M U N G
Dening : A.P. Noegraha
Madya ratri anganthi bali.
Saka adohe lelungan kalawan wewayangan,
kang kinunjara endah dening gagasan.
Ngineb netra,
mapag kusumaning nendra.
Jroning taman kebak kembang
Ketebangmu rumamyang
Nyaketi ingsun kang mulat ngungun
Sangisore wulan angrumembun
Ana pinggiring tlaga smarandana nywara
Tinadhahan esemmu kang mekar jenggar
Nyasmitani sumambute rasa linambaran setya
Lir agni kalawan urube
Sawung melung mecah suwung
Nenangi surya ing walike gunung
Sunare sumebar
Ndhodhog ati kang lagya gumilar
Sawise nesep maduning pangimpen
Surakarta Hadiningrat, november 2022
KAMU SEDANG MEMBACA
U W U H
PoetryIki mung jugangan kanggo gurit-guritku. Kang dadi uwuh kalamun aku wis bisa rujuk lawan kaanan rikala iku. Nanging, ya lumantar uwuh-uwuh iki aku ora lali marang lelakon kang wis dumadi.
