سبحان الله والحمدلله ولا اله الا الله🤍🤍
الفصل التاسع
وبعد شوية وصلوا المطار (مطار القاهرة الدولى).
جور:ياربي حتى اول ميعاد بينا يتأخر، قال وعامل نفسة جود بوى
عُمر:احم احم السلام عليكم مدام جويرية انا جود بوى على فكره وجاي في ميعادى بالدقيقة
جور:استغفرالله خضتنى ،وعليكم السلام، خلاص سامحتك خلاص
عُمر:تمام ماشي ياست جور شكرا
جور:المهم دلوقت باقي 20دقيقة ونطلع الطيارة؟! ولا ايه رأيك نكنسل!!
عُمر:لا نكنسل ايه بس دا انا صارف ومكلف عشان اللحظة دى
جور:عاملي مفاجأة ولا ايه يا سي عُمر!!
عُمر:مفاجأة هتفرحك اوى وكان نفسك فيها كمان
جور:الحماس قتلنى والله قولى المفاجأة ايه بسرعه بقي
عُمر:بعد ما اعد ل5 هتعرفيها لوحدك 1 2 3 4 5((على حضرات السادة المسافرين الرجاء الاستعداد والتوجه الى البوابه 2 للصعود على متن الطائرة المتوجه الى تركيا اسطنبول للانطلاق بعد 20 دقيقة نتمنى لكم رحله ممتعه وآمنة))
جور:يااه ياعمر لو دى كانت الطيارة اللى هنطلع فيها بجد كان نفسي اوى اشوف اسطنبول وامشي فى شوارعها واشوف البحر و....
عُمر: بس بس صبرني يارب هى موصلتكيش ولا ايه؟!
جور:قصدك ايه، تقصد انى غبية مبفهمش طب انت قولت ايه وانا مفهمتوش يعني
عُمر:انا مقولتش بس انتى حرقتى المفاجأة، ياستى المفاجأة اننا رايحين تركيا بأذن الله ودى الطيارة اللى هنطلع فيها دلوقت
جور:بجد يا عمر يعني حلم من احلامى انت هتحققهولي!! بجد والله !! انا فرحانه من قلبي شكرا ياعموري
عُمر:لا شكر على واجب يا حبيبتي ومش هتكون اول مفاجأة ان شاءالله بس استني على رزقكعند اقلاع الطائرة..
جور:عُمر انت خايف ولا عادى
عُمر:هخاف من ايه توكلى علي الله ومتخافيش
جور:بصراحه دى اول مره ليا وهموت من الرعب
عُمر:ممكن تغمضي عيونك الحلوين دول وتمسكي ايدي وانسي الدنيا
جور:شكلك انت اللى خايف وبتتلكك يا استاذ عموري
عُمر:بتلكك واستاذ وكمان خايف وعموري في جمله واحدة،جور يالا ننزل ونلغى الرحله هنقضيها كدا
جور:خلاص خلاص بهزر معاك يا حبيبي انت،هات ايدك بقي عشان انام شويه واهدى كدا
عُمر:يااه لما تكونى حلوة وكلامك حلو يارب دايما كدادامت الرحله ساعتين ونصف بدون توقف..واخيرا ها هو مطار اسطنبول الدولى يرحب بكم.
عُمر:جور ممكن تصحي عشان قربنا نهبط على ارض حلمك
جور:ايوا انا صاحيه اهو بس استنى 5دقايق بس
عُمر:استنى فين معلش،جور فوقى يا ماما انتى مش في حلم احنا فى الجو
جور:ايه في ايه انا صاحيه اهو، احنا فين كدا!!
عُمر:وصلنا الحمدلله المطار،انتى نمتى فوق ال6 مرات كفايه كدا
جور:الحمدلله انى نمت والحمدلله اننا وصلنا،وحاضر متزقش يا جدع
عُمر:جدع! يابنتى والله احنا مكتوب كتابنا خلاص انا زوجك فوقى بقي
جور:سيبك من دا كله بص السحاب جميل ازاى وقت الشروق شبه حاجه بحبها،سبحان الله بجد
عُمر:انا شوفت سحاب الرحله كلها لوحدى متجوز مخدة تقريبا ههههه،سبحان الله، شبه ايه بقي..
جور:هتتريق طب مش هقول شبه ايه
عُمر:خلاص مش عايز اعرف بس هيجي يوم وتقو....
جور:(بمقاطعة لكلامه) شبه عيونك السماوى يا عُمر، وقت لما بتبصلي وانا بتكلم وبضحك، عيونك الحب فيها بيكون طاير زى السحاب وهو في السما كدا
عُمر:(سرح في كلامها وقال)والله وطلعتى بتعرفي في الغزل يا غزل
جور:(صمت..وكسوف)...
أنت تقرأ
🦋🥀....((الوَردّة الجُورِيَةْ))....🥀🦋
Fanfictionهناك فتاة جميلة وعفويه للغاية لكن تحب ان تكون فتاة عادية خارج منزلها فهل ستجد من يراها مختلفة عن الجميع؟؟؟ في النهاية ستكون عبارة عن رواية لفتاة ملتزمة بمفهومها واخلاقها لتكون قدوة لصديقاتها لكن لن اشرح شخصياتهم بالتفصيل ستتعرفون عليهم لاحقاً مع الا...