#أمي_جنة
الحلقة 5
أجمل الأيام لما تكوني ماشية صح وعارفة روحك صح وربطي اسمك باسم الشخص الصح
أحسنوا الاختيار فهذا مستقبلكم ومستقبل أبنائكم لاتلوموا على أحد بعدها على سوء الاختيار
روحوا عرب العريس وفاطمة روحت وراهم وسيبت الحوسة واللوسة لراضية ومع هذا راضية بكل شي المهم هنتها عالناس لجوهم واستقبلتهم معاهم مستعدة الضمه كله
أصعب شي لما تكوني الأخت الوحيدة ماعندكش وراك أخت تساعدك أو تهنيك على حاجة بينما أنتي مخنوقة واصلة حدك
مشت راضية غير حوايجها وبدت ياحناتي في المطبخ ليبي تحويل وليبي غسل بدت فيه
عائشة: خشت عليها خليهم غدوا الصباح رباح وهي فاطمة: مش عارفة ورانا حوسة بسرعة ماروحت وراهم
راضية: عادي قابلة حتى هكي المهم هنتني على كل شي
عائشة: قعمزت بجنبها والله ماني مطمنتلها منين هالمحنة لجايتها
راضية: بالك كبرت وعقلت
عائشة: والله عمرها في حياتها مامشي متالاها عقل
" قم بأي عمل ينبع من طيبتك دون أن تنتظر مكافأة عليه وكن آمناً متأكدا انه يوماً ما ، سيقوم شخص ما بالمثل تجاهك "
لا يكونوا في قلوبكم درة من السوء كفاطمة وغيرها لن تعيشوا حياتكم غير حسد وكره وشك بالجميع
بعد مرور شهرين: وبالفترة هذي تطورت علاقة فاطمة بعربها وراضية شرت الحاجات لعرسها دبشها ودنيتها وخالد قاعد مش راضي عليهم وعلى لزتهم ليه
نعيمة: أمس كلمتني أختي قالتلي فاطمة ليه ليه تجري معاهم عشان العرس
خالد: من الأول مدخلينها هي وسعد احني مادخلناش
نعيمة: لو أنت مادخلكش وراقد على ودانك والله هذي فاطمة حالفة بتاخد الحيشان الزوز وتوا فرحانة لبتفتك من اختك وبتفضالها الدنيا واحني طالعين برا
خالد: ليش أنا مافكرتش فيها
نعيمة: فكر فكر توا أنت تطلع بولا شي أمك غدوا او بعد غدوا تموت واحتمال يبصموها توقع على كل شي وتموت وأنت تقعد تلجي في حيشان الايجار
خالد: باهي شن الحل
نعيمة: تمشي تعتدر من أمك اليوم وتبوس راسها وتطلب تسامحها وتمدلهم فلوس للعرس والدنيا وبعدين نبدوا في الجو امالا غير فاطمة بس تقعمز عليهم
ربي يبعد علينا هالنوع من الناس ويحفظنا من متغيرين الأحوال يبوا مصلحتهم منا ويرمونا
في العشية خالد خدي مرته وصغاره ومشي لأمه وخشولها
خالد: مشالها يجري سامحيني يأمي
عائشة: من غير ماتشوفله مسامح
خالد: يعني نرجع لحوشي
عائشة: على أساس تطلب في سماحي وأنت تبي ترجع للحوش ومش عارف كيف
خالد: أنا جاي ونبي نحضر عرس أختي زيي زي الناس
عائشة: تعالي نهى تعالي شدت نهى وفاتتهم
مافيش أنقى من قلوب الصغار ممكن الوحيدين البرئين في هذا العالم قلوبهم نظيفة خالية من أي حسد ومن أي كره قاعدين نقيين ولم يختلطوا بالعالم
راضية: خالد
خالد: ناض سلم عليها مدلها فلوس
طبعا كلهم يمشوا وراء نساوينهم كأنهم رجل آلي
راضية :سلمك يارب وان شاء الله نردهالك في اولادك
خالد: ان شاء الله
نهى: عمتي بنحضروا العرس وبنديروك عروسة
راضية: تحشمت من خوها ... تعالي معاي نهى شوفي شن جبتلك معاي
نهى: باهي وناضت مشت مع راضية شن شريتيلي
راضية؛ شوكولاتة زي ماتحبي
نهى: باست راضية شكرا عمتي
راضية :هههههه عفوا على لطافتك مت موزيل
نهى: دارت تحية الأميرات شدت أطراف قفطانها وطبست
راضية: ههههههههه هيا تعالي نمشوا هذا كله خوف من يحسابوها أبصر شن تقوللها
أنت تقرأ
أمي جنة (رواية ليبية )
Misterio / Suspensoرواية ليبية تتكلم عن أغلب المشاكل العائلية بين الكنات والحماوات وإلى شن توصل وحقوق الأولاد على أمهم 💔
