جلجلة الشؤم 🎷مكتملة🎷

🎷9🎷

∆°°°🎷ثروى بدم ساخن وقلم ساحر،🎷°°°∆

∆°°°🎷قالت:قدرها شبيه بلدغة الأفعى المجلجلة 🎷 °°°∆

🎷عنوانها:جلجلة الشؤم🎷..

🎷كاتبتها: عواطف الشويع 🎷..

🎷 الحلقة:التاسعة🎷..

عواصف هوجاء قوية على إثرها انقطعت الكهرباء عن كل المنازل..مطر غزير،صدى حفيف اوراق الاشجار المتطايرة هنا وهناك ...جالسة جنب سيارة سوداء اللون قرع قطرات المطر كيتسمع بالجهد على سطح السيارة ..ضامة رجليها عند فمها البرد القارص كيلحفها من جميع الاتجاهات ...كطلب من الله يعاونها ويكف شر الخلق عليها ..وقفت بدأت كتمشى تحت المطر لي رجعها مبلولة كلها ،كترجف من كثر ما حاسة بالبرد قربت من باب الدار كدق الباب مرة مرتين تلات فتحت سميرة شافتها وضهرت الشرارة من جديد

سميرة: شنو جايا كتقلبي عندي امممم شنووو بغا بعد مقتلتي باك بغا تقتلني حتى انا ادوي الكلبة شنووو باغاا

سراب بترجي: عفااااك خليني ندخل الشتاء والبرد مقادرة عليهم عفاااك غير حتى الصباح

سميرة: هذي هيا لي متكون ليك اصلا كان خصك هد البرد وهد الشتاء من شحال هذي باش ترباي مكتسويش ، مبغيت نشوفك جنب الدار ولا والله حتى نجيب لك البوليس وحدة بحالك خصها تحشم وتغبر كمارتها مخلتي لينا الوجه باش نخرجو قدام ناس سيري فحااالك

سميرة قفلت الباب فوجها..أما سراب كدق ودموعها نازلين سخانعلى خدها بترجي

سراب:عفااك حلي حلي بغيت ندخل بغيت ندخل البرد عفاااك خلي فقلبك الرحمة

بقات كتطلب فيها إلا أن سميرة دخلت لغرفة ديالها خرجت واحد الساك بالكحل جمعت فيه حوايجها واي حاجه ديالها وهي تخرج رمتو ليها برا وقفلت الباب في وجها مرة تانية.،

أمضت ليلة كاملة تحت قطرات المطر ..ناعسة بالقرب من واحد الجدار شمس ظهرت بمظهرها الذهبي الخلاب ضاربة على وجها لي رجع كلو كدمات بسبب الحزن واليأس الداخلي...لي مر من جنبها كيشوف فيها بنظرات مختلفة مابين الشفقة والتحصر والاستهزاء والعدائية ، قربت منها إمرأة في خمسينيات حركتها بشوية حتى فتحت عينها لي رجعو كيحرقها بكثرة الاوجاع والدموع

الحاجة :بنتي سراب نوضي من هنا الناس كيشوف فيك سيري لداركم لاش جالسة هنا

وقفت سراب هزات ساك ديالها كتمشى ..اذنها صاغية لكلام بعض الرجال لي نعتها ببنت ممربية وبسببها باها مات هادشي كيزيد يألمها كثر مبقات قادرة تزيد تسمع ولا كلمة ..فكرت مزيان بلي خاص تبعد من هنا وتنسى كل شي وتبدأ حياتها من جديد..
يتبــع