرع بأبنها احتياجاته اله تحب احساس انو اكو احد محتاج الها او اب يقلل من ابنه علمود يحس بالقوة ( هوة الي يصلح وراه غلطاته)
لما الاهل ما يشوفون مشاعر ابنهم ويصير الي يسمونه ( الأهمال العاطفي) يبدأ الطفل وما يلگى هاي المشاعر من اهله راح يسئل شنو انة الي مسوي غلط خله اهلي ما يحبوني؟ الحب يبهذل يا عزيزي ويطلع الطفل بأستنتاج اذا اريد احد يحبني لازم اصير واحد غيري لكن هذا الاندفاع يخلي الأمر ينتهي بي مع الشخص الغلط او شغل ينطونه أكثر من ما ياخذونه او يصيرون متسامحين مع استغلالهم وقابلين بالوحدة بعلاقاتهم لان هذا صار الطبيعي بالنسبة الهم لكن همه يتمسكون بفتات الاهتمام لان هذا احسن من الماكو لو واحد سئلني ليش يا ابو علي ذول يسون هيج؟ هل الأهالي اشرار؟ اهلك يا عزيزي مالهم دور بتعافيك من أثار تربيتهم مصير شخصيتك ما يحدده الأهل ، الاهل جزء من المعادلة اتفق وياك لكن النضج الحقيقي انو انتة تعترف انو مهما كان مصدر مشاكلك فهي مشاكلك مسؤليتك انتة الحياة مو عادلة؟ تمام اوك احييناً يبقى مطلوب من عدنا نتحمل مسؤوليات ما طلبناها ونصلح الي احنه ما خربناه؟ يا عزيزي هاي الحياة الخوف من المسؤلية ممكن يطيحنا بعقلية الضحية الي تخليك تذب مسؤلية ظروفك على أحد ثاني حاقد على الناس الي يمك
ومثبت وآسير لمظالمك القديمة تستمتع بأحساسهم بالذنب على أخطائهم انتة ووووين؟ هاي أسوء العقليات الي ممكن تتمناها لأن توگف حياتك وتأذي الي يمك ماكو شي أسوء من تبرير أذيتك للأخرين بأنك ضحية كلنا ضحايا ، كلنا طايحين بحفر نحاول نطلع منها
النضج الحقيقي انو نعرف أن أهالينا مو همة الي حفرو هاي الحفر الي طايحين بيها وأن المذنب جان بوقت معين هم ضحية ، والمهمل جان بوقت معين مهمل والقلب الي جارحنه اكيد اكو شي جارحه. همه السبب او لا هذا السبب مهم علمود نفهم لكن بنفس الوقت مو مهم علمود نتصلح لأن هي من الأخير يا عزيزي مسؤلياتك انتة ولو جانت حفرتك اعمق من حفرتنا يله ابدأ حاول تطلع منها هسه واطلب المساعدة من الشخص الي يكدر يساعد
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
