∆°°°🎷ثروى بدم ساخن وقلم ساحر،🎷°°°∆
∆°°°🎷قالت:قدرها شبيه بلدغة الأفعى المجلجلة 🎷 °°°∆
🎷عنوانها:جلجلة الشؤم🎷..
🎷كاتبتها: عواطف الشويع 🎷..
🎷 الحلقة:التاسعة عشر 🎷..
في اليوم الرابع من بعد العشاء ديالها مع مسعود قررت تستشر فريدة فالموضوع .... جالسة كتسنى فريدة على نار باش تعاود لها لعلا وعسى تقدر طلعها من حيرتها ...سمعت الجرس ناضت فتحت الباب سلمت عليها دخلو الصالون مشات سراب جابت ليها كأس القهوة باش يبداو الحديث ديالهم ...فريدة كتشرب من كاسها حاطة رجل على رجل
فريدة: شنو الموضوع اسراب شوشتني ؟
سراب كترشف من كاسها كتحاول تلقا طريقة باش تخبرها : صراحة موضوع غريب بالنسبة ليا امدام فريدة معرفت حتى كفاش نقدر ندخلو لراسي
فريدة جاها الفضول :كنسمعك هضري نعرف شنو هو
سراب: عقلتي على الكليان لي كان كيسول عليا نهار مرضت بالسخانة
فريدة: اه عاقلة شنو واقع معاه
سراب: عرضني العشاء الاحد لي فات وطلب مني زواج انا صراحة مافهمت والو قال بلي بغا يتزوج بيا وحاس بالراحة وبلي ربي هو لحطو فطريقي
فريدة: وانت شنو عولة دري ؟
سراب: صراحة معرفت اختي والله هادشي جاني غريب وبشكل مفاجئ مكيعرفني مكنعرفو والغريب فالأمر قال اان إلى وافقت خاصني نلتزم ومنعريش شعري ونلبس لباس محتشم
حطات فريدة كأس القهوة على جنب الطابلة تقادت فالجلسة ركزت في سراب وانطقت
فريدة: سراب بنتي أنا عارفة مزيان الحالة لي لقيتك فيها شفت كمية العداب فعينك ولي داز عليك مساهلش بما أنه بغاك ومصر وبغي يسترك توكلي على الله شوفي ثقي بيا ،لو أن شي وحدة بلاصتي وقلت لها هادشي كانت اتقولك رفضي وخصوصا أنك بنت ماشاء الله خدمة وكتجيبي كليان وكتعاملي مزيان مي حرام عليا إلى ضيعتك وخليتك ضيعي راسك فحمام بين الرجال لهذا فكري ممكن الله بغا يجازبك على صبرك
سراب كتفكر فكلام فريدة داخت معرفت شنو دير
سراب: غادي نفكر فعلا ممكن الله بغي ليا الثوبة شكرا لك بزاف امدام فريدة عمري نسى خيرك الله يجزيك من عندو
فريدة بابتسامة: لواه راك عزيزة وبنت ضريفة بحال بنتي الله يسهل عليك ابنتي سمحي ليا دبا خاصني نمشي وانت فكري مزيان اكي
سراب: إن شاء الله لهلا يخطيك
انصرفت فريدة رجعت سراب كتفكر داك النهار كلو وهي مشغولة بالتفكير حتى الخدمة ممشاتش ليها تنفست مشات سخنت الحمام دوشت وتنقات مزيان توضات وصلاة جوج ركعات الاستخارة على هد سيد مصلات من وقت طويل من قبل ميوقع معها هد المعانات كلها واخيرا بعد دوك الركعات والدعاء لي دعات والبكاء وتراجي وسجود لي سجدات الله سبحانه وتعالى حسات بشوية الراحة ... تكات بقات كتفكر فالموضوع ونفس الوقت كتقلب فبلاصتها وكأنها اتخد معركة وفعلا الزواج متل المعركة هناك من يقودها إلى الأخير وهناك من يخسر بنصف الطريق...بعد مدة من التشتت الفكري قدرات تغفى عينها ...
حل الصباح وحلت معه ابواب الخير الذي يأتي بعد كل صبر وعسر استيقضت من نومها فكرها كان مخربق وخصوصا من بعد الحلم لي شافتو لبارح حسات بالحيرة معرفت شنو المقصود منو دخلت اليوتيوب كتبت الحلم لي شافت
رؤية الحذاء باللون الازرق الملكي في المنام
طلعو ليها الاقتراحات ولي كلهم كيدلو على الزواج والخير الوافر لأن الحذاء كيدل على الزواج والازرق الملكي على الخيرات والرزق ...ابتسمت بشكل لا إرادي الضحكة لي كانت مكتفارق شفايفها شحال هذي اخيرا ضهرت بعد شهور وايام ،مشات الساك ديالها خدات كرت فزيت دخلت الرقم الهاتف ديالها دوزت الخط المرة الأولى ،المرة تانية جاوب
سراب: صباح الخير السي مسعود
مسعود: صباح الخير شكون معايا فالخط
سراب: سراب لي معاك
مسعود: مرحبا كيف صبحتي بخير
سراب: باحسن حال بغيت نقولك بلي موافقة على قرار الزواج وحتى شرط ديال الحجاب
مسعود ابتسم حس بفرحة فالداخل ديالو انطق
مسعود: فرحتني انتلقو ونتفقو على كل شيء الحمام متبقايش تمشي ليه اكي
سراب:اكي
قطعت الخط تنفست وكأن الحياة ضحكت ليها من جديد وبغات تنصفها ..
يتبــع
أنت تقرأ
جلجلة الشؤم 🎷مكتملة🎷
Romance💎مكتملة💎 ❌حصرية على الواتباد❌ 🪔••إهـــــــــــــــــداء••🪔 إلى تلك الفتاة التي تربط حياتها برجل إلى تلك الفتاة التي لازالت تضن أن هناك من سيفعل المستحيل لأجلها الى تلك الفتاة التي تذرف دموع على رجل خسيس الى تلك التافهة التي تضع ثقتها الكا...
