YOU ARE MY STRENGTH MY LOVE

WHY I WROTE THIS?

Hi friends,

Story toh khatam ho chuki. Par meko aap sabse yeh share karna tha ki maine yeh story likhi kyun? Yeh idea mere deemag mein aaya kyun? 

Jaisa ki maine intro mein hi bola tha ki  yeh story inspired thi ek Kannada Movie se. But uss movie mein naa jab heroine ka rape hota hain toh woh jhuth bolke hero dhoka dena ka natak karke break-up kar leti hain. Phir hero ki kisi aur se shaadi hoti hain. Aur jab heroine ke baap ko pata chalta hain ki uski beti ka rape hua hain toh woh baap apni beti ki shaadi uss rapist se hi karwata tha. This is the 'JUSTICE' in movies. Not only movies, there are so many areas in our country where these types of cases happens in today's date also. Even I mentioned some of those in some previous chapters also.

Bas yeh dekhkar meko gussa aata tha. And dukh tab hota hain jab victim khud apne aap ko gunehgaar maan lete hain aur uske gharwale bhi uska saath nahi dete. Bahut dukh hota hain. 

And jab koi rape ki baat nikalti hain toh log sirf yeh sochte hain ki accused ko kya saza mile aur ladkiyan kaise iss cheez se bach sakti hain. But bahut kam log sochte hain ki rape hote hi kyun hain! Yeh sawal bahut bada hain. Aur iska jawab bhi bahut ulja hua. Har koi apne tarike se iska jawab dega. Lekin jo log yeh kehte hain ki rape ke liye khud ladkiyan zimmedaar hoti hain unka explaination sabse ghatiya hota hain.

And yeh bhi kehna poori tarah se sahi nahi hain ki rapist shaitan hote hain. No, woh bhi insaan hote hain. Meri iss line se gussa aa sakta hain kayi logon ko. But I feel ki ek rapist ko fansi dene se ya uska encounter karne se yeh problem solve nahi hogi. Bas yeh kuch der ke liye public ka dhyaan bhatkane ki koshish hain system ki. Agar aisa hota toh Nirbhaya ke doshiyon ko jab fansi lagi thi ya phir Hyderabad mein jo 4 rapist ka encounter hua tha uske baad hi aise haadse band ho jaane chahiye the. Par aisa hua...? Nahi!

And humara system bhi bahut weak hain. Nirbhaya ke case ko ek sahi aur logical conclusion par pahunchne ke liye 7 saal se jyada time laga. Aisa rahega toh public ko law and judicary mein se poora yakeen ud jaayega. Actually 90% se jyada logon ka vishwas already ud chuka hain. And to be honest, naye naye kanoon banane se utna impact nahi padta. It's a sad reality.

So, I feel ki iski sahi shuruwat logon ke soch badalne se hoti hogi. I understand ki 100% logon ki soch nahi badal sakti. Par we have to teach younger generation. Kyun ki maine dekha hain ki 4th standard wale bachchhe bhi bolte hain ki ladki ghumegi toh aisa toh hoga hi!

That's why, I strongly feel ki education ki shuruwat... umm... correct education ki shuruwaat bachcho se hi honi chahiye. Janha bachpan se hi sahi aur galat ka thik tarike se pehchaan karayi jaaye. Log kehte hain ki aaj kal jo ladkiyan aage badh rahi hain, kaam kar rahi hain, padh rahi hain unn par rapes jyada hote hain, but according to research, in par hi rape kam hote hain aur agar hote hain toh inko report kiya jaata hain. Sabse jyada rapes toh unn women par hote hain jo ghar mein hote hain aur 94% rapes unka koi jaan pehchaan wala hi karta hain like brother, uncle, teacher matlab gharwale hi jis par trust karte hain. Aur issi wajah se woh report bhi nahi hote, kyun ki unko lagta hain ki report karne se log kya kahenge!

Sunkar dukh hota hain, gussa ho aata hain. Par chahte hue bhi kuch kar bhi nahi paate hum mein se kayi log. Poori duniya ko toh nahi badal sakti main. But agar meri iss story se ek bhi insaab thoda sa bhi badla naa yaar, toh mujhe bahut khushi hogi.

At the last, I just want to thank all of you. Just thank you.