عائـلة نصـار

غـدر

الفصل الرابع عشر.
الجزء الأول. عائـلة نصـار.

بسم الله الرحمن الرحيم.
الڤوت يا جدعان الإنسان محبط والله ، شوية تشجيع بس😂😂

بعد أن ألقي حمزة قنبلته الموقوتة على مسامع داليدا وبعد أنكارها لما سمعته ورفضها القاطع لحديثه ، أخرج هاتفه وضغط على زر التسجيل بأصبعه ليخرج صوت عدى غاضباً يملئه الشر.
_ بقولك عايزك تخلص علي عبدالله المنشاوي ، عايز أخلص منه فى أسرع وقت ممكن أنت فاهمني! عايز داليدا تكون ليا بأى شكل وده مش هيحصل غير لمه أخلص من الزفت أبوها.

لم تسعفها قدماها فجلست على طرف الفراش تبتلع ريقها بألم وعباراتها تهطل بغزارة ، تهز رأسها بنفي قاطع كيف هذا! شعرت بأن أنفاسها تخرج بصعوبة فوضعت يداها أعلي قلبها وهي تحاول التنفس بصورة طبيعية ، أعتراه الخوف عليها أثر حالتها التي بدت عليها فـ رق قلبه لها حيث جثا على ركبتيه أمامها يحاول تهدئتها وهو يمسح على خصلاتها برفق ، طالعته بنظرات مشتعلة وعينين غاضبتين وهي تلكزه بصدره بقوة ليبتعد عنها وهي تصيح به بعنف وألم مزق نياط قلبها.
_ أنت كداب أنا لا يمكن أصدقك لا ، عدى مش ممكن يعمل كده ولا يفكر يأذي بابا لأنه عارف كويس هو بالنسبالي أيه ، أكيد الفويس ده ملعوب فيه علشان تبعدني عن عدى مش كده؟ بس ليه؟ ليه عايز تبعدني عنه ؟ فى الأول بابا ودلوقتي عدى ، عايز تبعدني عن الناس اللى بحبهم وتحرمني منهم طب أنا معملتلكش حاجه ولا أذيتك علشان تبوظلي حياتي بالشكل ده! بتنتقم من بابا فيا مش كده؟ طيب ماشي وأنا مستعدة للأنتقام ده بس عدى بره كل حاجه ، وأوعي تفتكر أنك ممكن تبعدني عنه أو تخليني أكرهه ده مش ممكن أبداً أنت سامعننننني!
أردفت كلماتها الأخيرة بأنهيار تام وعباراتها فى تزايد ، أما هو فقط يتابعها بصمت وبملامح متهكمة لحديثها المرتهل ولسذاجتها أيضاً ولكن بداخله قد أشتعلت النيران كيف لتلك المغفلة ألا تصدق ما سمعته! هو بالفعل يريد قتل والدها وقد أستأجر أحدهم لفعل ذلك ، هو لا يكذب حيث أنه أمر مصطفي سائقه بأتباع عدى كظله فى كل مكان ، أستطاع أن يسجل له ذلك المقطع الصوتي وهو يتفق مع ذلك القاتل ، بعدما بقي على مراقبته وأتباعه لذلك المقهي الليلي والجلوس بالقرب منهم والأستماع والتسجيل أيضاً لما أتفق عليه الأثنان.

زفر بقوة جازاً على أسنانه بغضب شديد ، ثم أقترب منها يمسكها من كتفيها بقوة وهو يردف بحدة.
_ أنتِ أزاى غبية كده؟ أنا لو فعلاً زى ما بتقولي لاعب فى الفويس ده وعايزك تبعدى عن الزفت اللى أسمه عدى وتكرهيه فأنا هستفاد أيه بكل ده؟ قولتلك قبل كده أنك مش فارقه معايا وبعدك عنه ده مش هيحققلي أى حاجه فى أنتقامي من أبوكِ ، اللى يفرق معايا أسمي وشكلي وسمعتي قدام الناس ، أنا ميفرقش معايا أذا أتصدمتي فى الزفت بتاعك ده وكرهتيه ولا لا لأن كده كده هتبعدي عنه غصب عنك مش بمزاجك لأني زى ما قولتلك قبل كده أنتِ خلاص بقيتي شايله أسمي وشرفي لو مش واخدة بالك ومش ممكن أسمحلك أنك تشوهيهم!