المحنه (متوقفه حاليا)

مشهد

مشهد(1)
عدج منا لساعا تجهزين نفسج عندج زبون خاص

.. نهاريت بالبجي كعدت بالكاع ابجي بحركه حسيت روحي راح تطلع قفلت الباب ولميت رجليه لصدري وابجي كله بسبب علي الله ينتقم منك الله ينتقم منك حولت حياتي لجهنم صرت ازود بالبجي لما ذكرت حجي البنيه الي بالمطبخ لما همست باذني

.." تاليتج وحده عـ*** بيت دعاره الرايح بالجاي ياخذج مثل جلبه"

.. ربي حميني بحق محمد وآل محمد ربي مالي غيرك معين ضليت ادعي بكلب محترك عن وضعي والحال الي راح اوصللها اسمع اصوات من الغرف البصفي صرت اكره نفسي اكثر لان اعرف سببهن تخبلت ما ضل عقل براسي فجئه طفت الكهرباء والغرفهه ضلمه ماكو بس ضوه من جوه الباب خفيف  صار هدوء اكثر والاصوات عاليه

.. حطيت ايدي على اذاني ومغمضه حيل اتمنا افتح عيني ارجع لوكت الي جان بي محسن ومامه عدلين حسيت واحد يريد يفتح الباب صرت ارجف وارجع زحف للزاويه مال الغرفه صار دفع بالباب كئنو واحد يريد يكسره وفعلان مره ومره ثانيه نكسر ودخلو 3اشخاص ما اشوفهم من ضلمه بس جان بيدهم لايتات واحد منهم رفع جهاز وكال

.. نداى اول الغرفه الاولى ما بيها بس بنيه

رد عليه واحد.. اسحبو شكو واحد بالبيت ما اريد يضل جنس مخلوق يشرد من ايدكم

مشهد(2)
.. توسعت عيوني واني اريد انفي الي سمعته اهز براسي لا لا والله هاذ صوت حسن شلون يكول ما يعرفني اني متاكده والله هاذ صوتو

.. خليني اتصل على اخوج الاكبر

رديتو بصياح ممزوج بقهر.. شتتتصل اذا هوا الصاحي ما يذكرني يذكرني الي يسكر وجيب اصدقائه الخياس للبيت انته وين تحجي واني بيا ضيم اكيد صاير شي لك حسن ما يسوي هييج والله

.. خلص اهدي هسه نشوف يمكن صدك غلطانين بالرقم

.. اذا انتو تغلطون بالرقم اذني ما تيه صوتا اكلك اخوي تعرف شنو اخوي شلون ما اعرف صوتا

مشهد(3)
دخلت لنفس الممر ونفس باب الغرفه زفرت نفس على ذكريات الما ترضه تختفي دكيت الباب

.. تفضل

.. دخلت نفس الكعده والجكاير اباوع بصفه واحد واكف وجه مئلوف بس ما ركزت بسبب الي كاعد على وحده من القنفات انصدمت من شكله والدم رجعت اباوع للضابط الي على اساس يساعدني الغصه ترست حنجرتي حسن مستغرب من وجودي واني بصدمه اكبر منه من المنضر الي هوا بي

.. هاي مساعدتك هوا هاذ اليطلب منك شي
اتجه عليه حسن وجرني من ايدي يحجي وهوا كاز على سنونه

حسن.. انتييي شجااابج هنا

.. نترت ايدي منه وكلت.. اني مو زغيره وتحاسبني اعرف اتصرف احسن من اخوك الارعن الي طببنا بهل مشكله خل يخيس هنا ويتئادب انته مالك دخل وتطلع يعني تطلع رجعت التفت على الضابط الي كال راح اساعدج
.. جزاك الله خير ابد ما قصرت هوا هاذ اليحط ركبته تحت رحمتكم تنهشون بلحمه لا رحمه ولا غيره ضلت ما طلبت منك تطلع صاحب المصيبه كل طلبي جان تساعد حسن لانه المعين النا واحنا بس بنات لا اب ولا ام بس الظاهر الطيب مات ويا اهلنا رحم الله والديك بكد حركة كلبي

»»»»»»»»»»»
مشاهد متفرقه من انحاء القصه.
القصه قيد التعديل بالاسماء.
القصه من وحي الخيال معه بعض المشاعر والمشاهد الواقعيه اشباه الابطال جاري البحث عنهم ارجع اكرر القصه استوحاء الخيال باحداث واقعيه متعدده