سمراء الفهد

اسكريبت قصة الجدة نادية

#اسكريبت_قصه_الجدة_نادية
فى احد المنازل تجلس على الفراش وهي تنظر لاحد الصور وتقول بهمس: العمر جري مين كان يصدق البت الجاهله عملت كل دا وحشتني ياحبيبي الدنيا من غيرك وحشه ملهاش ولا طعم ولا لون حياه فاضيه تنهدت بضيق وقالت الله يرحمك يافتحي و

قطع حديثها دخول احد الاحفاد وهو يقول :ستي انتي بتعملي اي هنا واي الصور دي اي دا جدي

اؤمات له الجدة نادية  بنعم وقالت بحزن:اه جدك كنت بتفرج على صورنا زمان كل صوره من دول ليها قصه  محفورة فى عقلي وقلبي كانها حصلت امبارح

ابتسم مالك وقال بحزن:الله يرحمه انا مليش معا ذكريات نهايي اي رايك تيجي تقاعدي معانا وتحكي لينا عن الصور وعن الحياه زمان

نظرت له الجدة فاطمه وقالت بتفكير:ماشي روح وانا هاجي واجيب الصور معايا نظرت لاحد الصور بشرود وقالت بهمس هقولهم حياتنا كانت ازاي وازاي  قدرنا ننجح ونعدي كل دا مع بعض بتمني انهم يكونوا احسن مننا

بعد مرور دقائق تجلس الجدة على الاريكه وجلس الاحفاد حوالها  نظرت لها منه وقالت :تيته مالك قال انك هتحكيلنا عن جدي يلا احكيلنا شوفتي جدي ازاي وكنتي بتحبي لما اتقدملك ولا لا

ابتسمت الجدة  نادية بشرود وقالت:جدكم دا كان اجمل انسان فى الدنيا الله يرحمه كان كل عائلتي ثم تنهدت وقالت وبعدين حب اي اللي انتي  بتقولي الحب دا مكنش موجود على ايامنا غير بعد الجواز لكن قبل كده انا ولا كنت اعرف جدكم ولا شوفته ثم قالت بضيق وبعدين اي تيته دي انا ولا بحب تيته ولا ستي ولا الكلام الفاضي دا انا بحب ام ثروت نادوني كده

نظر لها احد الاحفاد اسمه عمر وقال بحب:حاضر يااجمل ام ثروت فى  الدنيا ثم قال بتساؤل بس هو انتي ازاي مشوفتيش جدي قبل كده اومال هو عرفك منين اتجوزته ازاي

اؤمات له اسراء بتاكيد على حديثه وقالت بتساؤل:دي حقيقه ازاي اتجوزتي وازاي عيشتي فى القاهره وانتي ملكيش اي حد هنا غير جدي احكلينا اي اللي حصل

ابتسمت الجده نادية على فضولهم  وقالت بهدوء  :الفضول هيموتكم انا عارفه بصوا اي اللي حصل جدكم كان جاي سوهاج لشغل وكان اخويا صاحبه وجدكم قالوا انه عايز يتجوز اخته هنا جدكم مشافنيش كل اللي كان فى دماغه ان عايز يتجوز بنت ناس وهو عارف تربيتهم واخلاقهم كنت صغيره اووي ١٧او١٨ سنه المهم اتجوزنا ونزلنا القاهره كنت خايفه من المكان والناس عالم جديد وغريب عليا وانا لوحدي هنا مش عارفه اي اللي مستنيني  بس جدكم كان مخليني مطمئنه وكان معايا خطوه بخطوه اتجوزنا ومكنش عندنا الامبراطورية  اللي انتم شايفينها دي لا دا كان جدكم عنده اوضه فوق السطوح فيها حسيره وطشت غسيل اول حاجه جدكم قالها ليا لما اتجوزنا ان الدنيا هنا مش عايزه الضعيف وان لازم اكون ست بميت راجل وانا فعلا سمعت كلامه مكنش في حد يقدر يرفع عينه فيا اللي يجي عليا اجي عليه واخلي يندم انه قرب ليا بس كم سنه وجدكم سافر  السعودية وسبني هنا لوحدي حسيت لتاني مره ان وحيده من غير عائلتي ولا اي حد بس قرارت اني مش هستلم لاحساس دا ومن هنا الحياه بدات تتغير بقيت اخد الفلوس اللي جدكم يبعتها واحوشها مره على مره لحد ما بقي معايا فلوس دكان اشتريته وجبت بضاعه وفضلت قاعده فى الدكان دا وعمتكم امال مسؤوله عن البيت  فضلت اكمل حياتي كده اتجاهل الكل وافضل احوش فلوس من هنا وهنا وحتي مكنتش احب اشتري لنفسي اي حاجه كنت بشوف ان لا الاحسن اني احوشهم مع الباقي فضلت كده لحد ما جدكم رجع مصر ولقي ان بقي عندنا بدل الاوضه شقق ومحل قرار انه هيفضل معانا دا كان احسن قرار بعدها قرارنا نكمل كل حاجه مع بعض وهو بقي معايا فى كل خطوه مكنش بيسيبني ابدا بس دا اللي حصل

نظر لها  خالد وقال بفضول:كملي يا ام  ثروت اي اللي حصل بعد كده ازاي قدرتي برده تربي١٠عيال ومعاهم تشتغلي ومين اللي عمل المصانع والمحل انتي برده

نفت الجدة  نادية وقالت بجديه:عمتك الكبيره ساعدتني فى التربيه العيال  وشالت مسؤوليه البيت وانا كنت شيله مسؤوليه الشغل  اما بقي المصنع  ثروت اللي عملوا الله واكبر عليه طول عمره ذكائي جداا كان بيشتغل كل حاجه بس حلال المهم بعد ما اتجوز قرار ان يفتح محل اول ما فتح المحل سلموا لحد من اخواته الرجاله فضل كده كل شويه يفتح محل فى حته ويسلموا لحد من اخواته لحد ما في يوم قرار انه هيبني مصنع بنفسه فى الصحراء تعب وشاف العذاب لحد ماقدر يبني المصنع ويكون احسن مصنع فى الشرق الاوسط

ابتسمت نور وقالت بحب:بابا دا اجمل واحن انسان فى الدنيا نفسي لما اكبر اكون شبه نفسي هو قدوتي فى الحياه نفسي اخلي فخور بيا ديما انا عمري ما شوفت ولا هشوف حد زي بابا

نظرت لها الجدة نادية  وقالت بحنان:عمرك ما هتشوفي حد فى جمال ثروت دا اغلي واحد عندي دا الدنيا عارفه مهما الناس اتغيرت هو بيتغير بس لاحسن عمره ماكان وحش حتي لو ثانيه ابوكي دا نعمه كبير فى حياتنا ربنا يحفظوا  ليا يارب عارفين انا عايزكم لما تكبروا تكونوا زي جدكم وثروت عايزه اشوفكم احسن الناس ودول احسن الناس

نظر لها  عمر وقال بضيق:بس انا مبحبش اكون زي حد انا عايز ابقي نفسي حتي لو عمي قدوتي فى الحياة  بس عايز اكون انا

نظرت له الجدة  نادية وقالت بجديه  :بص عايز تكون نفسك طبيعي بس عايزك تعرف حاجه هقولك على شويه ثوابت فى الحياة اولهم الصلاه عايز ربنا يكون راضي عليك ويساعدك  وتنجح لازم تصلي و

قطع حديثها  محمد وقال بستغرب:ما في ناس معاهم كل حاجه حرفيا ومش بيصلوا ولا بيقرأه قران عالم متعرفش ربنا وتلقي عندهم كل حاجه واي حاجه عايزينها بتكون قدامهم

اؤمات الجدة  نادية تاكيد على حديثه وقالت بهدوء:عندك حق بس دا فخ واوعى تقع فيه دول ناس ربنا بيسيبهم فى الدنيا وهيتعذبوا فى الاخرة الصلاه  مهمه هي اساس الدين تاني حاجه اليقين فى الله خليك ديما واثق ان ربنا معاك وهيساعدك وان هيحقق ليك كل حاجه عايزها انت بس اجتهد وربنا هيسر ليك كل شيء بس اهام حاجه هنا الصبر تصبر على كل حاجه بتعملها وخليك عارف ان طبيعي تقع وتفشل دا لازم يحصل مفيش نجاح الا لما يحصل فشل وحتي لو نجحت من غير فشل لازم تجتهد عشان النجاح دا يستمر تعرف ثروت قابل حاجات كتير اوووي فى حياته وكلهم اصعب من بعض بس ربنا خلي يكون قد كل دا ويعدي منهم عشان كده بقولكم انا عايزكم ناجحين عايزه اشوف كل واحد فيكم فى المكان اللي نفسه فيه

#لا قيمة فى الحياة بدون الجدة هي مصدر الامان والدفء لجميع العائلة

#اسكريبت_قصة_الجدة_نادية
#بقلم_نورهان_ثروت