لماذا_اناآ
بقلم dareen
الحلقه 6
__________________________
ايمن: بلهفه جهينه حبيبي اسمعيني ما درتش هكي قصدا واللهي ماكنت بنسيبك
نا:من كثر البكاء ماركزت حتي ع كلامه،،،،،، نبكي ونشهق خلاص تريحت انتقمت مني هذا اللي تبيه وصلتني للحاله هذي !!
ايمن:مستحيل كنت ندير هكي ونسيبك ف يوم نفس هذا بس خليني نفهمك
نا: بصوت عالي مااانبش نفهم شي خليني ف حااالي لك شهور تعذب فيا وفي الاخير شوف شن درت
ايمن: جهينه اسمعيني 💔اني
نا: ماعش تقول اسمي ع لسانك فاااهم نكرررهك نكرهكك ي ايمن وسكرت ف وجه
أيمن: بلع ريقه بغصه ورد راسه لاورة اتكى ع كرسي وغمص عيونه ،،، واني شكلي حبيتك او نحبك من اول يوم شفت فيه عويناتك
أضف تعليقاً
نا: قعمزت ع ارض وحطيت راسي ع سرير وغمضت عيوني خلاص تعبت من البكاء وجسمي انهار
حني فوزيه: من بكرا كل دبش وحاجات البنت انقولها من شقه حسام لايمن( شقه حسام كانت مقابله لشقه ايمن )
سعاد: تشرب ميه وهزت راسها ان شاءالله
حني فوزيه: فنصت ب دلال سمعتو شني قلت
دلال: علك مهزله وين صار الكلام هذا انفضحنا
حني فوزيه: لا انفضحنا لا شي اهي بنت جازيه جارتنا حجرها ولد سيدها من ولد خالها واهي نوريه تزوجت سلفها بعد العدة كل ناس يصيرلهن ظروف وهذي حكمه ربي
سعاد: لا اعتراض ع حكمه
فيروز: ماسكه فونها وتحذف كل صور حسام ودموعها ما وقفت
دلال: صبت هي ي بت قدامي
فيروز: صبت ومسكت كعبها تصبحو ع خير
سعاد: لحظه دلال وهي مفتاح شقه ايمن
دلال : برمت بوزها وليش
سعاد: بنجيب حاجه للمسكينه اللي جوا تغير تيبست بالفيلو
دلال: تعالي معايا عندي نسخه ف كوجينه وخشت قبلها
سعاد: لحقتها
دلال: فتحت الدولاب طلعت المفتاح ومن غير نيه تفضلي
سعاد: شني فيك ليش تعامليني هكي !!
دلال: طبعا فرحانه توا انتي ولدك طلع البطل اللي يضحي بروحه عشان اي حد و ولدي طلع اخيييي وما ينفعش صاااح!!
سعاد: ابتسمت معقوله ي دلال بعد العشرة اللي بينا تحكي معايا هكي
دلال: اي والله نحكي ونص اللي يمسني اني وعيالي مش ح نسكتله
سعاد: ومني جا شورك او شور عيالك معز ايمن فى قلبي نفس حسام ومهما دار نفضل نحبه ومفروض اني اللي زعلانه ومضايقه في وحدة ترضا ولدها وحيدها يتزوج وبالطريقة هذي بس سكتت عشان كلامي لا ح يقدم ولا ح يأخر وتجي توا تكمليها عليا بكلامك هذا ماكنش العشم
دلال:بتوتر إء اء سعاد اني قصدي ان
سعاد: الصباح رباح بكرا نحكو توا تعبانين ومش وقت كلام وسيبتها
وطلعت لشقه ايمن خشت لدار النوم طلعت منشفه وداخلي وبجاممه حرير وردية مستورة ونزلت مرت ع شقتها
زياد: يشرب ف دواء الضغط ،،خيرك طولتي
سعاد: اني جيت وين حسام
زياد: يدوش وينهي البنت
سعاد: قصدك تبيني نرقيها
زياد: امالا شني جبيها وفكيني من المشاكل والفترة هذي ممنوع تتطلع من حوش لين يخف التوتر شوي بوي مريض ومش ناقصه ولا مش ح تتريحو غير لم تجلطو !!!!
سعاد: بعيد السوء عليه خلاص حاضر توا نجيبها
زياد: هز راسه وخش لدارة
وجت بتنزل ع طلعت حسام من الحمام جنب دارة
سعاد: حسام
