🦋🥀....((الوَردّة الجُورِيَةْ))....🥀🦋

**الأميرة خَاصتي (20)**

السلام عليكم🤍
البارت الرابع😊يلا نبدأ حد متحمس معايا

(النهاردة وبعد كام اسبوع من ظهور النتيجة ل جور .. اليوم دا مليان احداث حلوة ليها ولينا والله)

جور:صباح الخير يا جور يا قمر النهاردة يوم شكلة حلو اوى لانه يوم ميلادي(بتكلم نفسها وكدا يعني)

"علي طاولة الافطار لم يفتح احد اي احاديث او يخبرها انه يوم مولدها او كلام من هذا القبيل ، الجميع يلتزم الصمت مع ابتسامه خفيفة لكي لا تعرف ما سيفعلونه لها في المساء"

-وبعد ما خلصوا فطار اتجمعوا عشان الخطة-

آدم:ماما بابا .. انا بفكر اعمل حاجه ل جور بليل اعزم صحابها وصحابي ونرغي طول الليل وناكل وكدا ايه رأيكم
مصطفي:بما انك فكرت يبقي نفذ بنفسك يابطل ..اه ايه رأيكم نعزم أيمن وعيلته؟؟
هدي:افكاركم حلوة والله جور هتفرح اوى انا موافقة طبعاً ..بالمره يبقي فية سهرة حلوة الولاد يتبسطوا فيها سوا
آدم:اوك هنفذ من بعد العصر كدا ان شاءالله وهكلم ندى وليلي وروميسة واللى تعرف تيجي بقي تمام وهقول لصحابي أحمد وخالد (هو بعت لصحابها من فون والدته رسائل بالخطة لليوم ومسحها ونبه عليهم محدش يتكلم طول اليوم معاها)

هدي:تمام كلمهم وعرفهم انها بعد صلاة العشاء عشان لو هيتأخروا بلاش يجيوا وجور مش هتزعل عادي
مصطفي:طب تمام انا هقول لأيمن من دلوقت عشان يجيوا براحتهم
آدم:الى اللقاء ..انا هشوف شغلي
هدي:آه مصطفي اطلب تورتة وجاتوه وكانز وشوية مقرمشات تسالي ورقم 20 اللى جواه هيليوم دا عارفه متنساش بالله عليك

بعد ساعة؛آدم:ماما انا كلمت صحابنا وكلهم تمام اتفقت معاهم ومحدش معرف جور(عرفتكم فوق كلمهم ازاى . ابننا مش بيكلم بنات وبناتنا مش بيكلموا شباب حررررررام يا سكاكر)

هدي:آه يا آدم اوعي ياحبيبي تنسي وتفتح موسيقي ولا اي حاجه حرام هيصوا واضحكوا براحتكم بعيد عن البنات وابقي خد عُمر معاكم عشان ميزهقش
آدم:لا متخافيش ما أنتى عارفه صحابي كويس

"جهزوا الحاجات كلها وصحابها علي وصول وطبعا معرفين جور تلبس عشان فيه ضيوف اللى هو عمها أيمن لكن متعرفش المفاجأة بس ولدتها اختارت لها طقم يليق مع اليوم تعالوا نشوف الاحداث"

آدم:طق طق طق ممكن ادخل
جور:ادخل يا دومي
آدم:اولاً انا اول واحد شاف قمر النهاردة و...
جور:لحظة لحظة اول واحد ايه!! يارب صبرني
آدم:هو انتى مش مصدقاني طب والله ...
جور:بس بس حبيبي انت هتحلف كمان اهدى يا آدم واعقل
آدم:أنتي القمر يا جويرية(قالها كدا وهى بتتكلم)
جور:ياعمري بحب اسمع اسمي منك والله ..طالما قولت اسمى يبقي باقي اليوم هيكون حلو
آدم:ثانياً كل سنة وانتى طيبة وبخير ياحب عمري وملكة عرشي وحب حياتي وفتاة احلام جميع الشباب و....
جور:ياااه دا كله ليا انا ..لحظة انا نسيت ان عيد ميلادي النهاردة(طبعا هي كانت مفكره انهم نسيوا)
ربنا يديمك ليا ياروحي وعمري انتى يا دومي عندي أجمل شاب وابن وأخ وحبيب ياناس هيحسدوني عليك والله كتكوتي ياناس
آدم:انتى تستاهلي كل الحلو يا حلو بس اعمل ايه ليس باليدي حيلة(شكلك قريب هيتقالك كلام احسن من كلامي)
جور:امممم بتقول حاجه يادومي ..شكلك مخبي حاجه عليا؟ لتكون عاملي مفاجأة!!
آدم:انا ابسلوتلي هو انا ليا في الكلام دا جوزك بقي هو اللى يبقي يعملك ان شاءالله
جور:لسانك طويل بس بحبك .. بنسبالي كلامك زى العسل علي قلبي
آدم:احم احم يالا يا أنسة ماما هتيجي تزعقلك خلصي علشان ننزل قبل ما الضيوف يجوا
جور:ضيوف اه صح!! طب قولها لحظة بس
هدي:يااا جور... يابنتي خلصتي زمانهم علي الباب عيب يقولو مش عايزة تقابلنا
جور:والله جاية اهو
آدم:أنستي هل تسمحين لي (ع يمسك ايديها وينزل معاها يعني)
جور:تفضل يا سيدي(مدت ايديها وكأنهم سندريلا والامير الوسيم قبل الساعة 12 مساءً)