أمي جنة (رواية ليبية )

أمي جنة 8

#أمي_جنة
الحلقة 8

ماأكبر الوجع عندما يسرق أهلك بيتك

عائشة: ماقدرتش تتحرك خايفة الخانب يكون عنده موس أو مسدس يقتلها
راجاته لعند طلع لهو وناضت تشوف في الدولاب لقاته مقلوب والخزنة مفتوحة وهي تدكر فيه انه مسكرتها بكري لما عطت الذهب لسالمة ... بالله من بيجيك ياعائشة كان مش لليك حسبي الله ونعم الوكيل في كل واحد يخنب في أهله هذا مايطلع كان سعد عنده نسخ الحوش ااااااه ياكيتي كية

وصلت عمر وراضية: في المنطقة لفيها خدمة عمر ومأجرين شقة من الشركة وسكنوا فيها وقعدت راضية ترتب في الحوايج وترتبت أمورهم

عمر: شن بنديروا
راضية: نبي نطلع بنشوف الدنيا برا من وين وصلت قاعدة في الحوش
عمر: تمام تو نطلعوا

طلعوا والدهوروا وروحوا اتصلت بأمها كيف حالك يما
عائشة: باهية الحمدلله كيف حالك رضيوة
راضية: شن فطرتي
عائشة: ايه الحمدلله بكري جتني رنا قبل تمشي للمدرسة ضربتلي الابرة ودارتلي زميتة وكليتها
راضية: بارك الله فيها بنيتي
عائشة: ايه كيف حال عمر
راضية: باهي الحمدلله بخير
عائشة: باهي كويس امالا هيا مع السلامة مانعطلش عليك

رنا :خشت جداي وينك
عائشة تعالي أنا داخل
رنا :حطت شنطتها ومشت للثلاجة وخدت الابرة وضربتها لجداها
عائشة: صحيتي سلم بنتي
رنا: يسلمك اجديدة
عائشة: هيا امشي قبل ماتشوفك أمك
رنا :ههههههه حاطة جنى تراقب في الدروج
عائشة: سلم بناويتي
رنا: سلمك وطلعت تجري
عائشة: ربي يحفظكن وتقعدن زي مانتن مايغيركن شي

سالمة: خشت وجايبة غداها معاها
عائشة: صحيتي والله متعبتكم معاي
سالمة؛ بالله اسكتي هالعصبان لدايرتهلك
عائشة: والله حتى لما تلقي من يمدلك طاسة اميه بارك الله فيه
سالمة: ندير روحي طرشة شن ضربتي الابرة أو نضربلك
عائشة: ايه توا كيف جتني البنية وضربتهلي
سالمة: كيف وأمهن
عائشة: ماتعلمش بيهن تجيني الصبح تضربهلي والديرلي زميتة وتمشي للمدرسة ولما تروح تجيني
سالمة: ان شاء الله يقعدن زي ماهنا

بعد مرور أسبوع: لاجديد يدكر وديما تتصل راضية بأمها يوميا وتجيها سالمة وبنات سعد ينزلوا يضربولها كل يوم زي العادة
اليوم هذا خالتي سالمة صارتلها حالة وفاة ومشت وماجتش لعائشة واضطرت تمشي هي وبنتها وشيبانيها

عائشة: ناضت بالسيف عليها مشت للمطبخ دارت خبزة وحاجات عالماشي وتغدتهم .... ااااه ياعائشة ماتقولش لاجبتي ولا ضنيتي تراجي في لقمة غداء من الجار وولادك واحد فوقك وواحد جنبك ااااااه من هم الدنيا تغدت ومشت غسلتهن ومشت قعمزت

سعد: دق الباب وخش السلام عليك
عائشة؛ وعليك السلام ان شاء الله خير
سعد: احني مش فاضيين بيك مش كل يوم واحني عندك
عائشة: حتى من عمر لمحامي ووين خدمته مادار ديركم ويوم وتانيك عندي
سعد: هداكا حاكمة فيه بنتك تكر فيه كل يوم
عائشة: ليسمع مش حاكمة فيك مرأة حتى أنت
سعد: المصرف يبوا ورق وقعي عليهم
عائشة: مسكينة لا تقرا ولاتعرف تقرا أُمية وقعت تحسابه زي كل مرة وبصمت
وطلع عمكم سعد منها
ياترى شن هما الأوراق لوقعت عليهم عائشة الله العليم