حجايات

الموت

معقولة انة ما  اموت ؟
هسه واحد يكول اسم الله وعمرك طويل والخ .
عزيزي القارئ انة اعرف انتة تكول هيج بدافع الحب بس هم جاوبني لو تجنبت كل الأمراض والحوادث الي تصير معقولة ما اموت؟
لا تفكر هواي اكيد راح اموت .
بالحقيقة فقدان شخص عزيز عليك من التجارب الصعبة جداً بحياة آي واحد .
احنه مرات من نشوف او نسمع بالأخبار عن حوادث تموت بيه ناس هواي راح نفترض انو هذا الشي ما راح يصير بينا .
وتفكر وتكول احنه المحظوظين مال الدنيا ، ومثل ما كال الدكتور احمد خالد توفيق: يحدث للأخرين فقط .

لكن للأسف عزيزي القارئ لازم تمر بهاي التجربة سواء بأهلك أو أصدقائك ، موت شخص عزيز عليك هو أمر حتمي .
وع الرغم انو شي مثل الموت هي تعتبر أكثر تجربة نمر بيها بحياتنا او آخر حياتنا الإ اننا لا زلنا ننصدم بها من موت شخص حولنا .
عبالك احنه ما جنا متوقعين او ما نعرف انو هذا الشي لازم يصير .
لا تبجي.
انتة هيج هيج عمرك خلصان وتلحگهم.