عشق الادهم........ بارت 40...... ♡
بقلم سلطانه ال سعد... ♡♕
***************************
عمار: دخلت المستشفى صاير خبصه وبسبب المده الضليت بيها صاير عندي مثل الفوبيا من المستشافي دخلت كعدت على احد السديات اجت ممرضة علكت مغضي وقاست السكر معلك
: استاذ اهتم الاكل الان مو بس السكر معلك عندك نقص فيتامينات وهم نقص حديد فه ارجو تهتم الصحتك
عمار: تمام شكراً ماقصرتي
: لا ولو استاذ هاذ شغلي يلا عن اذنك وتكدر تطلع بعد مايخلص المغذي
عمار: تمام.... بعد ربع ساعه هيج خلص نزلت اشرب عصير ليمون علمود السكر احس احد يدك على متني وشي رص خصري درت وجهي بتعجب واستغراب
كاظم: سبرايز اوو اوو كبران وصاير شايب ههههه
عمار: لا يابن ال...
كاظم: تؤ تؤ تؤ تؤ لا تتهور تره الروح عزيزه هه وهوه يرص السلاح على خصره
عمار: اخخخ اذا انته زلمه طالع من ضهر زلمه تذب سلاحك واتفاهم وياك
كاظم: هسه هاذ مو موضوعنه موضوعنه انتَ تريد تشوف بتك لو لا
عمار: بذهول وربط انو وكت ماهوه صاوبه هوه وزوجته اخذ بنته
كاظم: تؤ استغفرالله ليش صافن دجاوب
عمار: لايابن الحرام ابنتي اريدهااا هسه لو وحك علي ماخليك تشوف ساعت هنه
كاظم: بستهزاء هه اذا تريد بتك تكدر تجي وياي تاخذها بكل بساطه
عمار: اخخ شنو شافت بيك اخيتي وحبتك جنك غرير عسل يكول هيج بكلبه ويباوع الكاضم بحقد
كاظم: ههههاي شنو وين صافن
عمار: بعد مناوشات بلكلام قررت اروح واشوف بنيتي معا انو ماواثق بي الصراحه
كاضم: بس الطريق طويل فه مو تستغرب
عمار: تمام... انه خسرت سنين من حياتي وخسرت اختي جنت اريد بس اخذ روح كاضم بيدي واريح ضميري وكلبي واخذ ثار اخيتي بس قررت اتصرف بذكاء شوي كلت اخذ بتي من عنده لن اخذ عاديته وبنتي عنده ماطمن عليه ابد طول الطريق حاس اكو شي غلط بلموضوع وافكر جوز مو عنده بس اذا موعنده شعده وياي مثل شني يريد يكرر نفس المصيبه تؤ تؤ ماتوقع صارت فكره تجيبني وفكره توديني دخت طلعت جكارتي ورثته وشوي كال وصلنه وصلت المكان فارق والكاع متشككه من كثر الجفاف الزرع ميت وبيوت قديمه وبيها مهجوره وبيه لا بين بيها اضويه.... شنو؟
كاضم: شني شنو؟
عمار: ليش اجيت لهاذ المكان وبنتي وين معقوله مخلي بتي بهيج مكان؟؟
كاضم: منو بتك؟
عمار: شني شبيك كاضم شني منو بتك حوريه مو اجينه هنا علمودها.. بسرعه ربطت السالفه الطحت بيها من غبائي رجعت وثقت بي
أنت تقرأ
"عشك الادهم "
Randomاربع فتيات بقدار مختلفه اولهن نهوه والثانيه فصليه وثالثهن غسل عار والرابعه تواجه قدرها معا عدو ابوها.!؟ من الذي ستفوز. بقلمي سلطانه ال سعد، ♡
