لماذا انا ؟ ( روايات ليبية )
حلقة 11🔥
Dareen wehbe
__________________________
نا:فتحت عيوني بشويش وحاسه بحمل عليا ومش قادرة نتحرك قعدت نرمش بسرعه لين فقت ع روحي راقد ف حضنة😳🔥🔥🔥🔥🙊🙆خدودي ماعش حسيت فيهن من الاحراج قعدت نبحت فيه كان راقد بعمق ومتريح ف نومته وحضني زززين كاني بنهرب منه ! ،،،، بس برضو فيه شي غامض عقدة حواجبه ع رغم انه راقد قاعدة ،،،،،،،، وجه مهرهق وكانه يقضي يومه كله بالتفكير ،،،، قعدت نتحرك يمين يسار نرفع يده بشويش مافش فايدة كل ما نتحرك يزيد يحضني لين حسيت عظامي ح تطلع بلعت ريقي بخوف ع احراج وبصوت واطي ،،،،، ح ح حسام حسام وكزته ع كتفه حسام
حسام: ف سابع نومه،،،،، همممم
نا: بلعت غصتي حسيت روحي ح نبكي من الاحراج،،،، حسااام
حسام: فتح عيونه بشويش والنوم مازال ف عيونه شافها بين ايديا 🔥🔥🔥😍 قعد يتأمل ملامحها وكانه
أضف تعليقاً
بيحفظها بيرسخها بعقله رموشها شوي توصل لحواجبها خدودها فمها اللي يحلف عليه شوي ويختفي من صغره🔥،،، ابتسم ورد غمض عيونه وهو بيعود يتأمل ملامحها بعقله بس طبعا المزعجةة اللي جنبه تخلي الواحد يتهنى 🤣💔
نا: كنه هذا ياربي😭 ،،، حس حسااام
حسام: فتح عيونه بعصبيه،،، ها هاااا شن فيه عند الصبح حتي بنومي طلعتليييي
نا: بلعت ريقي،،، ا ا اطلقني
حسام: هاا!
نا: اطلقني بنصبي 🙁😫
حسام: فطن لروحه نزل نظرة لايديا كيف حضنها معقوله رقدها ليل كله ف حضنه بعد عنها بسرعه وقعمز ،،، انتتتي شن اددديري هنااا
نا: قعمزت بسرعه و رفعت شعري،،، ا ا انت امس طفا ضي و
حسام: قصدي تقعدي لين يجي الضي وتصبي مش ترقدي وتقعدي تتصلقي وحركات المياعه اخرلك مرة اديرهن فاااهمه وصبا خش لحمام وصفق الباب بالقوة و هو مفلم من روحه
نا: فاتحه فمي بصدمه ودموع بعيوني ،،، نتلصق ! شن قصده هذا ع اساس اني اللي كنت حضنته
حسام: غسل وجه اكثر من مرة اوعي لروحك ي حسام ماتخليهش تخدعك بوجهه البرئي ماتخليهش تضخك عليك نفس ما ضحكت ع ولد عمك وغيره وغيره اني الحق عليا المعاملة الكويسه ماتمشش مع الاشكال هذي ،، طلع من الحمام شافها مصبيه ع دولاب اطلع ف دبشها ،،، عزق المنشقه ع سرير وعلق فونه بشحن بأستفزاز،،، ع
وين عند الصبح
نا: مانبش نبحت فيه،،، جامعه
حسام: بلاها اليوم وطلعيلي دبشي
نا: برمتله وعقدت حواجبي،،،، كيف بلاها امس غير بديت
حسام: شوفي حوشك وديريله حمله قبل ولا انتي ف حوش هلك ما اديرش ف شي وعندكم خدم يخدمو عليك ومانش عااارف !!!
نا: انصدمت من كلامه معقوله يعزقلي كلام ع فقري وفقر هلي هكي قصده ! بغصه وصدمه ،،،،،، ش شن قصدك
حسام: رفع حاجبه ومابش يرد فتح دولابه وطلع دبشه بروحه فرك لحيته بملل،،،، مطوله
نا: طلعت من الدار لحمام ونا ناخد ف نفس ونصبر قلبي لامته بس خايفه شي يوم يوقف من كثر القهر ،، طلعت من حمام لكوجينه جهزت الفطور والقهوة
حسام: جا فطرة وصبا طلع لشغله من غير ما يزيد حرف
نا: صبيت غيرت بجامتي لبست روب حوش ،،،، ولملمت وقعد نحوس ع حوش وكان فعلا يبي حمله 🤭 فتحت دولابه استغربت من كثر ماهو مرتب وحاجاته كلها منسقه ومرتب بطريقه غريبه حتي بنومه هادي،،، اوووف طلعيه من عقلك واحد مررريض
