نوفيلا كِتارا
#عندما يخطط الشيـ.طان.
قال الله تعالى (يَا أَيٌهَا الّٓذِينَ آمنُو ِإذَا جَائَكُمْ فَاسِقٌ بِنَبَإٍ فَتَبَيّنوُ أَن تُصِيبَ قَوْمًا بِجَهَالَةٍ فَتَصبحوا عَلَى مَا فَعَلْتُمْ نَادمِين)
(صدق لله العظيم)
✿✿┈┈••⊰✿✿✿✿⊱••┈┈┈┈••⊰✿✿✿✿⊱••┈┈✿✿
بسم الله نبدأ
مكتب مدير المباحث في آخر الطرقه وشهاب رايح ليه ،كان واضح على ملامحه الجمود ودخل وقدم التحيه واتكلم مع المدير وقال:- تمام يا فندم حضرتك طلبتني؟!
المدير :- ايوه يا سيادة المقدم أنت سلمت الأولاد لوالدهم الدكتور سراج ولا لسه؟
شهاب بجمود:- لسه يافندم يومين بالكتير وهوصلهم بنفسي.
المدير بجديه:- اظاهر إنك لسه مصمم على اللي ف دماغك!! أنت عنيد ليه ياشهاب!! انا عايزك تنسى الكلام اللي انت قلته امبارح، وخلاص أعرف واقتنع إن إحنا قفلنا القضيه خلاص.
شهاب :- انساه ازاي يا فندم!!! اسف لحضرتك؛ لكن انا متأكد ان حادثه كِتارا عن عمد، وفي لغز في القضيه، وانا قلت لحضرتك عليه ومين مبين المتهمين المشكوك الاول فيه حضرتك.
المدير بحزم:- جوزها الدكتور سراج ما كانش موجود يا شهاب وقت الحادثه، والكاميرات وقتها مقفوله بسبب انقطاع الكهرباء، إذن مافيش دليل على كلامك.
شهاب بتوضيح:- سراج خرج من وسط الناس يا فندم فاجأه من ضمن اللي كانوا واقفين حواليها، كمان انا شايف انه مش مصدوم للدرجة ومش شايف انه حزين عليها،وفي شكوك كتير يا فندم بتدور حواليه.
المدير بإستسلام:- أنا عارف انك مش هتهدى، لكن اتفضل قول اللي عندك.
شهاب :- قبل الحادثه بساعتين سراج هدد كِتارا أنه هيتخلص منها، وكمان وقت الحادثه العربيه كانت مكانها في الچراج ومفيش بصمات عليها من آثار المطر، وظهر وسط الناس فاجأه، ووالد المجني عليها اتهموا بأن سراج اللي قتـ.لها لأن ده من مصلحته، وسراج الوحيد يا فندم اللي ليه مصلحه من مقتـ.ل كِتارا بسبب الوديعه، ده غير اعتراف المجني عليها ورمز الX الاكس اللي سابته كدليل في قلب الامضاء بتاعتها، كل ده يثير الشكوك تجاه سراج يافندم.
المدير بعدم اقتناع:- كل اللي أنت بتقوله ده كلام شفهي، لكن مفيش اي دليل عليه، وتقرير الطب الشرعي اصدر حكمه في انها منتـ.حره يبقى ننسى القضيه دي لانها اتقفلت ونبص للشغل المتلتل على اكتافنا ،في قواضي كتير ورانا أهم من قضية اتقفلت ياشهاب.
شهاب بتصميم:- عندي طلب صغير يا فندم لو اسمحلي.
المدير :- اتفضل.
شهاب:- ممكن نفتح ملف كِتارا من جديد!! واوعدك خلال 48 ساعه هنوصل للحل والقا.تل الحقيقي.
المدير برفض:- مش هيحصل أبدا، القضيه اتقفلت يا سيادة المقدم والكلام فيه منتهي، وتودي الولاد لابوهم الدكتور سراج وترجع تشوف شغلك اتفضل دلوقتي على شغلك.
شهاب بجمود:- قدم التحيه؛ وخرج.
في شقة شهاب.
هاله بنرفزه:- يعني ايه يا شهاب؛ حق كِتارا كده راح!! طب ودليل الرمز اللي في قلب الامضاء ده إيه؟! طيب ودليل كلام والدها وكمان شهادة إلياس ابنها، وإن المهم قبل تنفيذ الجر.يمه بساعات هدد بقتـ.لها، واختار الوقت اللي الكاميرات مقفوله في المنطقه كلها،ونفذ الجر.يمه.
وكملت بتساؤل:- بس اللي هيجنني ما دام في مجـ.رم ازاي كمان رمت نفسها من البلكون من غير ماحد يدفعها او يزقها؟! انا هتجنن حتى تليفونها ما فيش عليه اي مكالمات تمت في اليوم ده غير من سراج جوزها /!!!!
شهاب مسح وشه بأيديه ومردش عليها وساكت، هاله كشرت عينيها بشك وسألته:- انت هتسكت يا شهاب؟!
شهاب بوجوم:- أنتي عايزاني اعمل إيه يا هاله، انا حاولت مع المدير ورفض،اعمل إيه تاني؟ انا مش قادر افكر في اي حاجه.
هاله بتفكير:-احنا لازم نراقب سراج يا شهاب، هو ده الخيط اللي هيوصلنا للحقيقه.
شهاب رجع بضهرو لورا على السرير وقال:- طيب سيبيني كده افكر مع نفسي واشوف هنعمل ايه؟
