السلام عليكم 🤍
البارت التاني..
ومن هنا منذ تلك اللحظة بدأ الموضوع بجدية في عقل عُمر.
أيمن:هتمشي دلوقت ليه لسه بدري ياخى هو انا لحقت اقعد معاك
مصطفي:عندى شغل الصبح بدري .. مره تانيه بأذن الله اجيلك من بدري شويه
أيمن:ربنا يحفظك في رعاية الله طمنى لما توصل (هما عند البوابه الخارجية للبيت)
عُمر:(وهو متلهف ليرى جويرية بعد سنوات كثيرة لاول مره..بعد ان كانو معاً في طفولتهم وفرقتهم المرحلة الثانوية.. كانو مثل الاخوة لكن بحدود الادب والاحترام رغم صغر سنهم انا ذاك)
عُمر:بتعجب وصوت منخفض لكن مسموع .. هي دى بقي جويرية الشقيه اللى مطلعه عين المدرسين زمان لا بس مش شكلها خالص اتغيرت طبعا
آدم:ينظر ال عُمر بتعجب...مالك يا عم عُمر سرحان تاني وبتبص هناك كدا ليه!! سلم عليا حتى انا مروح
عُمر: آه آه انا اسف انت مروح صح وانت من أهل الخير بقي وابقي كلمنى كتير
آدم:لا دا شكله مش معايا خالص انا بقولك مروح ولا هنام .. ماشي ياعم وبعدين يا عُمر باشا انا مخدتش رقمك هكلمك كتير على ايه هااا
عُمر:اه صح نسيت خد اهو سجل رقمك وهبعتلك مسدج (وهو اصلا مش مركز مع ادم كان عايز يكلم جور بس طبعا مبقاش ينفع زى زمان ف كويس انها جت على السرحان بس هههههه).
"بعد نص ساعه وصلوا البيت وكلهم كانوا عايزين يناموا لانهم بيصحوا بدري"
آدم: يتسأل في نفسة هو عُمر دايماً بيفكر وسرحان ولا انا فاهم صح ومركز مع جور هو يعرفها منين دا...صوته كان مسموع
جور:دومي بتفكر في ايه كدا؟
آدم:مافيش بفكر البس ايه عشان انام
جور:يارخم بتوه في الكلام انا سمعتك على فكرة مين اللى بيسرح كتير دا صاحبك؟
آدم: لا تصبحي على خير بقي عايز انام..اطفي النور وانتى خارجه
جور:حساك بتطردنى احم احم وانت من اهل الخير يا دومي
تاني يوم" جور:ياربي مش هخلص من السؤال دا بقي كل يوم ياترا هلبس ايه؟؟ زهقت بجد مافيش دماغ رايقة النهاردة يبقي اكيد هلبس اي حاجه .. ماله طقم امبارح بليل هغير كام حاجه فيه والبسه وخلاص
هدي:يالا يا جور انتى وأدم تعالوا افطروا بسرعه هتتأخروا
آدم:انا جيت صباح الخير
هدي:صباح الورد يا عيوني
جور:صباح الخير.. انا مستعجله اوى
هدي:صباح الفل على وردتي وعلى مهلك الدنيا مش هتطير يعني
بعد نص ساعه في الجامعة"جور اتصلت بصحابها(ليلي وندي و روميسة) علشان يتقابلوا يشوفوا بعض كالعادة وكل واحدة تروح كليتها او المحاضرة بتاعتها.
كلهم وصلو مع بعض، جور: ازيكم يا فلولااااتي وحشتونى من اول امبارح
ليلي:وحشتيني اوى ياروحي
روميسة وندي:واحنا كمان وحشتينا اوى
جور:ياعمري بجد احلي صباح الشلة كلها مجتمعه خير ان شاء الله ياترا هيحصل ايه النهاردة؟؟
"بعد ما اليوم خلص واجتمعوا تانى عشان هيروحوا"
(إذا بصوت خفيف وهادئ آنسه جويرية!!) طبعا عرفها من الدريس اللى كانت لبساه امبارح.. (فهمااان يا مان)
جور:ايه دا محدش بيندهنى بأسمي وكمان ولد!!
ندي:انا هرد مكانك اشوفه عايز ايه
ليلي:بلاش ردى انتى يا جور
"نده مره تانية.. آنسة جويرية"
جور:لفت تشوف مين... ايوا نعم (نظرة سريعه على وشه ونزلت عينيها ف الارض بسرعه...بتغض بصرها عنه)
عُمر:انا عُمر أبن عمك أيمن صاحب والدك عرفتيني
جور:ايوا افندم
عُمر:مستغرب من ردها وكأنها متعرفهوش خالص...اسف على الازعاج انا بس كنت معدى وشوفتك قولت أسألك لو محتاجه حاجه انا زميل يعني في نفس الكليه والفرقه
جور:تمام شكرا مش محتاجه حاجه
عُمر:بأحراج شديد واتكسف اوى.. تمام بعد اذنك واسف تاني (لكنه يشعر بالسعادة)
ندي:ايه يا جور انتى تعرفيه؟
ليلي:اكيد من أهلها بطلي ظن بقي
جور:ايوا ابن صاحب بابا وكنا جيران لسنين وكان معايا في المدرسة والفصل كمان لحد اعدادى المدرسة القديمه دى عارفينها كانت مختلطة بس اقربهم لبيتي يعني
ليلي و روميسة:يابنتى انتى بهدلتيه خالص دا كان بيسأل بس
ندى:الواد شكله محترم جدا يابختك ياست جور..الله يسهلوا ياعم
جور:خلصتوا .. يالا نروح بقي ومحدش يسألنى عنه تاني (افتكرت ان عندها سكشن مهم وهتتأخر ل8 بليل)
جور:يوووه يابنات معلش افتكرت عندى سكشن تاني روحوا انتوا بقي وطمنونى عليكم على الواتس..في رعاية الله
"داخل السكشن وكان هيبدأ الساعه جت 6خلاص ومحدش بيدخل بعد الدكتور"
عُمر:وهو داخل شاف جور قدامه من جواه كان عايز ينده عليها بس سكت..هي هتحضر طب كويس عرفت كدا بتحضر لمين
جور:في البنش الاول وكان جنبها مكان فاضي..بتفكر( يارب بنت اللى تقعد جنبي ماليش نفس واحد يقعد ويكلمنى ويسأل عن اى حاجه مش النهاردة على الاقل يارب)
عُمر:لقي مكان فاضي جنبها طبعا مسموح فى الجامعه الكلام دا وبحدود برضو بص لقيها حاطه الشنطه جنبها وعامله مسافه.. هتفضلي محترمة دايما يا جور طول عمرك كدا انسه ممكن اقعد ولا فيه حد
جور:ليه بس كدا ياربِ
عُمر:نعم بتقولى حاجه لو مش عيزانى اقعد خلاص
جور: لا مافيش حد
عُمر:استغرب انها مبصتش فى وشه حتي تعرف هو مين..تمام شكرا
"خلص السكشن والوقت اتأخر ومتكلموش ولا كلمه ولا حتى كانت تعرف مين جنبها مش مهتمه من الاخر يعني"
وخرجت جور وهتركب وتروح..وهنا اتفتح باب جديد في قصتهم.
الى القاء..في البارت التالت ان شاء الله🤍🤍قولولي رأيكم بقي
________**بقلم هناء ثروت**________
أنت تقرأ
🦋🥀....((الوَردّة الجُورِيَةْ))....🥀🦋
Fiksi Penggemarهناك فتاة جميلة وعفويه للغاية لكن تحب ان تكون فتاة عادية خارج منزلها فهل ستجد من يراها مختلفة عن الجميع؟؟؟ في النهاية ستكون عبارة عن رواية لفتاة ملتزمة بمفهومها واخلاقها لتكون قدوة لصديقاتها لكن لن اشرح شخصياتهم بالتفصيل ستتعرفون عليهم لاحقاً مع الا...
