"عشك الادهم "

bart 1

عشق الادهم........ بارت 1...... ♡
بقلم سلطانه ال سعد... ♡♕

.....................
البطله. ♡
مرحبآ انه اسمي حوريه عمري 20 مكمله دراسه خريجه طولي 165 وزني 68 جسمي كلش حلو ومتناسق يجنن شعري لون احمر غامت من لله وطويل كلش عيوني بني فاتح وخشمي احلا شي
، انه اشبه جدي هيج يكولون الوحيده، لكل يعجب بجمالي احم احم النرجسيه صارت فول هههه، نكمل انه من النوع البجي بسرعه حساسه وخجوله وفاهيه وما اعاند بس عصبيه ومغروره بس غرور عادي يعني ماتكبر واشوف الناس بعين ضيكه لا بلعكس اصلا لكل يحبني لن ماتكبر وكلش متواضعه

~~~~~~~~~~  عائلتي
عايشين بيت جبير بي عمي يوسف وعمتي نورس وابوي وجدي وجدتي متوفين.

عمي يوسف زوجته ميته وعنده فيروز عمر 19
عمتي نورس مطلكه وعدهه روز عمر 20
وابوي اسمه سيف عنده بس انه وامي ماتت وره ولاتي انه وفيروز و روز صديقات الطفولة.

~~~~~~~~~~~~~~~~~~~~~~~. البطل.
سلام عليكم انه اسمي ادهم عمري 30 طولي185 وزني 80 جسمي ضخم ومعضل لعب حديد شعري اسود عالي بس مو تسريحه الديج اموت منها لا تسريحتي حلو طبيعيه عندي شوارب ثخان والحيه خفيفه بحسب شغلي عيوني بني غامت وبشرتي حنطيه اشتغل نقيب رتبتي عاليه طبعي عصبي كلش وصاحب كلمه و لاكن اشخاصي القريبين حنون وكريم.

~~~~~~~~~~~~~~~~~~عائلتي
جدي سلمان شيخ عشيره وانه ايده اليمنه وموصي بعد وفاته انه استلم المشيخه طبعاً لله يطول بعمره..
جدتي الشيخه حفضه شيخه صارمه وهيبهه تصبقهه وكلمتهه هيه التمشي على حريم البيت وانه وياهه كلش مقربين..
ابوي حازم عمره 55 مهندس متقاعد وما يتعلق هواي بلمشيخا بس هم له دور لن هوه الجبير بخوانه..
امي امينه عمره 45 ربت منزل وتخاف خوف مو طبيعي من الشيخه هههه.....
اخوي ليث 25 متزوج نرجس خوش بنيه ماعنده اطفال...
غيث عمر23 عزب مبطل مايحب المدرسه طوله 170 وزن 60 ضعيف....
هيثم عمر 22 هم مبطل هوه وغيث يتشابهون كلش نفس الطول وجسم هم ضعيف.....
اخت وحده متزوجه هيام عدهه سيلين بس وكل شهر تجي...
عمامي عامر وسامر
عامر متزوج حوراء وعنده ازل عمر23 وتسنيم 23 هنه توم تسنيم زوجت ادهم.
سامر متزوج كوثر عنده زينب خوش بنيه عمر 23
ومحمد عمر 21 خوش ولد طول 175 وزن 65 هو شويه ضعيف
عمتي منآ عدهه نور وموسى نور وكحه وموسى ابو بنات اموت منه.

***** نبدي القصه ♡
صباح ساعه ٧:٠٠ صار هجوم على الغرفه

روز طفرت على الجربايه: ياااااااااا هجوم

فيروز وهيه هم طفرت: هييييي يلا

روز: بمممممممممممم

حوريه: يمه اسم الله زهراء ام الحسن هاي شبيجن وعله

البنات: ولج كومي عمي يوسف يريدنه بموضوع مهم

حوريه: استغفر الله يا موضوع بسبعه الصبح كايمه نزلن وانه وراجن نزلنه وانه كمت ابدل بين ما بدل خلي اوصف شكل البنات

روز: حنطيه وشعر اسود وعيون بني على اسود وشفايفه حلوه طبيعيه كلششش ضعيفه وزن 40 بس هيه حلوه اموت عليه هيه من نوع الجريئه والجتماعيه مرحه ههههههه

فيروز: بشره حليبه وشعر قصير بني وعيون ناعسه هم كلش ضعيفه ماتاكل وعدهه فقر دم
وزن 45
شخصيه ذكية ههه وهم اجتماعيه ومرحه وام السان هم هههه احبه اموت عليه

حوريه؛ فزيت على صوت الباب.... منوو

فيروز: ولج يلا فضيهه

حوريه: اي اي نزلت خلصت البس ونزلت على الريوك على الطاوله ابوي بلمقدمه وعمي يوسف على يمينه وعمتي نورس على يساره وفيروز بصف يوسف وروز بصف نورس رحت كعدت بصف فيروز

يوسف: اي سيف شصار بقضيه كاضم لا تره زاد وصار الموضوع اخطر امكن يصير بيها قتل

سيف: اي صح ولله ماكو حل قررت نعوف هاذ البيت

يوسف: اي احسن وانه افضل نروح نرجع الديرتنه واصلنه وهناك امان اكثر

يوسف: هوه هاذ الحل الصيحيح ماكو غير نحمي عايلتنه غير بي

سيف: اي صح بعد غياب سنين كلش طويله هاي هيه يوم الجمعه احنه طالعين

سيف: هاي هيه تمام
بعد ما انتها الريوك راحو سيف ويوسف الشغل
ضلن البنات ونورس،،،،، بل مطبخ

حوريه كاعده على الكرسي تاكل تفاح ونورس تطبخ وروز كاعده يم حوريه وفيروز كاعده تغسل ماعين

حوريه: عمتووووووو

نورس: هااا عمتو (تقلد على حوريه)

حوريه: هههه صدك سولفينه على هاي القريه

فيروز:(هيه تنكت ايدهه خلصت غسل): اي وانه خلصت سولفينه تحمست

روز: اي فدوه يمه خلي نعرف المكان الرايحين له

كعدٍ كلهن على الكراسي ويباوعن النورس بحماس

نورس: يوووووو كليتني بكشوري ولله ولا اسولف من ترحن اشوفن بصلتجن محروكه (برتباك)

بنات: هههههههههههههههههههههههه تمام لا تعصبين

حوريه: كمت رحت الغرفتي رتبتهه ومشطت شعري وكعدت على الجربايه اكلب بتلفون بس ضليت افكر برتباك عمتي وبسالفه الرجال ستهديت بلله وسكتت

روز: صعدت غرفتي وبدلت ملابسي ونمت تعبانه شوي

فيروز: صعدت غرفتي وطلعت قصايد وضليت اقراء اموت عليهن مستقبلي ملايه ان شاء لله احب هيج اشياء ههه

................................
في مكان اخر........

ادهم: كعدت الصبح ساعه ٨:٠٠ص سبحت ولبست لبس الدوام ونزلت لكيت لكل مجتمع طبعاً احنه كلنه بقصر واحد خمس طوابق طابق الرابع السامر والثالث العامر والثاني البوي والاول الجدي والخامس هاذ عباره عن جناح كلش ضخم وجبير وهاذ الي بس كلنه نجتمع يم جدي بس وقت النوم  يروحون الطوابق مالهم

ادهم: صباح الخير

الكل: صباح النور

الشيخ(صافن):

ادهم: احم احم حجي وين صافن

الجد: ها لا لا بس تذكرت بيت الحجي عباس

حازم (ابو ادهم):يبه وذوله هسه جابهم بالك

يتبع..........

صوتو حته يثبت وجودكم 🍃🤎