🍒بقلم كريمة 🍒
#الحلقة 45:
*عند فراس :
فراس :كول ليك شي حاجة ما كليتي والو ملي جيتي
جاد:والله ما عندي منين يدوز (بالسيف جالس هنا و مخلي قلبو فالفيلا 😂😂😂😂😂)
فراس :اوا جاد كيف عاملة اسراء ياك بعدا لباس عليها
جاد:لباس عليها الحمد لله واخا قبيلا تخاصمنا قبل ما نخرج و بدات كتبكي
دعاء :ياه حشومة عليك علاش كا تبكي ليا ختي 😒😒
جاد:كيفاش بغيتيني نتصرف معاها وهي قالت ليك شكون غادي يتزوج بيها رداتني مكنسواش وانا بغيت غير نسترها و نصحح الخطأ ديالي لي درت
دعاء :صافي يكون خير انشاء الله
جاد:حمممم انشاء الله المهم نخليكم دابا خاصني نمشي حيت تعطلت على دار
فراس :جاد جلس ا صحبي راه باقي الحال
دعاء :فراس مسكين جاد راه خاف اسراء لا تمشي تهرب ولا تعرف على شي شخصية جديدة ولا شي حاجة ولا العكس صحيح 😂😂
فراس 😂😂😂
جاد: ديرها ديك الساعة نقتلها
دعاء :فراس عرفتي شنو كا نسميو هادي لي قال جاد 😂😂
فراس :شنو كا نسميوها
دعاء :الغيرة 😉
جاد:شفتكم تحاميتو عليا
فراس و دعاء: 😂😂😂😂
وتوادع معاهم بالضحك و التقشاب و هو ما جايب لدنيا خبار ركب فلوطو و غادي مكسيري فحالا حاس بشي حاجة ماشي حتال تما مسكين لقا الكارد طايحين و دايخين تما قلبو بقا كيضرب بجهد و طلع نيشان فالدروج كا يتعثر و كينقز فالدروج بالثلاثة بالربعة لقا البيت ديال اسراء مفروعة و غيتة سخفانة حاولات بكاع جهدها تقتقها ولكن كانوا قوى منها وحس فحال شي شوكة تخشات ليه فقلبو ومشا لجهاز الاندار لقاه طافي و حتى من كامرات المراقبة هنا زاد صعر بالبيان و مكرهش هداك لي دار ليه هاد الشي يشدو يقتلو و يشرب من دمو وتفكر بلي كان داير لاسراء جهاز GPS لاسراء فالبانضة ديال شعرها باش يبقى مهني عليها حيت عندو بزاف ديال الأعداء مشا جاب بيسي من بيتو جلس فالصالة وهو كامل كا يترعد عرف فين كاينة و كايتوعد للشخص لي دار ليها هاكدا بالعداب العسير مشا للخزنة ديالو خدا الفردي و عمرو بالرصاص ناوي على خزيت
أنت تقرأ
اليتيمة والمتعجرف🍒مكتملة🍒
Roman d'amour💎مكتملة💎 ❌حصرية على الواتباد❌ 🍒🍒 جبت ليكم قصة رمضانية كيف غادين مع الصيام🌺🌺 قصة رمضانية:🌸🌸 بامتياز العنوان:اليتيمة و المتعجرف الأحداث ديالها كا تمثل فكل أنواع الاكشن و الكوميديا و الاغتصاب و الاختطاف الحب الهوس و التملك تقبل الله منا ومنك...
