∆°°°🎷قالت:قدرها شبيه بلدغة الأفعى المجلجلة 🎷 °°°∆
🎷عنوانها:جلجلة الشؤم🎷..
🎷كاتبتها: عواطف الشويع 🎷..
🎷 الحلقة: العشرين 🎷..
الله سبحانه وتعالى إذا أحب عبدا أكرمه وجزاه على صبره واختباراته هادشي لي حصل مع سراب الأب ديالها غلط غلطة فالماضي وتجازى فالمستقبل كانت صدمة قوية له خلاتو يموت بدون رضى لا على نفسو ولا على بنتو لي اصلا معندها حتى ذنب فالموضوع ...لكن المأسات والتشرد والذل والعهر لي تعرضت ليه سراب قدر ربي يجزيها وتعلمت درس باش منتقو فحتى واحد ونحتفضو باشيائنا لأنفسنا بلا منبقاو نصيفتو لهذا ولهذا محيت يقدر يكون داك شخص بغيك ولكن من ابسط غلط يتخلى عليك بلا ميسمع ليك ولا يدها فيك لهذا الإنسان خاصو يحافض على مبدأ ديالو فالحياة من كل الجوانب وعلى احترامو لنفسو ...
داخل أحد المستشفيات كتصارع قدرها المحتوم كتألم من الورم لي فالبطن ديالها الم شديد اقوى من طعنة الخنجر وحاد من الدب.ح بالسكين طلبت من الممرضة تنادي ليها على خوها لي جالس على برا مع الاب والام ديالو لي كانت عيونها كالجمر بكثرة البكاء والنحيب على بنتها الوحيدة ...دخل حكيم عند ختو علامة الحزن على وجهو شد فيدها مينكرش بلي مكانش عندو معها بزاف بحكم كانت المفضلة عند مو وباه وكانو كيوفرو ليها كل شي ومحارمينها من والو عكسو هو لي رباوه بطريقة مختلفة عليها لكن مني شافها فهد الحالة حس كأن وتر من أوتارو تقطعات لأجزاء
حكيم: ختي دينا غادي تبراي رتاحي متفكري فوالو
دينا كتبكي بحرقة من شدة التأنيب وشدة الآلم انطقت بصوت متقطع كتحاول تجمع الكلمات
دينا: خوي يا خويا ب بغيت نقولك شي ح اجة ضروري
حكيم : دينا ماشي دبا حتى تبراي
كتحرك رأسها بالنفي
دينا: لاا لااا د با الب نت لي تنشروا تصاورها وفيديو اباحي عليها انا سبب (كتبكي) اناااا سبب اناااا عفاااك قلب عليها طلب منها تسامحني عفااااك مقصدت معرفت كفاش وقع
حكيم من بعد هد الكلام كأن القدر صفعو صفعة قوية ،وقف بشكل مفاجئ كيحملق فيها مخرج عينه ،كيحاول يتمالك نفسو خبر نزل عليه بحال الصاعقة الكهربائية ،شد فالحيط نزلت دمعة سخونة على خدو مرور بلحيتو قطرت فالارض ...
دينا : ( كتبكي بندم وحيت لا ينفع الندم )عفاااك طلب منها تسامحني غلط غلط بزاف وطول هد الفترة وانا كنحس بتأنيب يمكن ربي بغا يعاقبني لهذا عطاني هد المرض الخبيث عفااااك خويا طلب منها تسمح ليا
حكيم تفكر النهار لي طاحت على رجليه ،كترغب فيه يصدقها وهو معطهاش فرصة بل على العكس لقبها بالعاهرة بلا شرف انطق حكيم من بعد ما غوت عليها بصوت عالي صداه خلا مو وباه يقفزو من بلاصتهم
حكيم: واااااش عرفتي شنووووو درتي وااااش عارفة بلي هديك مكانتش اي بنت كانت حب حياتي علاااااش درتي هكااااا علاااااش علااااش ادينااااا علاااااش...
قجها بيدو تحت وطأ الغضب دخل مو باه والممرضات كيحاول يبعدوه عليها الام والاب ديالو مفاهمين والو ...باه هز ايدو وهو يعطيه لحنك شاف فيه بعيون تكتسيها الدموع، خرج بسرعة من المشفى مزال ممصدق بلي ختو سبب فضياع حبو وبلي سراب رجعت فديك الحالة بسبب ختو ومعطها فرصة تبرء راسها ...
يتبع
أنت تقرأ
جلجلة الشؤم 🎷مكتملة🎷
Romance💎مكتملة💎 ❌حصرية على الواتباد❌ 🪔••إهـــــــــــــــــداء••🪔 إلى تلك الفتاة التي تربط حياتها برجل إلى تلك الفتاة التي لازالت تضن أن هناك من سيفعل المستحيل لأجلها الى تلك الفتاة التي تذرف دموع على رجل خسيس الى تلك التافهة التي تضع ثقتها الكا...
