اليتيمة والمتعجرف🍒مكتملة🍒

🍒الجزء 13🍒

🍒بقلم كريمة ??
#الحلقة13:
*هاد المرة عند دار مليكة دعاء مسكينة مسكتاتش من البكا بسباب المعاملة الغير الائقة لي تعرضات ليها صاحبتها من طرف باباها الشي لي خلاها متبقاش دوي معاه و تعاتبو حيت جرا على وحدة كثر من صاحبتها وقفات معاها فالفرح و الشدة يكفيها أنها تحرمات من حنان الأم و الأب مبغاتش تزيد عليها تاني الحرمان من دفئ العائلة حيت اسراء هاد الشي لي خرجها بغات شي ناس و عائلة يهتمو بيها و يرعاوها و يحسوها بأمن و سلام حيت هي غير ضحية و عندنا المجتمع ظالم و حتى من النظرة ديالو مكترحمش و تقدر تقتل الواحد شكون فينا حنى لي كيحمل نظرة الرحمة و الشفقة
مصطفى :يا هاديك البنت واش مغاديش تسكتي من البكا من البارح و انا صابر ماشي غير وحدة يلاه جات باقي حتى ما سخنات بلاصتها قدرات تغشك و دير بلاصتها
دعاء:هئ هئ هئ سكت براكا انت لي سكت  (ودارت صباعها فودنيها و كتميل رأسها شمال و يمين لا )لا هئ هئ اسراء ماشي هاكداك هئ هئ هي صحبتي و اختي كبرنا بجوج و لعبنا بجوج ما يمكنش ليك تحكم على الواحد من مجرد نظرة وحدة هئ هئ انت ماشي هاكدا فينما هو بابا لي كنعرف ديال شحال هادي لي كيبغي الصغير و الكبير و مكايسكتش على الظلم هئ هئ انا تصدمت فيك بزاف هئ هئ ماما دوي معاه
مليكة :دويت حتى عيت ا بنتي راه راسو قاصح صافي مبقيتش قادرة نسكت غادا نمشي لبوسط ديال بوليس نبلغ بالاختفاء ديالها هي وصية من عند صاحبتي و مايمكتش نفرط فيها
دعاء:حتى انا جاية معاك هئ هئ
مليكة :اجي ابنتي
مصطفى :(شاف دعاء مدارتش ليه اعتبار و دوى بصوت حاد لدرجة خلعها و مليكة خنزرات فيه )رجعي فين كنتي ولا مغادي يعجبك حال
دعاء:لا مراجعاش حتى دير عقلك انا مغاديش نفرط فإسراء غادي تختار يا ترجع اسراء يا انا لي غادي نخوي ليك دار  (و شافت فيه نظرة تحدي
مصطفى :(تصدم و هز يدو حتال السما كان غادي يسرفقها حتى شدات ليه مليكة يدو
مليكة :هيه حدك تما اش غادير واش فاخر مطاف باغي ضرب بنتك من لحمك و دمك واخا عارف بلي مريضة
دعاء :(تصدمات من شوفاتو لي كلها حقد و شدات فقلبها و طاحت فحال شي جثة هامدة مليكة ملي شافتها طايحة كانت غادي تسخف من البكا
مليكة:هئ هئ هئ هئ بنتي عفاك حلي عينيك انا فجنبك منقدرش نعيش بلا بيك هئ  (و شافت فمصطفى و شافت نظرات كلها كره )توقع ليها شي حاجة نريب هاد الدار على راسك  (حتى هو خاف عليها بزاف و هزوها ضغيا حدو وجهة لوبيطال