اليتيمة والمتعجرف🍒مكتملة🍒

🍒الجزء 71🍒

🍒بقلم كريمة ??
#الحلقة 71:
(من بعد مشا جاد للمكتب ديالو يقاد شي خدمة كانت كتسناه و إسراء و دعاء قادو الدار شوية و طيبو ليهم قهوة مع شوية كلية و شدو واحد الفيلم كوميدي كا يسخف بالضحك و هوما على داك الحال حتى حسو بالدقان فالباب مشات تشوف شكون حلات حتى كتفاجأ واحد المرة فالربعينات زوينة شعرها شهب و عينيها زرقين و لكن لا شفتوها تعطويها 32 عام مهلية فراسها و محافظة على الرشاقة ديالها كانت لابسة سروال جينز ديباردور فالكحل و سباط كحل و الفرحة باينة ليها على وجهها كانت هي وواحد البنت حتى هي مكتقلش جمال على الأم نتاعها سميتها ميرال وهي الأخت الصغيرة ديال جاد كا يعتابرها كولشي بالنسبة ليه حيت كبرات على يديه بيضة و حروفها شهبين حجبانها مقوسين و فمها حمر و منفوخ كانت لابسة تيشورط بالبيض و سروال جينز مع سبادري بيضة مشات دعاء بجرية تعيط على جاد
إسراء :سلام ماما
ليليا :سلام ا بنتي إسراء هدا هو نهار كبير لي بقيت عايشة حتى شفتك ا عروسة و لدي و نشوف حفايدي إلى بغا الله
إسراء :انشاء الله
أدهم :سلام ا بنتي
إسراء :وعليكم السلام ورحمة الله وبركاته تفضلوا دخلو متبقاوش فالباب  (ودخلو جلسو فالصالة هبط جاد حتى هو سلم عليهم و عينيه باينة فيهم الفرحة مكرهش يتزوج من غدا و إسراء و دعاء كانو فالكوزينة كا يصيبو فالكوطي كان عبارة على اتاي و القهوة بالحليب و الكرواصة و الشنيك و المسمن و البغرير و المخمار الطبلة عمرات و بداو فعملية الافتراس😂😂😍😍
ليليا :ولدي الحبيب توحشتك ههه
جاد:حتى انا (سالاو من الماكلة جاد دوز مكالمة لفراس باش يجي يجلس معاهم شوية و ماهي إلى دقائق حتى جا شتي الحب توحش دعاء مقدرش يصبر على فراقها😂😂😂 بقا مجمع مع ادهم آب( جاد) و جاد و ليليا كانت مجمعة مع البنات إسراء و دعاء و غيتة (الخدامة) في قنت آخر
ليليا:بنتي إسراء عارفة بلي انتي مقطوعة من شجرة و مقلتش هاد شي باش نقص منك حيت عرفت داك شي لي دزتي منو و متفهماه حيت ماشي ساهل واحد يفقد والديه
إسراء :عارفة لي كاين خالتي ربي يخليك
ليليا:(خنزرات فيها)من يوم كاين غير ماما اوك
إسراء :واخا حالتي بغيت نقول ماما😂😂😂