الحرمان

البارت الرابع عشر

خذت ايام عد اهل حازم لاگيت امي بيوم اجت لخالتي وشفتها صح چانت زعلانه بس انا بتها ما يطيها گلبها
بدت شدت سعديه وحليمه
ما اعرف ليش تعادن وياي بس لتالي اله دريت
يوم خالتي يم اهلها
اجيت للمطبخ اتغده لان هنه ملتهيات بطفالهن اصغار دورت على الخبز ماكو النوب الجدر المرگ ماكو شنو السالفه هسه حليمه طبخت
رحت لغرفت سعديه
نوفه، سعديه وين الخبز والزاد
سعديه، وانا شمدريني والله فارغه
نوفه، شبيچ ما حاچيتج شي حتى هيچ طفرين
طلعت لاگتني حليمه
حليمه، الزاد انا اخذته هذا تعب ارجولنا انا اطيچ هذا غداچ
نوفه، جابتلي بطاسه وگرصه خبز
خليت ومشيت وانا ابچي
ضلينه على هاي السالفه الاكل هيج يسون ملابس الجديد ياخذنه ويگولن احنه نلبسه لرجولتنا انتي المن
خالتي ما تحچي فقيره وحتى لو لا تخرب بيت ولدها على وحده اخذت ابنها وانكتل بسببها

انا ضليت اشوف امي عد حبيبه فضه تجينا دوم بس ما اگلها لان البيها كافي
الولد حاسين بس هنه يحترمني من يجون
وانا ما اگلهم استحي وبيا وجه

ويوم منهن رحت لبيت حبيبه
گعدنا گبل گالت مرة اخوها
نوفه ما تدرين غير حبيبه انخطبت
هذا الحچي بعد 10 اشهر من موتت حازم
نوفه، صدگ حبيبه رضيتي وياهو الخطبچ
حبيبه، فالح الخطبني
نوفه، اي رضيتي لا
حبيبه، لا
نوفه، اشبيچ خيه ارضي
حبيبه، اي شلونچ
نوفه، هههه غيرتي
نوفه،ضليت فتره ورحت
ارتاح من اجي لحبيبه لان اشكيلها همي
سعديه وحليمه ما عافني ويسون مشاكل اليه
ويوميه عركه
مره برمضان صايمين ضايجه وضليت بلايه فطور وسحور ما اكلت
بالنهار دخت ووگعت بالحوش،انا اجت خالتي گعدتني
فارس بالحوش جابلي ماي ويحاجيني
فارس، خويه فدوه گومي ليش ما تاكلين والله حرگتي گلوبنه
حچه هيج لان انا دئما مريضه وابچي كسرت حازم امبينه عليه

ما احس اله حليمه تگعر وتخرط بخدودها
انا بعدني دايخه منتچه على خالتي. وفارس واجف
هي صيح ليش هچي
رجلها عباله شو منو ميت
فارس، اشبيچ شصاير مات واحد
حليمه، انعل ابو المات
اخذتي حازم وكتلتيه وهسه تفترين علي رجلي
نوفه، ما حسيت اله الراشدي اجاها. انا بحالة صدمه خالتي تبچي وهي بكل عين صلفه ردت تحچي
حليمه، تتنغوص كاتلها المرض
تردين رجلي انا ما محاچيني هيچ عبالچ تاخذينه مثل حازم اكتلج وعلي
نوفه، گامت تحچي وچاتت عليه تريد اطگني
كضاها رجلها ورگعها راشدي وبوكسي لمن وگعها
وهي تهرج وتعير ولسانها اشطولها
انا طبيت لحجرتي ضليت ابچي وادگ على وجهي ليش،هيج هسه لو ردت اروح وين اروح
ضلبت بحجرتي اجت خالتي تراضيني وجابت الفطور وياها
حرمصتلي فطرنه انا وياها
والصبح. لاگاني فارس
فارس، اسف خويه على الصار الله يشهد عليه انتي مثل فضه واعز
انتي مرة حازم وما ارضه يصيبچ مكروه احسبيها اعليه

نوفه، هزيت راسي وترخصت ورحت
ضلن يخلن الشغل عليه كله
وكلمن تگول تردين تاخذين رجلي
ويوميه عركه. ساعه فارس كاتل مرته ساعه قايد

ويوم منهن فلشت الغراض مالاتي انضفهن لگيت بيها صره ومخليات بيها من شعر راسي ومن ملابس خاصه الي
انا ضاع مني قطعة ملابس
وشعري من امشط. يوگع وحرام واحد يشوفه اخليه بوصله واشمره
باخر فتره بطني توجعني دوم
اخذته لخالتي گالت
يتنجس وينشمر بالشط يبطل
ضل قلق بگلبي
لحد يوم خالتي صاحتني
ام حازم، يمه اريد احاچيچ بسالفه حازم راح والراح راح
والطلايب كثرت
حازم صارله سنه ونص
حطي عگلج براسچ وسمعيني املچي انتي وقايد واطلعي بيت وحدچ وانا وياچ بس ملچت مومن
مثل اخوچ
نوفه، انا طحت للگاع خرطت وجهي وبچيت وگعرت
خاله حازم اترابه اخضر
اعز من روحي تردين اخذ اخوه
ما اتوقعت هيچ منچ تردين يصدگن بحچيچ
المغرب اجه قايد وفارس
تلگتهم سعديه ونحبت بوجوهم تبچي

احنه ضلينه مصدومين ورجلها يصيح اشبيچ
سعديه، قايد امك تريد تاخذ نوفه الك شريچه عليه
قايد، صدك هذا الحجي يمه
ام حازم، اي يمه البنيه حمره صفره ونسوانكم تذب مشاكل عليها حتى سحر ذبن عليها

نوفه، كثر الحجي وطال وفارس يريد يطرد مرته شنو مسويات سحر
وقايد ما فتح حلگه
نسوانهم يهرجن والصوت وصل سابع جار
المغرب الشمس ما غاربه
ردت خالتي لقايد
ام حازم، يمه مرت اخوك وذبها الوكت وين اتروح املج عليها وفض المشاكل ليش النسوان مگلوبه

نوفه، سمعت احچايه لسه اترن بذاني صحتني على زماني ندمتني على كلشي

قايد،كافي يمه شارطه عليه هاي الناهبه
نوفه، حجايته رنت بذاني
ركضت لحزامي بدون وعي ما اعرف شصار
اركض ولهث من التعب
اخذني رجليه للبيت الربيت بيه
اخذتي رجليه لمي لبيت ابوي لهلي
وصلت لگيت فاهم  وفضه وامي بره واگفين اباب الحلال
ركضت لرجلين فاهم گضيتهن ونزلت عليهن
وانا اجعر وابچي

نوفه، فاهم العباس عليك اكتلني خلصني من الهم البيه تعبت متت
خليني خدامه عدك بس لا تردني للضل
متت تعبت من العار
انا عار جبتلكم. ليش ما تكتلوني. وتخلصوني متت فاهم
شسوي
دفعني برجله
فاهم ، اخليچ عندي بس انا اقرر مصيرچ والله الا اكتلچ وانتي عايشه

ضليت مطروحه بمچاني ابچي اجن فضه وامي ما گدرت احجي من البواچي
دخلت  لحجرت امي فضه جابتلي ماي وهنه يبجن

ويسئلن شكو وشنو الصار وياچ
حجيتلهن كلشي
فضه ضلت تلطم وتصيح تمت عيونهم هاي مرة حازم ضلت بداره
ما تهنه بيها
شويه توضيت وصليت ادعي
ربي لا اعتراض على حكمك انت الغفور اغفر لي ورحمني انا مو گد اختبارك تعبت
بقيت ادعي وانا ابچي وتعبانه الهم والمشاكل الصارت بحياتي
خلتني جسد بلا روح
ما اعرف شلون اتخلص من هاي الحياه
صح هي نعمه الله اطاناها حتى نعبد بيها وتكون جسر للاخره
حتى ناخذ شهاده بنجاحنا منها
بس انا عبده ضعيفه
نمت على السجاده لصبح من التعب ما مگعداتني لان يعرفن تعبانه
اليوم بده يوم جديد شنو الينتظرج نوفه
شنو يسوي فاهم يخليني هنا يطردني يكتلني ما معقوله يخليني حچي الناس
انا شلون اواجه المجتمع وحدي
رجلي راح واعيالي اجيت عنهم
يرد فاهم بكتل بيه
شلون بيج نوفه

للحكايه تكمله
تفاعلوو🥰