سابقا جان هذا البارت او الجزء حقيقةً مصخم وجنت اغم من نشرت هيج والأسباب من خصوصياتي لكن للأسف ضيعت كل ما عندي ، وماكو كلام اكوله يعبر الي عن كنت أمر بيه بس اعترف بذنبي وعسى ولعل ان تكون عبرة لغيري وهداية جنت اشرب ولمدة 5 سنوات مستمرة واشرب بالأسبوع 5 مرات اذا مو يوميا بالحقيقة هي مو فخر ولا طولة شارب ولا راح يزيد مني ولا من ثقافتي . كل ما هنالك تعرضت لصدمة وما احب اصرح عن نوع الصدمة لكن قبل الصدمة جنت قارئ قرآن سابقا وصلاتي مستمرة لكن ابتعدت عن رحمة الله وعصيته وما تتخيلون حجم الندم الي يتملكني ، لكن بعد الرجوع إلى الله ما تتخيلون السعادة الي بداخلي من بعد ما جنت اكعد صداع وألم بالبطن وكاره نفسي ، يعني انتة تكدر كلشي تسوي سوي كلشي روح بس لا تتقرب للخمر ولا آي شي مخدر ، انتة تحس بكآبة تفكر للمستقبل شوكت راح تزوج او تزوجين لكن فكر بعقلك دقيقة بس أحسبه 60 ثانية كول انة أكدر اعيش منا لباجر راح تكول لا ، هسه تكولون تقتل طموحنه وأملنه لكن اعقل وتوكل بس توكل ع الله طريقك راح يكون صحيح انة ما أعلمكم بس اذكركم وان شاء الله انتم تعرفون لكن قبل فترة رجعت لطريق الحق جنت بيومه شارب كعدت افكر بنفسي ليش سويت هيج وشنو السبب وشنو راح يفيد ولكيت كل اسبابي تافهه وما تنفع بشي وكعدت الصبح والحمد لله صباح نعمة جان علية رجعت سبحت وصليت والحمد لله ابتعدت عن هذا الشي هسه تكولون ليش انتة تكتب هيج ؟ اكلكم يجوز بلكت غيري يشوف الي كاتبه ويتعظ ويرجع إلى الله
