KAMU SEDANG MEMBACA

U W U H

Poetry

Iki mung jugangan kanggo gurit-guritku. Kang dadi uwuh kalamun aku wis bisa rujuk lawan kaanan rikala iku. Nanging, ya lumantar uwuh-uwuh iki aku ora lali marang lelakon kang wis dumadi.

#basajawa #geguritan #jawa #kata #puisi #puisijawa #rasa #sastra #sastrajawa #sastrajawamodern #ukära

- R U C A H

36 2 0

oleh AP_Noegraha

oleh AP_Noegraha

- R U C A H -

Dening : A.P. Noegraha

Ing nguni,
Swaraku pindhå kêncånå tumrapmu,
Kok jålå,
Nganggo manèkå warnå jaring,
Jaring sêmbako, jaring dhuwit, lan jaring janji-janji.

Yå géné ing mangkin,
Swaraku kok anggêp kåyå latêng,
NGGATÊLI.
kalamun ngênani talinganirå,
Nuli binabad rikat,
Mawa landhêping pranatan,
Kang riniptå kalawan dhêdhêmitan.

Wasånå,
Dènirå guwang mring jugang pakunjaran.

Apa iyå?
Mung karånå namèngi kalungguhan,
Sirå banjur nancang mardikaning gagasan.

Apa iyå?
Mung karånå ngrêkså kaluhuran drajat,
Sira têgêl bungkêm cangkêm, nugêl ilat.

Sumurupå!
Kêpiyé dadiné?
Kalamun swårå dibuntêt,
Gagasan bakal cupêt sabab cinandhêt.

*oceh Sang Kanthong Bolong usai ngedumel di depan kori sela matangkep Suralaya dalam mimpinya.

Kdn, akad kliwon 020722