لماذا_انا
بلقم dareen
الحلقه4
_______________________
مرت حياتي عاديه وانسيت حتي اني مخطوبه لان لا عاد كلمني لا شي وخايفه من الهدوء هذا وبكرا بندير تلبيسه ماكنتش نبي بس علا وماما اصرو اني نديرها طلعت للمول انا وحسناء ريم وصلنا علا طبعا
علاء: هي شن مطولين
حسناء: جت بتحكي قطعت عليها ريم
ريم: بدلع خيرك توا غير وصلنا اصبر علينا شوي
علاء: ابتسم وهز راسه
حسناء: نغزتني افطني لخوك منها هذي
نا: مسكت ضحكتي تغاااري!!
حسناء: لا ما نغار بعدين عارفتك تبيني له وهو ما يبش ع فكرة حتي اني نشوف فيه نفس خوي ف بلاش حركات الزيادة
نا: ضحكت خلاص مالا خليه يشوف روحه مع ريم
أضف تعليقاً
حسناء: لاا اي وحدة غير المجعونه هذي
نا: اسس عيب
وشريت فستان موف قصير مبوج وظهرة شفون وكندرة وميك اب وعطر كله ذوق ريم بصراحه كان ذوقها خيال وماتبعنش لانها كانت عارفه المحلات كويس
وروحنا حطينا ريم ف حوشها
حسناء: وووواك عليا من وين جيبتها لي هذي
نا: كنها واللهي كويسة شوفي ما احسنها وشرتلي ع ذوقها
حسناء: ماحبيتهش متصنعه وثقيله
علا: بحت ف حسناء من مرايا ،،،، هشش عيب عيب توا كيف كنتي تهدرزي معها
حسناء: خيرك بديت من توا ادافع عليها وتوا شوي شوي تاخذ رقمها من اختك وبعدها علاقه وحب بس طمن بالك اللي نفسها تبي ما يصرف عليها ي بابا وما يملش عينها غير التراب
نا: حسناء خلاص وفنصت فيها وعضيت فمي
علا: هز راسه ماشي ماشي وشن عندك اخرة ي استاذة خليني نستفاد منك علاقه وحب وكلام فاضي شكلك خبرة ف مواضيع هذين
نا: علاء خلاص
علاء: انتي سكري فمك ومش شورك
حسناء: شن تحكي انت احترم نفسك وما اطقش فيا باهي
علاء: وقف السيارة لان وصلنا وبرم عليها اني اللي نحترم نفسي ولا انتي وبعدين طمني بالك ما خشتش راسي لا هي وابتسم بأستتفزاز ولا غيرها
حسناء: مسكت غصتها فهمت قصده شورها فتحت الباب ونزلت وهي معصبه وعيونها دموع
نا: علاا كنك مش من جدك حرام عليك ليش تحكي معها هكي وتكسر خاطرها وهي لها اسبوع راقدة عندنا وتجري ع فرحتنا
علاء: هالفرخه باش تعرف روحه كيف تحكي معايا قال علاقه وحب قله ادب جيل يبي حررررررق
نا: هزيت راسي نزل الأكياس معاك ونزلت لحوش القيتها مقعمزة ع كنبه وتكلم ف بالفون ،،،من تكلمي
حسناء: بابا بنروح
نا: حسناااء بطلي شن الجو هذا بتنكدو علياا مثلا وسكتت شوي ع اساس اني فرحانه 🙁
حسناء: بنروح والله مانقعدله فيها وجيبي ريم تعون فيك باهي
نا: حسناء بطلي من بيدير معايا الضيافه مانعرفش انييي
ونزلت ماما كانت عند عمتي فريحه
ماما: خير شن في ليش أصواتكم طالعه
نا: ماما قوليلها بتروح 😢
ماما: خيرك ي خويله شن فيه
حسناء: خالتو ولدك قالي كلام بكل جرحلي مشاعري😭
ماما: شهقت علا الطف شن قالك
علا: شن في سمعتي اسمي احكو بوجي مرة اخرة وحطلي الاكياس ع الارض
ماما: انطق شن دايرلها لين تبي تروح
علا: تبي تروح تروح اهو الباب يطلع جمل وخش لغرفته وسكر الباب
نا: حطيت يدي ع فمي
حسناء : لالا والله ماااااني ساكته وعدت فتحت باب غرفته بالقوة
علا: كان يغير تشيرته فنص عيونه اوووو وين طاحشه
