KAMU SEDANG MEMBACA

U W U H

Poesia

Iki mung jugangan kanggo gurit-guritku. Kang dadi uwuh kalamun aku wis bisa rujuk lawan kaanan rikala iku. Nanging, ya lumantar uwuh-uwuh iki aku ora lali marang lelakon kang wis dumadi.

#basajawa #geguritan #jawa #kata #puisi #puisijawa #rasa #sastra #sastrajawa #sastrajawamodern #ukära

- Layung Wuyung -

67 2 0

oleh AP_Noegraha

oleh AP_Noegraha

- Layung Wuyung -

Dening : A.P. Noegraha

Gitarja.
Wewayangmu anjog ing kene,
ginaweng srengenge kang mijil kalawan semburat abange.
Kuwawa ambuka netra angripta daya,
murwani ari kanthi nggurit eseming lathi.

.
.
.

Gitarja.
Wewayangmu jebul isih prapta.
Ambeksa aneng cakrawala, ngrengga jingga sandyakala.
Keconggah bebungah manah anyirna lungkrah,
marang jiwa lesah kang ameh ngesah.
.
Gitarja.
Senadyan tawang wus ngadhang tekane lintang, wewayangmu padhang gumawang.
Nglayang myang gagasan kang miterang marang panandhang
:besuk apa nggonku bisa nigas kapang.

Gitarja.
Jroning layung ana wuyung kang tumlawung,
kaserung ing parung jejantung,
nora suwung saya umyung.

Nadhidhmra -

Surakarta Hadiningrat, 130922