لماذا_أنا 🔥
بقلم dareen 💕
#الحلقة2
__________________________
يوم جديد وامل جديد فتحت عيوني ع ضوء الشمس المزعج اللي خاش من الروشن الصغير رفعت شعري فوق وصبيت خشيت لحمام (يكرم القارئ ) توضيت وطلعت صليت بعدها رن منبه فوني اصلا ما رقدتش ونا نفكر ف الانسان المختل تاع امس😭 صبيت طفيته طول وطلعت لصاله
ماما: صباح الخير تعالي افطري
نا: صباح النور وبست راس بابا
بابا: خيرك مش لابسه توا تجيك الحافله
نا: ارتبكت لا مازال عندي وقت
ماما: خشي البسي وتعالي افطري هي
نا: هزيت راسي
وخشيت لابست ونا متوترة وخايفه ونفكر،،، زعما يرد يجي حي عليا نا غبيه ليش نضربه عطني قصه بيدي نحكي لبابا عليه لالا مش ناقصني اني واصلا من هو هدا
أضف تعليقاً
اول مرة نشوفه اوووف عايشه منعزله عن العالم حتي شوراع والمحلات والمولات مانعرفها يارب ساعدني وما يردش يجي
وطلعت مع بابا كالعادة هو عدة لمدرسه ونا صبيت نراجي وعيوني ع طريق خايفه يرد يجي في سيارة مظلمه مصبيه براس الشارع بس اطمنت مش سيارته
ايمن: واعي من صباح ربي يرجي فيها ويتاوب ويسبها ويلعنها شاافها قعد يراجي بوها لين عدة ابتسم بخبث ومشا شورها
نا: عيوني بالفون نقلب بالفيس ومش فاهمه فيه شي ماعندش اي فكره ع سوشيل ميدا
ايمن: يتأملها من فوق لتحت وف عقله زعما تزبط وتتطلع محترمه !! ونتزوجها وهكي جدي يعطني الاسهم ف الشركه&& والمزرعه اللي ف شرق والله الله كان جبتله العيل قعد يضحك ع افكارة ورد بحت فيها تي شن دايرة ف حياتك لين ربي طيحك بين ايديا لنقنك انتي المطلوبه وندور فيك من قبل بنت فقر ومش متمردة نشريك من هلك وبكم كف تمشي ع صراط المستقيم والأهم ماعندكش ماضي نحطك ف الحوش ونهيج براحتي
ايمن :نزل الروشن ،،،،، بس بس ي ام عيون سود
نا: رفعت راسي وانصدمت تي جاني بسيارة اخرة بحتت يمين ويسار ونا نرعش
ايمن: شني ننزل ولا لا اممم لنقني خايف لو نزلت تردي تضربيني ولا نقولك ردي اضربي امس طول ليل ما رقدتش ونا نتحسس مكان يدك
نا: خذيت نفس قوي وقلبي يدق بالقوة وجمعت حروفي، ا اسمعني
ايمن: بنظرة خبث نعلي منك ومن صوتك احكي شن عندك
نا: اني ما نعرفكش ولا انتي تعرفني واللي صار سوء تفاهم واسفه اني مديت يدي مش قصدي وياريت ماعش تزعجني
ايمن:بينه وبين روحي ايوة بدينا ف حركات اصلا اني كيف نفكر فيها هكي كلهم نفس بعض
ايمن: اوووو صار اسفه وفتح الباب ونزل اتكي ع سيارة واسفك مش مقبول الا بحاله وحدة
نا: شديت يدي ع جاكيت، شن!
ايمن: اشر بحواحبه ع فون ،،رقم فونك ي عسل خلينا نتعرفو
نا: تي خيرك انت كيف نعيطك رقم موبايلي ونا مانعرفكش
ايمن: تأفاف توا اللي يخشو ف علاقات يكونو يعرفو بعض اكيدة لا خلينا نتعرفو شن خاسرة انتي
نا: انت واحد مش محترم وانا الغلطانه اللي قلت مرات يطلع فيك عقل وتفهم
ايمن: وانتي قليله الادب وتبيلك قص لسان
نا: رفعت عيوني يااااربي شوفو من يحكي ع أدب اسمعني مش لانك شكلك ومتريح وكل يوم تفشكلي بسيارة تحسب انك تقدر تقيم الناس وتشريهن بالفلوسك راك حثاله ومريض نفسي
ايمن: ضحك
نا: غمضت عيوني وفتحتهن يارب خلاص ح نطيح من طولي
ايمن: فتح الباب وجا بيركب منغير اسمع ي ام عيون سود راكي خشيتي هنا واشر ع عقله،،،، والايام بينا وركب السيارة وعدة بتشفيط
