ကျားသစ်နက်သခင် မူပိုင်ရှင်

အပိုင်း (၃.၁)

"ရာရာစစ နိမ့်ကျတဲ့သွေးမစစ်က စားပွဲကနေ ဘယ်သူမှ မထခင် သွားရဲတယ် ကြည့်စမ်း!"

ဘလွန်ဒီယာ တစ်ယောက် သက်ပြင်းချမိလေသည်။ ထောင်သောင်းမက တောင်းပန်လျှင်ပင် သူမကို နှောင့်ယှက်နိုင်မည်မဟုတ်။ တော်ဝင်မိသားစုဆိုသည်မှာ သာမန်လူတန်းစားအတွက် အလွန်တရာပင် ရှုပ်ထွေးပြီး နားလည်ရခက်လှပေသည်။

ထိုအချိန်တွင် ကလေးမလေးတစ်ယောက် ဝင်ပြောလာပါသည်။

"လာ့ဒ် တော်လိုက်တော့.."

သူမသည် ဘလွန်ဒီယာ၏ အဖေတူအမေကွဲ ညီမတော်.. လာ့ဒ်၏ အမွှာညီမ မင်းသမီး အဒဲလာ ပင် ဖြစ်သည်။

သူမ၏ ရံရွေတော်များကို ထွက်ခွာသွားရင် ကျက်သရေရှိစွာ မျက်ရိပ်ပြပြီးနောက်.. အဒဲလာသည် ဘလွန်ဒီယာ့အား တိတ်ဆိတ်စွာ စိုက်ကြည့်နေခဲ့ပါသည်။

ဘလွန့်ဒီယာ့အနေဖြင့် လွယ်ကူစွာ ခန့်မှန်းနိုင်သော စိတ်လှုပ်ရှားမှု လွန်ကာ ပေါက်ကွဲတတ်သည့် မင်းသား လာ့ဒ်နှင့် ယှဉ်လျှင် မင်းသမီးလေး၏ တိတ်ဆိတ်နေသော မျက်ဝန်းအတွင်း၌ နက်ရှိုင်းသော မုန်းတီးမှုက ပိုသာနေသယောင်ပင်။

"နင်လည်း ရပ်သင့်ပြီ"

အနေခက်သော်လည်း အာဏာပါသော တိတ်ဆိတ်မှုဖြစ်သွားခဲ့ပါသည်။

မင်းသား လာ့ဒ်လည်း ပါးစပ် ပိတ်သွားသကဲ့သို့ ဘလွန်ဒီယာသည်လည်း ငြိမ်သက်သွားခဲ့သည်။

အမွှာနှစ်ယောက်၏ ရုပ်ရည်နှင့် စရိုက်မှာ ကွာခြားချက်သိပ်မရှိလှပေ။ တူညီသော မိဘနှစ်ပါးမှ ပေါက်ဖွားလာသောကြောင့် ဖြစ်လောက်မည်။

အဒဲလာသည် ဘလွန်ဒီယာ့အား ကျော်ကြည့်ပြီးနောက်.. သူမအား လက်ညှိုးထိုးကာ အင်မတန်ထောင်လွှားသော အကြည့်ဖြင့် တစ်ချက် ပြုံးလိုက်သည်။

"အစ်မတော်.. အစ်မတော်သာ ညီမတော်ရဲ့ရှေ့မှာ တော်ဝင်မိသားစုကိုပဲဖြစ်ဖြစ် လာ့ဒ်ကိုပဲ ဖြစ်ဖြစ် ဂုဏ်သိက္ခာစော်ကားမယ်ဆိုရင် အစ်မတော်အတွက် ဘယ်တော့မှ ရပ်တည်ပေးမှာ မဟုတ်ဘူး... အခုလိုမျိုး မနှစ်မြို့ဖွယ် နှောင့်ယှက်မှုကို မသိကျိုးကျွန်ပြုပေးတာ ဒါဟာ နောက်ဆုံးအကြိမ်လို့ သိထားပါ"