နောက်တစ်နေ့၌
ဆရာဝန်က မနေ့ညက စစ်ဆေးလို့ ရတဲ့ ရလဒ်တွေအပေါ် မူတည်ပြီး အစီအစဉ်ကို ပြုပြင်ပြောင်းလဲပေးခဲ့သည်။ ၁၀နာရီလောက်မှာ လေ့ကျင့်ရေး အခန်းကို သွားနိုင်တယ်လို့ ရုန်ရှူ ကို အကြောင်းကြားခဲ့သည်။
မနေ့ညက အိပ်တာ နောက်ကျနေပြီ ဖြစ်လို့ လက်ထောက်က တံခါးလာခေါက်တဲ့ အချိန် ချီဟန် မနိုးသေးပေ။
ရုန်ရှူကတော့ နိုးနေတာ ကြာပြီ ဖြစ်သည်။ သူ့လက်မောင်းပေါ် က ချီဟန်ကို ဖြေးဖြေးလေး ရွှေ့လိုက်ပြီး တိတ်တိတ်လေး အခန်းထဲက ထွက်သွားလိုက်သည်။
"မင်း ဒီမှာ စောင့်နေပေးလိုက်၊ ချီဟန် နိုးလာရင် မနက်စာ လာပို့ပေးလိုက်ပါ"
ရုန်ရှူ က လျော့နေတဲ့ ကြိုးကို ညှိလိုက်ပြီး "သူ စားပြီးရင် ငါ့ဆီ လာခဲ့ဦး" လို့ တိုးတိုးလေး ပြောလိုက်သည်။
လက်ထောက် က ခေါင်းညိတ်လိုက်ပြီး အရေးကြီးတဲ့ လက္ခဏာတွေ ကို သိနိုင်တဲ့ လက်ပတ်ကို ရုန်ရှူ ဝတ်ဖို့ ပေးလိုက်သည်။
ရုန်ရှူ မျက်နှာပြင်ကို ချိန်ညှိလိုက်ပြီး လက်ထောက်ကို ငုံ့ကြည့်ကာ
"အဲဒါ့အပြင် မပြောသင့်တာ ကို ဘာဆို ဘာမှ မပြောနဲ့"
ထိုအကြည့်ကြောင့် လက်ထောက်ရဲ့ ဦးရေပြား ထုံကျင်သွားပြီး လျှင်မြန်စွာ ခေါင်းညိတ်ပြလိုက်သည်။
သူ့ရဲ့ ဘော့စ် က စိတ်ထားပြည့်ဝသူ ဖြစ်ပြီး သူက စားလိုက် သောက်လိုက်ဖြင့် ဖြစ်နေသော ဆင်းရဲနွမ်းပါးတဲ့ ရွှေ့ပြောင်း အလုပ်သမား တစ်ယောက် ကို ဆောင်းဦး၌ လာရှာကာ အလုပ်ခန့်ခဲ့သူ ဖြစ်သည်။
ရုန်ရှူ က ခဏရပ်ပြီး ဆက်ပြောခဲ့သည်။
"ဒီနှစ် တရုတ် နှစ်သစ်ကူးမှာ အချိန်ပို ဆင်းခဲ့ရလို့ လကုန်မှာ မင်းကို ဘောနပ်စ် နှစ်ဆပေးမယ်"
လက်ထောက် က ချက်ချင်း ထရပ်လိုက်သည်၊ ခါးနဲ့ ခြေထောက်တွေ မနာတော့ဘဲ၊ "ကျေးဇူးတင်ပါတယ် ဘော့စ်" ဆိုတဲ့ စကားလုံး လေးလုံး ကို မျက်နှာပေါ်မှာ ရေးထိုးထားသည်။
...
ချီဟန်သည် ၁၁နာရီ ထိုးသည်အထိ အိပ်မောကျနေခဲ့ကာ သက်တောင့်သက်သာနဲ့ အကြောဆန့်လိုက်ပြီး ခေါင်းအုံးပေါ်ကို ပါးနဲ့ ပွတ်လိုက်တော့ သူ့နှာသီးဖျားတွင် ရုန်ရှူရဲ့ အနံ့နဲ့ ပြည့်နေခဲ့သည်။
STAI LEGGENDO
သနားစရာကောင်းတဲ့ မသန်စွမ်း ဗီလိန်ကြီးကို ကယ်တင်ခြင်း( ဘာသာပြန်)
CasualeI Saved The Disabled Villain by Pretending to Be Pitiful Chapter 97 ချီဟန်ဟာ ညှင်းပန်း နှိပ်စက်ပြီး ခွေးသွေးဆန်တဲ့ ဝတ္ထုကို တစ်ညလုံး ဖတ်ခဲ့သည်။ နားလည်မှု လွဲမှားတာ တစ်ခုကြောင့် ဝတ္ထုထဲ က ဆန်ကုန်မြေလေး Gong က သူ့ရဲ့ အချစ်ဦး လရောင်ဖြူလေးနဲ့ က...