ولچ سيرتچ على كل السان
اليوم اموتچ ولچ حازم حازم يلحگچ للگطن شيسوي بربوگ ولچ عار
نوفه، ااااخ لا لا چذب
اجت امي وفضه والفروخ الهم اصياح وهو طايحلي دگ
گوه هداني من حلفنه امي وفضه
راح طحت ما همني الوجع بگد صدمتي
شلون لو منعوني من من حازم ابچي واصيح والعبره بصدري
ليش هيچ يصير وياي
امي ضلت اتلوم بيه وفضه تبچي وياي
ضليت مقهوره
منعني اروح للگطن وگالي اكتلچ دوم لو رحتي
ضليت اسبوع ما اطلع راح فاهم للكوت فاتحه صارت
گلت لمي اروح للگطن
ام فاهم، لا ممنوع تنزلين راسي ولچ
ولچ ابوچ بگبره تعذبينه
نوفه،امي گامت ادگ وتتطم
حلفتها وگتلها ابساع ارد گوه رضت بدون ايدري امي وديت فضه گبل لا اگل لمي لفاهم حتى اشوفه يمكن اخر مره هاي
اتمنيت ما اروح خطأ خسرني كلشي لو فكرة عدل لو حسبتها
كون والكون زرعوها وما صارت
بسبب خطأ خسرت هواي
رحت وهل مره بدون حبيبه لين اريد ارد بساع
وصلت للگاع ولگطت شويه چذب
اجه فاهم سلم عليه
فاهم لسه ما طخني بس اليوم لين اخر يوم حسيت اخر يوم شبگته بحرگه وابچي
وانحب من گلبي للامانه هو ما شال ايده عليه بس انا نسيت كلشي الهم نساني
نسيت همي لشويه
حازم، كافي يابعد روحي كافي اجبرت فضه تسولفلي
اتمنيت الموت ولا تتأذين
نوفه.خاف يجي فاهم ،،،
بعدني ما امكمله حچيي وصالح فوگنه رگعني راشدي احس دار وجهي
وتماطلو هو وحازم
صالح، ابن الكلب انا شنهيتك مو گتلك لا تتبع بعد
حازم، انت النذل اتمد ايدك على مره
نوفه، ضليت اگعر وابچي
صاح حازم، نوفه روحي لهلچ
نوفه،هزيت راسي لا
حازم، روحيييي
مشيت واتنوع لوراي
حازم، نتماطل انا وصالح
صالح عنده مسدس ما احس الا سحب المسدس
نوفه، اركض واتنوع لوراي واسمع صوت الطلقه
متت رجليه وگفن طحت
ما گدرت اگوم
حازم ما چان عنده مسدس المسدس عد صالح
معقوله لا لا 😭😭 حازم لا
گمت اگعر بعلو صوتي اجت ناس تركض شويه كل الناس ركضت ليهم
اجن حبيبه وامها ويحاچني،ياهو الضرب شصاير، الجيعان تصير مساحه مفتوحه وبيها نهران وافرك
وانا صايره بكتر بيوتنه احنه وعمامي
الجريه من الجهه الثاتيه
حبيبه حست بالموضوع عبالها فاهم ضرب حازم سحلتني ومشينه اگبلنه على البيوت
ولن نسمع الگعار من بيت صالح
والنسوان واطفال تركض
اثنينه انا وحبيبه طحنه بصدمه حبيبه وفضه وامي،يركضن ويگعرن شلون وليش وشكو ومنو اصياح الناس يرن باذاني
اجه ولد من الفزعه يصيح يا ناس،حازم كتل صالح
صح حازم عدل بس،ما يضل عدل شراح يصير
تنوعت لحبيبه بصفي وحنه جاعدين بالتراب شويه عن بابهم لان احنه عرب البيوت متفرجه
حبيبه بصدمه مذهوله احاچيها ما ترد
حبيبه، جاعدين انا ومرة اخوي وامي نسولف وانشد بيهن على الغده انا ادري بالمشكله الصارت وي نوفه رحت ليهم ودريت وضايجه عليها
سمعنه چيله ثارت طلعنه نتنوع شفنه الوادم تركض من الجهه الثانيه مالت البزل
يمه يمه هاي الوادم تركض لگاعنه مالت الگطن
امي، اي وگاع فاهم
حبيبه، انا هنا گلبي نغزني حساسي بالوجع يموت
ركضنه انا وامي شويه عن الجريه وشفنه حبيبه طايحه
واخذتها ومشيت امي ركضت وي الناس وانا رديتها
لين اكيد هاي الطلقه فاهم ضرب حازم.
وصلنه شويه عن بيتنه اخذتها البيتنه لان مو بحاله تروح لبيتهم
ما احس اله ولد يصيح بشي خلاني افقد الحياه
شي خله اذاني تصفر الساني توقف عن الكلام عقلي توقف عن التفكير
فقط دگات گلبي تنسمع بقوه التمنيت توگف وارتاح
الهم مله گلبي الحزن خيم عليه
عيوني غوشن
شلون يصيح حازم كتل صالح
غمضت عيوني ما ادري بروحي
نوفه،من الصدمه فقدت حبيبه
رحت ركض للبيت لاگتني مرة اخوها گتلها تعالي نلحگ على حبيبه
ردينه ليها وهيه فاقده على الگاع شلناها للبيت
والگعار مگبر ابيت صالح
چنت بوحده صرت بثنين شلون ابحبيبه الفارگت صالح
وشلون بحازم الصار چاتل وشلون بهلي لو عرفو انا السبب
اكيد فاهم راح يدري بس لو دره انا رايحه للگطن يذبحني دوم
دخلناها للحجره وذبينه ماي عليها گعدت مصدومه حتى رمشه ما ترمش
حچيت مليت ماكو ضلت حبيبه هاي حالتها لوره الاذان وانا بس ابچي ومحد اجانه لا من اهلي ولا من اهل حبيبه
بس انا وهي ومرت اخوها
لهناك اجتنه امها
مخرطه الخدود
وجها يجري دم
يمه حبيبه ام صالح تگول نفس ابني ضلت بيها خل تجي گبل لا ياخذونه
گومنه حبيبه حطينه براسها ثوب اسود
اخذتها امها انا ما رحت وبيا وجه اروح
حبيبه،رحت وي امي جسد بلا روح وصلنه الزلم بالباب ملتمه والحوش متروس نسوان وجوها مزلغه
وتلطم بالتراب
طبينا للحجره اسمع يگولن لا اطبن بس امه واخواته يمه طبينا انا ومي بعد ما صاحت امه
هذا اذكره بعدين لان بوكتها حتى ما مركزه
طبيت والتابوت ممدود بالحجره
رجليه گامن يخطن
وصلت طحت من الرهبه ابو وجه الحلو نايم شلون تنام
ادنيت ليه شبگته نسيت امي امهاته
صرخت بصوت من گلبي صاللللللح اگعد اگعد لا تعوفني
كمت احچي وياه صالح شتواعدنا مو نزوج ونعش سوه مو تعطلنا بسبب موت عمتك
نايم شلون تنام وتعوفني بداعت حبنه اگعد
ليش تعوفني صااااالح لطمت على وجهي بكل لطمه وخرطت اخدود يجي الدم بيدي
انتهيت اتمنيت الموت ياخذني حچيت وياه وانا شابگته سحلتني امي
الام، يمه حرام،
حبيبه، يمه عوفيني الحرام يعوفني ويمشي ليش خطبتنا بعدهي ما تمت
اخ يمااااااه
بعدني ادگ والطم طبن النسوان گالن الزلم راح اطب اشيل الجنازه
يمه حبيبي صار جنازه امس سوه امس،طوله الحلو يمشي وهسه اجنازه بوسط تابوت راح يتمدد على التراب
نمت انا واخواته على التابوت ما اعرف شلون ميلنه وعدلن اعدومنه حبنه انا وصالح الكل يدري بيه وموافقين عليه
لان خطبني
طبو الزلم شالو التابوت ركضت اريد اكضه كضتني امي لان انا ما تربطني علاقه بيه
شالو التابوت وطلع اتمنيت تابوتي راح وخلاني بهمي راح وعافني ليش
عيوني تتنوع عليهم بصمت عيوني غوشن صار كلشي اسود ما شفت بعد اله انا بغير عالم
شنو تتوقعون الاحداث القادمه حازم وين يروح
نوفه شيصير بيها
حبيبه شلون تتخطى هاي المرحله
أنت تقرأ
الحرمان
Fiction généraleرديت لديرتي واسمع الضحكاتنه وسوالفنه رديت مكسوره ذليله كل شي راح مني حبي وكرامتي وحياتي 😭
