اليتيمة والمتعجرف🍒مكتملة🍒

🍒الجزء 12🍒

🍒بقلم كريمة ??
#الحلقة 12:
*عند جاد لي غادي بسرعة مفرطة مخلي من وراه غير العجاجة حتى بوليسي ما وقفو حيت عارفين اشنو كا يسوى يقدر يشري أي حاجة فالنفود لي عندو شوية سمع صوت طيلي كيسرسر عرف شكون و جاوب ببرود
جاد:آلو وي
ادهم:ولدي لباس عليك
جاد:الحمد لله على حال اشنو خبار ماما بيخير عليها
ادهم:لباس عليها حتى هي كتسلم عليه ها هي حدايا
جاد:مزيان ممكن نقطع عندي شي شغل ضروري من بعد و ندويو
ادهم:ماشي معقول نتاصلو بيك و تسمعنا هاد جوج كلمات ولدي راه دار خاوية بلا بيك ومن نهار مشيتي من الشركة بقات بلاصتك قداش امتى دير عقلك و تنسى الماضي عليك  (شي حاجة كتعلق بجاد بفضلها قرر يهجر دار والديه واخا كانو موفرين ليه أي حاجة و فضل يعتمد على رأسو و الحمد لله قدر ينجح بفضل العزيمة و الإصرار ديالو باقي الأجزاء تعرفو كيفاش تحول من جاد الحنين إلى جاد الانطوائي و ما بقات فيه لا رحمة لا شفقة
جاد:كنضن راك عارف السبب ما بغيتش ندوي فهاد الموضوع دابا اوك
ادهم:سمح لينا ا ولدي مكناش قاصدين
ليليا :(سمعاتو خرجت عينيها فادهم)هئ هئ انت لي مسؤول على هاد الشي كامل متدخلنيش معاك ا أدهم
جاد:(ملي سمع هاد الشي و البكا ديال ماماه واخا مكتبينش حس بقلبو ضرو حيت كيعتابرها أهم حاجة عندو فهاد الدنيا و كيدير هاد الشي بزز منو)ممكن دوزها ليا بغيت ندوي مع ماما
ادهم:واخا (عطاها طيلي عينيها لمعوا من الفرحة ضغيا شداتو من عندو
ليليا:آلو حبيبي
جاد:سلام ماما لباس عليك عفاك ماتبقايش تبكي انا غادي نحدد شي نهار و نجي نشوفك
ليليا:واخا و لدي غادي نكون أسعد انسانة فالعالم اشخبارك مع خدمة
جاد:الحمد لله شوية ساعة أخرى يحل الله ضروري من الخدمة مكتقاداش
ليليا :عندك الحق ولدي بغيت ندوي معاك فواحد موضوع ولكن واعديني تبقى مهدن
جاد:دوي خلاص اشنو كاين راه غادي نتقلق عارفاني مكيعجبنيش هاد الشي
ليليا :امتى غا تزوج و نشوفك عريس نفرح ليك انت و مراتك و نشوف حفايدي قبل ما يفوت الفوت
جاد:اوووف واش هاد الشي لي مخليك تاصلي بيا كان عليا نعرف هاد الشي من الأول ديما الزواج ندخل عليه و نخرج عليه  (وقطع عليها طيلي و غادي يتفركع بالعصاب و كمل طريقو للشركة