الحرمان

البارت الاول

ياقطار العمر حاسبنة بعمرنة

انطلبك هواية سوالف

ماحچيناها_بصغرنة

انت وين رحلت بينة

احنة شبسرعة كبرنة.

خل اعرفكم على نفسي انا نوفه
مواليد 1950 (تقريبا)  عايشه وي امي ابوي متوفي
وعدي اخو واحد اسمه فاهم وعدي اخت مزوجه وحده اصغر مني بعدهي
من چان ابوي الله يرحمه واخوي عدهم عيب البت تحب وما يطوها لتحبه لان يعتبروها تنازل

بس الگلب لو اندگ بابه مو بالكيف
انا هويت حازم من ديرتنه وهو عينه علي لچن
لا محاچيته ولا محاچيني من ابعيد

حبيبه بت خالتي صويحبتي ورفيجت دربي ربينه سوه

واجفه اخبز على تنور الطين اجت حبيبه
-شلونج خيه
-هلا بيج خيه انتي شلونج
-انا بخير هههه وانتي بخير غير توج شايفه جويسم
-ولج رمشت عين اشفت منه قابل گعدنه سولفه
-الدهر لفچ تريد تسولف حتى يذبحج فاهم

-هسه عوفي فاهم وگليلي انا اباوع لرجال اخاف ما هاويني

-لا خيه وروح حبوبتي دشنه هاويج
چا ليش من يشوفچ من ابعيد يظل يتنوع ومن تروحين للماي يسوي دربه عليچ

-صدگ على گولتج هههه
-اگلج شرايچ اخذ حچي من فضه
-لا استري عليه هي صح دوم تحمد بيه جدامي
بس هي مرت اخوي واخاف يوصل لخوي
-شبيچ يمعوده تگول على اخوها
صاحت امي  وهي بالبيت شصار عندچ ما خلصتي
-اي يمه اجينه

اخذنه الخبز ودخلنه للبيت نسولف ونضحك
الدنيا زاهيتنا
سلمت حبيبه على امي وگعدنه على الغده
ام فاهم:   مدي ايدج يمه
-لا خاله سبگتچن
عوافي يمه
-خاله چا فاهم ماهو
اي يمه اكو گاع مشه يشتريها للحلال وبدور واحمد بعدهم ما مروحين
اگلج فضه اخوچ حازم شعجب ما جبتوله مره
ححح
-خاله نوفه غصت اطيها ماي
فضه: والله يا خيه يگول بعدني واضن سالفته مو خليه والله امي تحچي عليه بس ما يقنع

- بيها الخير ان شاء الله يلگه بت الحلال
ضلينه انسولف هفه وترخصت حبيبه

يالله اترخص
طلعنه وكضيت نوفه شفتي ولچ تگول سالفته مو خليه
هههه وگع بحبچ
روحي خيه
اي رايحه بس الگتلج بيه صح

نوفه: طحت مريضه اسبوع ما طلعت ولا اجه هو لخته  لان هيه تروحلهم
وحتى قبل لو اجه بس من يطلع اشوفه بالختلات
باليوم السابع صرت احسن جتني فضه

فضه: خيه اريد احاچيچ بشغيله
گولي
اگلج اليوم مريت على امي ومن طلعت زتاني حازم.
اممم

ما اعرف شگلچ بس يگول انا هاوي نوفه وغيرها ما دش عگلي وحاچيها اليه انا اتنوع الها من ابعيد ما محاچيها واحس بيها هي تحبني

نوفه: من سمعت حچي فضه فرحت لا شنو فرحت طرت من الفرح هذا الحچي ناطرته هواي

بس لازم اسوي روحي ثجيله گتلها لا خيه انا فاهم يذبحني لو يدري وما رايده دوخت راس

بس هو رايدج والحب مو عيب

لا خيه انتي تدرين باخوي

بكيفچ خيه ما مجبوره
اترخصت وراحت
يوميه حبيبه تجيني اليوم ما اجت ثاني يوم گلبي طاگ عليها وحتى احچيلها
اخذت جدر ورحت صحتلها نروح للماي سويه (طبعا فضه بيومها ردت الخبر لخوها)
طلعتلي تسالمنه ورحنه للماي ونسولف

ليش ولچ امس ما مريتي عليه

يا خيه امس اجونه خطار منهم ابن عمچ صالح
-كش عابت
-شماخذ منچ كواك الولد

-عوفينه منه خل اسولفلچ امس شصار
-خير شكو نخطبتي
-عاب هالحلگ حازم گال لفضه گليلها انا رايدها

-ايي هذا الحچي الحلو بشري وشگلتي
-شگلت رفضت
-يع ولچ عوبه ليش وانتي ترديه

- زحمه من الاول اطي مجال شيگول خفيفه

-خيه هوه يدري بيج تردينه بعد هذا الحچي شنو لزومه
-يدري بيه تختلف عن اگول بالساني رايدته

مدري بسوالفچ

وصلنه النهر ونزلنه لشريعه وترسنه الگدور ولن الصيحه ورانه صوت خشنه شفلنه

-شٍلَوِنِهِأّ أّلَعٌذّبِتّنِيِّ

اندارينا لن حازم صح هو نسيب النه بس لا محاجيته ولا قريبه منه هيج
شعور اول مره احس بيه نسيت الخوف نسيت اخوي حسيته هو بالدنيا وبس عقلي وگف من شفته
وگلبي صار طبل

دنگت ما حچيت
-شلونج خويه

حبيبه  :هلا خويه
عندي حچايتين وي نوفه من رخصتج

هو نزل لشريعه خاف يجي واحد خمله وحبيبه تنيحت سوت روحها تلگط حطب
وانا فوگ الچالي
حازم:  نوفه انا احبچ واريدج على سنة الله ورسوله حب شرف اتمنى اگضي عمري وياچ ما اريدچ ترديلي جواب راح التحق بالجيش وره ما ارد رديلي الخبر

وخلي ابالچ انا شاريچ ورايدچ مره الي ادري
انتي عندچ تگولين اليه بس ما تگولين

انا ما حچيت شي ظليت ساكته بس گلبي يدگ

اودعناكم روحچ امانه
راح وانا دموعي نزلن بدون ما ادري
ليش ما اعرف
اخذ گلبي وراح
طول ما هوه يحچي ما حچيت شي لين اول مره يحاچيني بس من راح حسيت روحي رايده احاچيه

واگله احبك.