سمراء الفهد

اقتباس (حارة روح )

اول اقتباس لرواية حاره روح عايزه اعرف رايكم في الاقتباس الروايه موجوده في معرض الكتاب دار الراوي صاله ٢ جناح C١٩ ولناس اللي بتسالني على روايه بنت الملك ثروان البارت الجديد هينزل بكره باذن الله

فى احد المستشفيات كان يوجد صوت فتاه تصرخ

يارا ببكاء : ابعدوا عني عايزين مني اي  يا بابا  فاهمني اي الي بيحصل

سعيد ببرود:محدش يبعد عنها لازم العمليه دي تتعمل ضحي عشان اختك بلاش تكوني انانيه

نظرت له يارا بصدمه :أضحي عشان اختي فا تبيع اعضائي هي دي التضحيه من وجهه نظرك وعشان مين اختي اللي انت اصلا مش بتصرف عليها ولا تعرف حاجه عنها انا سيبت دراستي واشتغلت من وانا صغيره عشان اشيل ايدك عني انا واختي وامي وانت دلوقتي جاي تقولي ضحي وعشان اختك

تجاهل سعيد يارا ونظر لطبيب وقال بغضب:أنجزنا يادكتور واعمل زفت العمليه دي وهات الفلوس بسرعه

نظرت له يارا برجاء وقالت بقهر:بابا عشان خاطري خليهم يسبوني هجيب ليك كل الفلوس اللي انت عايزها بس خليهم يسبوني يابابا ابعدهم عني بص هشتغل اكتر من الاول بس بالله عليك ابعدهم عني

نظر لها سعيد بغضب وقال :اخرسي يابت انتي ثم نظر لطبيب وقال انجز يادكتور خلينا نخلص في اليوم دا

نظر الدكتور حوالي بتوتر وقال :احنا فعلا لازم نعمل العمليه دي قبل ما المدير او حد يعرف حاجه عن اللي بيحصل هنا

بعد مرور ساعه كان يقف سعيد امام غرفه العمليات ويسير فى الممر بتوتر وخوف

نظر سعيد لطبيب الذي خرج وقال بحماس:ها يادكتور العمليه نجحت صح يلا هات باقي فلوسي

نظر له الطبيب بضيق وقال :لاسف العمليه منجحتش وادعي لبنتك ان ربنا يكون معاها وياريت ترجع كل الفلوس اللي انت اخدتها مني