الحرمان

البارت السادس

الحرمان
البارت السابع

حازم،  عگبتلي فتره وگلت لبوي رد ليهم
وانا رحت التحقت

نوفه،  حازم التحق وراها بيومين اجت امه لمي وخالته
وانا مو يمهن وما گلت لمي شعدهن لان ادري بيهن
للعصر صاحت امي لفاهم
وحچو ابينهم ولثاني يوم طگت حوصلتي
ورحت نشدت امي
نوفه، يمه شكو
ام فاهم،عليمن
نوفه، امس حاچيتي فاهم شعدچ منه
ام فاهم، وانتي ما تدرين شعدي لو تتاكدين
نوفه، لا يمه ما ادري شلقضيه
ام فاهم،اممم امس الاجن يخطبنچ وگلت لفاهم وگال ما ترهم
نوفه، ضربه على راسي شلون هم هاي المره ما رضه

حبيبه،  من حازم اجه ومشه لاگاه صالح مسافه عنه
وصلني صالح
صالح، حبيبه گبل كلشي هذا المن هنا
حبيبه، ياهو گصدك حازم
صالح،اي
حبيبه ،شمدريني المن رجال بدربه رايح
صالح، اني مو مخبل واعرف اعرف

نوفه، طول ما حازم ماتحق كلشي عادي صالح يجي لحبيبه وانا اتنيح عنهم
الى يوم صالح اجه ومردف على الفرس وياه واحد

گربو وانا بگاعي الگط وحبيبه بگاعه

گيعانه مشاير وانا هاي المره هفه عنها نزلو يم حبيبه
واجه واحد منهم طارق انا گمت ارجف طارق شعنده ولمن جاي

طارق، السلام عليكم
نوفه، وعليكم السلام
طارق، شلونچ نوفه
نوفه، بخبر شمضيع هنا

طارق، اشبيچ بت عمي ومريت عليچ
نوفه، تعال للبيت وهلا بيك مو هنا

طارق، نوفه انا اريدچ وخطبتچ ليش ما ترضين
انا ابن عمچ لغيري ما تصيرين مو فاهم مخليچ بكيفچ وعلي اسحگ على راسچ
نوفه، ما عاش اليسحگ على راسي تروح لو افزع علك خلگ الله كلها

طارق، انا وراچ والدايم الله

نوفه، راح طارق وانا كاضه گلبي بيدي ما اعرف ليش
خوف شنو ما ادري
بعد يومين
حازم، اجيت من الوحده
واول ما گعدنه نشدت ابوي على الخطبه وگال.
راحت امك وخالتك وردت المنب وي فضه ما راضين
ولاگيته بمشيه وگتله ابيني وبينه
وگال اختي لبن عمها
حازم، هنا طلعت روحي خنجر بصدري لبن عمها شنو
گتله بيويه سيد امحيل اليروح  ليه يهفته ابمچانه لو ما اطاه
وانا رايد اخذه هل مره انا اروح وياك
الاب، بويه صدگ چذب ما اسوي هاي السالفه لو تموت
يگلك لبن عمها ناخذ السيد شلون
حازم، بيوه وداعتك يرضه
الاب، مالي غرض ما اروح عيب ابني
حازم، بويه امشي عليك العباس روح وياي
الاب، امري لله
حازم، رضه ابوي ورحنه انا وياه وخالي وابن عم ابوي والسيد وصلنه ليهم
لگينه فاهم
سلمنه ودخلنه سوالف عاديه لمن جابولنه الچاي
سيد امحيل،انا ما اشرب چايكم اله تطوني بيش اجيت

فاهم، سيد اشرب چايك والنگدرله يصير
السيد، احنه رايدين رضيعتك لحازم
فاهم، سيد التريده البيت الك والنه الثنيه
بس اختي لبن عمها
السيد، خاف اكو غير حچي
فاهم، لا وكلام الله خطبوها مني وما رضيت ورد الولد هو حاچاني وطيتها وحتى عايلتي ما تدري بهذا الحچي

حازم،  عيوني غوشت من الصدمه النار شبت بگلبي شلون حبي وحلم اسنين مستحيل
بعدهم يحچون وابوي گاله اطيهم بتي وناخذ نوفه
ابطبت طارق سلم وگعد وشويه نب فاهم
هذا ابن عمها وشوفو رايه

السيد ،بويه طارق احنه اچينه نخطب رضيعت فاهم  وابن عمك گال لبن عمها
وبعد انته اولى بس الجماعه راغبينها وهذا عمك يگول اطيهم بتي ونوفه النه
طارق،مولاي جيتك على راسي انت والوياك
ويعمي بتكم على راسي ماكو احسن منها
بس سالفتنا انحچت برضيعت فاهم وعيب السالفه تتغير
والنسوان چثيره يعمي مو شرط بتنه الا رايكم غير راي
ابو حازم، لا يبويه بالعافيه عليكم واحنه نتعذر
فاهم، لا عمي احنه النتعذر منك ومن السيد لو تردون رگبنه سداده بغير شي امرو
حازم، طلعنه وانا نار شابه بصدري بويه شلون سديتوها هچي
الاب، بويه انته امخبل شنو البت لبن عمها
حازم، وعلي نوفه اليه وما تصير الغيري لو اموت

ثاني يوم ما اعول اروح لنوفه
وصلت الگاع اجت نوفه وهل مره اختي فضه وياها وحبيبه ماهي
اول ما وصلت نوفه بچت
بواچيها هدمت ضلوعي
سلمت عليهن
فضه، انا اعوفكم وروح الگط خاف نتاخر
حازم، روحي خويه
نوفه على فرد بچيه
كافي نوفه لا تبچين موتيني
نوفه، حازم گالتلي فضه حازم ليش هچي لو اموت ما اخذ طارق
حازم، اسم الله عليچ والله ما اخليه يدنالچ لو يگصون رگبتي
انتي حلالي والي اسنين تانينچ اتنوعلچ من ابعيد خاف احاچيچ وما ترضين وتالي ياخذچ هذا الفاهي

نوفه، شلون انت اجيت وما اطوك بعد شسوي
حازم، انا من اجيت اجيت خاطوب على وشي بس الدور اخليهم يدرون انا رايدچ
نوفه، وفاهم شيسوي بيه
حازم، ما يسويلچ شي عليه
نوفه، خايفه خاف يخالفنه الحظ
حازم، الكاتبه الله يصير وان شاء الله المكتوب انتي الي
نوفه، ان شاء الله
حازم، رحت وگلت لبوي لو تعجبلك يومين وتروح ليهم لو اگلب وجهي وما تشوفني بعد
راح ليهم بس هل مره گاللهم ابني اله نفس ابتكم
وهم ما رضو والضاهر سالفت ابوي وفاهم ابينهم ما مورجين احد
ويوم هم رحت لنوفه ومن وصلت لاگاني صالح
صالح، حازم اليوم هنا لا ضلت خوه ولا ضلت صحبه اكتلك واكتلها نوفه تعاركنه انا وياه وتماطلنا وحبيبه فزعت واجه واحد حاللنه
ورديت ثاني يوم ليها بعد ما اتاكدت صالح اليوم عنده شغل
لا انا حچيت الصار ولا هو
نوفه،  حازم يخطب وفاهم يرده وعرفت مطيني لحازم متت گمت گوه امشي من الهم
يوم منهن اجه فاهم معصب كضاني من شعري والحجاب وهاي اول مره فاهم يطگني ورگعني بيده الثانيه راشدي
نوفه، اخ يمه الحگيني والله ما مسويه شي شبيك فاهم اخخخخ