( روايات ليبية )
حلقة 1🔥
لماذا أنا 🔥
#واقعيه
________________________
انا: ها شن ي صار ي حمادي على اعصابي قلبي ح يوقف
محمد: ماسك الفون تي اصبري مانش أسرع من نت اني في ضغط ع شبكه
عمتي فريحه: من الكوجينه،،،،،،، ماتخفش باذن الله ناجحه عارفتك قدها
محمد: عيط وووواو مبروك مبروك 86% ممتاز
أضف تعليقاً
نا: رعشت وعيون دمعت تكذب عليا متأكد جبت ممتاز
محمد:بفرحة واللهي ها امسكي شوفي
عمتي فريحه: تزغررط ماشاءالله والله بيضتيهاا
وعا عمي محسن مفجوع على أصواتنا وطلع من الدار
عمي محسن: خير شن فيه
عمتي فريحه: جهينه طلعت نتيجتها وجابت ممتاز
عمي محسن: ابتسم وجاني حط يده على راسي ماشاءالله ربي يحفظك بنوتي السمحة وبحت ف محمد نبيك تكون نفسها وتجيب هك ف الثانوي
محمد: نطلع من الاعدادي قبل وساهل
نا:بفرحه نستاذنكم بننزل نقول لهلي
عمتي فريحه: انزلي ي بنيتي وسلميلي ع امك
نا: هزيت راسي حاضر
ونزلت من الدور الاول لتحت الدروج حوشنا نفس القبو
واني كنت عند حوش عيت جيرينا عمتي فريحه وعمو محسن وعندهم عيل واحد صديقي وخيو الصغير كانو بمثابه ملجا لي يقولو الجار لجار بس هم بالنسبه لي هلي ونحبهم من كل قلبي
فتحت الباب الخشبي الخضر اللي نصه متكسر وعلامات القدم باين عليه ،،،،،،،،،،،،،،بابا مقعمز ع صالون الارضي القديم ويتفرج على التلفزيون الصغير اللي احتمال ماعش فيه منه الا عندنا وماما ادير الحساء بالكوجينه او نقدر نقول شبه كوجينه كانت الرطوبه فكل مكان والمياة تنقط فوق راسنا لان كنا ف عز الشتاء💨💦 ومع هذا كله كنت فرحانه بحياتي المهم بالي متريح وبابا وماما جنبي وكلمه الحمدالله ديما على لساني❤
نا: جيت قعمزت جنب بابا ،،،، بهدوء بابا طلعت نتيجتي
بابا : بحت فيه وحول النظارات الطبيه حق وشن صار فيك
نا: بأبتسامة جبت ممتاز 86 %
بابا: بأبتسامه كبيرة ماشاءاللة عليك وفتحلي ايديه تعالي تعالي
نا: ضحكت وحضنته بكل قوتي وعيوني دموع تعبت واجد ف 3 ثانوي ايام ما نرقد ونا نقرا ونفهم ومعتمدة ع روحي
ماما: طلعت شن فيه فرحوني
بابا: جهينه جابت ممتاز
ماما: ماشاءالله الففف مبروك عقبال ما نفرح بيك ياارب هذا ليش عمتك فريحه كانت تزغرط
نا: هزيت راسي اي
بابا: سامحيني ي بنيتي كان ودي نوفرلك من مصروف الحوش ونجبلك موبايل عارفك خاطرك فيه
نا: ابتسمت بابا حبيبي مانبي شي وحضنته هذي احلئ هديه بالنسبه لي
ماما: ربي يحفظك ويخليك يا مريحتنا
وخش خيو علا يشتغل بمصنع الاسمنت ويرد متبهدل حتي رموشه عليهن تراب قعمز بأهمال
علا: انتي جبيلي ميه
نا: حاضر وصبيت جبتله
ماما: بارك لاختك طلعت نتيجتها وجابت ممتاز
علا: ببرود ويعني كله كلام فاضي شن بدير فيها النتيجه اهي شهادتي معزوقه جوا
ماما: شن الكلام هذا ليش ديما تكسر خاطرها
نا: بنخش لجامعه ونتخرج ونشتغل ونجيب فلوس ويقعد
حالنا احسن من هكي
علا: ضحك بهزوة احلام ورديه ومن قالك اصلا بنخليك تخشي لجامعه بين الصياع
بابا: مش وقته الكلام هذا توا
علا: لا وقته ي بوي انت مش عارف شي الجامعه ف وقتنا هذا عاررر واي بنت تخشلها ينضحك عليها
نا: شن التخلف هذا ما تتدخلش بياا ونفس ما خشيتها بنخشها
علا: امشي ي حيوانه من وجي خير مانصبي نقسمك نصين
نا: برمت ع بابا،،،،،،،،،بابا انت اكثر واحد عارف قداش تعبت واني نبي طب
بابا: يبحت فيه بقله حيله وعلامات الحزن ع وجه بس ي بنيتي انت عارفه الطب مصروفه كبيرة و اني مش ح نقدر نأملك كل حاجه
نا: عااادي ي بابا كان هكي نشتغل ونساعدك
علا: تشتغلي ف عينك ماتخلنش نطلع مع عقلي تلغي الأفكار هذي من راسك
بابا:بعياط علااا قاعد قدامك وتحكي مع خيتك هكي لم نموت شن بدير فيها ما تتدخلش اني بوها ونعرف مصلحتها وين
علا: انحرقو باهي وخش لحمام(يكرم القارى)وصفق الباب بالقوه
بابا:بعصبيه جهينه اخرلك مرة تحكي مع خوك هكي
نا: نزلت دموعي وهزيت راسي وصبيت بنطلع
بابا: ح نخليك تخشي لجامعه بس اختاري حاجه غير الطب
نا: بغصه ونعض فمي حركه فيه لم نزعل،،،،، حاااضر
ماما: وين طالعه تعالي تعشي
نا: مانبش مش جعانه وطلعت قعمزت ع دروج ومتكيه خدي على يدي ودموعي بأنهيار ونا نتفرج علي رسومات اللي رسمتها على ساس بالطباشير من اني وعمري 5 سنين نموت في حاجه اسمها رسم راسمه دكتورة ماسكه سمعه وسيارة اسعاف حتي اني راسمه إبرة
