الغريب بكل القصة إنك تملكتني ، بشكل ما توقعت فيه إنو بيوم من الأيام رح تجي أنتَ و أغرق وما أقدر أنقذ نفسي فيه ، و الأغرب من كل القصة إنو حاربت هي المشاعر ..
حاربت حتى أنهزمت بهي الحرب الغريبة ، و متل العادة و بكل حرب بخوضها بهرب لأكتب و ليكني عم أهرب منك لأكتب عنك !!
بس هلأ ماعاد فيني أكتب ..
ماعاد فيني عبر أكتر ، و ماعاد فيها حروفي تهرب من قلبي لتكتبك ، لأنك دخلت هالمكان المهجور فيني ، و بلشت قصة كنت أنتَ محورها ، قصة من الصعب فهم أحداثها و كيف بتدور عقارب ساعاتها ..
و كيف ممكن أقضي ساعات بالكتابة و أنا عم أرجع عيد كتابتك من أول و جديد
يمكن صعب عليك تفهم إنو لي عم شبهك بشي كتاب أو قصة ، أو حتى إنك تكون ورق من جزء رواية !! ما تستغرب
لأنه فيك من العمق الكافي حتى تتشابه عيونك مع أحرف رواياتي ، أو يمكن لأنك كنت أنتَ الحدث والحبكة القوية فيها ، كنت بداية لرواية نسجها قلبي من جواتو و صدقها !
كنت بداية أحلامي والسبب لتحقيقها
بس بتعرف شو ، الأغرب من كل هاد ؟!
برغم كل مشاعري و برغم الأحرف يلي بعدها ما طلعت و مخباية بقلبي
عم أكتبك و أنا بعرف إنك أنتَ مو إلي .
أنت تقرأ
خفايا القلب
Aléatoireتجاهل شيئًا ما ليس معناه أنّنا لا نُريده، فأحيانًا نتجاهل الأشياء التي نُريدها لعلمنا أنّها ليست لنا.🍂
