عشق الادهم........ بارت 9...... ♡
بقلم سلطانه ال سعد... ♡♕
***************************
الشيخه: هيام ولج جده هيام وينج تعالي
هيام: هلأ جده كولي محتاجه شي
الشيخه: كولي النسوان عمج وامج يزهبن الاكل وروحي صيحي الولد وصعدي صيحي ادهم هم
هيام: تامرين شيخه..... رحت كلت الزينب ونور ونرجس يصيحون الولد وانه رحت اصيح الادهم وباقي الولد هم وياي
ادهم: هلا خيتي ليش تعبتي روحج جان وديتي سيلينه تصعد
هيام: تعبك راحه يلا بسرعه راح يبرد الاكل
ادهم: حاضر شوي وانزل
هيام: صبينه الاكل على الطاوله الجبيره واجن نسوان عمي وامي والولد والشيخه الكل كعد ونتضرو جدي يلا يبلشون
الشيخ: سلام عليكم
الكل: وعليكم السلام شيخ
الشيخ: يلا كولو بسم لله وبلشو
الكل: بدأ ياكل كالت الشيخه
شيخه: احنه اليوم رايحين نخطب المحمد العصر
الشيخ: ان شاء لله على الخير انتو شوفو البنيه موافقه حته نحجي حجي الزلم
الشيخه: ان شاء لله شيخ
****************************
حوريه: افففففف ولله ضوجه
نورس: كومن نضفن البيت وغسلن اماعين وتروح الضوجه
فيروز: لا والله شدخل الكرب بلضوجه يبوو شكد نكرب
حوريه: خربب كلت ضوجه مو اريد اكسر اعضام
فيروز: خايبه لو ساكته احسن لج ولله
نورس: مو صوجج صوج ليدور شي تسلن بي
البنات: مانريد نتسله هيج احسن
نورس: يطبجن مرض
نورس: يلا كومن رتبن غرفجن ولا جنهه غرف بنات فلك صابجن
؛راحن البنات رتبن الغرف وراحن سبحن وكل وحده لبست لبس شكل حوريه هودي اسود على ستريج اسود ورفعت شعره كرن فيروز لبست قميص ابيض على جينز ثلجي وروز لبست قميص تركوازي وجينز ابيض وسوت كعكه وفيروز سوت كصيبه
حوريه: بنات خلي نسوي حلويات نتسله وانه اعشق التراميسو راح اسويه
فيروز: ولج كيك يعني كيك
حوريه: وانه اكول تراميسو
روز: خربب بيجن من بنات شكد تتعاركن كل وحده تسوي نوع وانه اسوي عصير ويه الحلويات
البنات: امم تمام
حوريه: بديت اسوي...... جبن باديه وحطين 4 كيمر ونص علبه حليب مكثف وخاشوكه 2 ككو وسكر وخلطت وحطيت طبقت بسكت والخليط وهاكذا وبلخير زينت الواجهه وحطيته بثلاجه
فيروز سوت الكيك وحطته بلفرن وروز سوت عصير وحطته بثلاجه بين ماتخلص الكيكه يبرد
فيروز: بنات الباب يندك لو انه متوهمه
حوريه: اي يندك روز روحي فتحي
روز: تمام عيناي
هيام: بعد الاكل كالت الشيخه انه وامي وام محمد وهيه نروح نخطب رحت بدلت انه وسليني حبيبت امهه ورحنه وصلنه ادهم هم بصفه بس ادهم كال اوصلكم الباب وصلنه وفتحت بنيه حلوه شحلاته بنيت نورس
روز: أهلا حجيه تفضلي
الشيخه: هلا يمه امج موجوده
روز: اي موجوده تفضلي
الشيخه: يزيد فضلج
روز: سلمت عليه هيه والنسوان وهيام هم
حوريه: جنت كاعده انه وفيروز ولكيت روز تدخل بنات الهول تلكتهن عمتي
نورس: هلا وميت هلا بشيخه نور بيتنه زارتنه البركه
الحجيه: منور بصحابه
نورس: تضلي كعدي هنا شيخه كعدت الشيخه والنسوان
الشيخه: شلونكم شخباركم مرتاحين بهاذ البيت
نورس؛ اي ولله الحمد لله حوريه جيبي ماي بسرعه
حوريه: صاحتني عمتي اجيب ماي رحت ترست صلاحيه كزاز وجبت كلاصات ورحت سلمت وقدمت الماي رحت المطبخ حطيت عصير وكلاصات بصينيه وكيك وكرزات قدمت انه وروز وطلعنه
الشيخه: ليش تعبتو نفسكم
نورس: لا ولو تعبكم راحه بعد الاكل كالت الشيخه
الشيخه: ولله يا حبيبه احنه اليوم جاينكم نريد نطلب ايد بنتكم لحفيدي
نورس: اهلا وسهلا البنات بناتكم بس منو منهن
الشيخه: بنيت يوسف فيروز
نورس: لنه الشرف بس الكلمه تعود لها والبوها
الشيخه: اخذو راحتكم وردو الخبر على راحتكم
بعد مرور وقت...........
الشيخه: يلا احنه نسترخص
نورس: لله وياج شيخه سلمي على البنيات
الشيخه: ان شاء لله يوصل حبيبه
نورس: راحت الشيخه وانه كلي خوف ورتباك من الراح يصير ربي سترك
يتبع.........
صوتو حته يثبت وجودكم 🍃🤎
أنت تقرأ
"عشك الادهم "
De Todoاربع فتيات بقدار مختلفه اولهن نهوه والثانيه فصليه وثالثهن غسل عار والرابعه تواجه قدرها معا عدو ابوها.!؟ من الذي ستفوز. بقلمي سلطانه ال سعد، ♡
