"عشك الادهم "

bart 45. ~ "الاخير

عشق الادهم........ بارت 45...... ♡
بقلم سلطانه ال سعد... ♡♕

***************************
حوريه: انصدمت صدمه عمري نربط الساني ماكدرت احجي شلون جان ابوي سيف وهسه انه من غير عائله وهسه اهلي طلعو عايشين اجيت اضحك على الجاي يصير مسلسل هندي لو شنو يعني اكو هيج شي بلحياه شلون انضربو رصاصه وماتو ورجعو ضليت صافنه وفكره توديني وفكره تجيبني!!.... شلون يعني جدي

الشيخ: حجالها كلشي من لمن دخل عليهم كاضم لحد ما التقه عمار بادهم

حوريه: ماكدرت اوكف دموعي صرت ابجي بهستيريه بشكل مو طبيعي اجه الرجال يلي هوه ابوي حضني من كل كلبه وانه ضليت ابجي على صدره صح ماتذكره بس احساس حلو من يرجعون اهلج وانتي فاقده الامل انو انتي يتيمه ماعندج ام تشكين لها همج ولا ابو تتقوين بي

زينب: ضليت حوريه تبجي بحضن ابوها وشبكت امهم هم وضلن يبجن مره اليوم نص البيت بصدمه ونص يتناقش بهاي السالفه ونص يبجون وفرحانين بيهم ونامت حوريه الصبح بينهم
طبعاً جان بيتنه بتوتر ونقاشات من اجت حوريه حته اجو عمي ومرته وبدأ يستقر وضع البيت

بعد مرور شهرين.....،
ملاحضة:(بهاي الشهرين ماصار شي جديد واحداث ماحب بطل القصه تنكتب).

حوريه: مر شهرين وانه كل مره تزيد فرحتي اكثر اهلي النحرمت منهم يمي وادهم كل مره يخليني استقوه بي وتزيد ثقتي اكثر بي وحبي واليوم يصادف يوم زواجي من ادهمي
كعدت الصبح انه والبنات من الصبح انه وروز وفيروز وزينب ونرجس ونور وهيام

هيام: بنفذان صبر وضوجه.. هيه شني بلا انتم تتزوجون وتكونون عائله وفرحانين بروحكم احنه شلنه علاقه نصرف فلوسنه على المكيب والفساتين والكسسوري هااا

حوريه: هههههههههه لا يابه حقج

نرجس: حويرو

حوريه: هاا

نرجس: امج تريدج بسرعهه

حوريه: دخيلك ياعلي ههههه جايه ثواني

رنيم: ها يمه جهزي روحج بسرعه حته نروح الصالون

حوريه: تمام ماما دقيقه واخلص

رنيم: كبل لا تخلصين خلي احجي وياج

حوريه: كولي ماما

رنيم: شوفي كبل لا اوصيج على بيتج وزوجج اوصيج على نفسج اياج تخلين احد يهينج ويقلل من احترامج وكرامتج ولا تخلين احد ينهي ويئمر عليج انتي بت عمار اهتمي النفسج والبيتج واياج ثم اياك اسمع احد ماد ايده عليج ماتردين الضربه بعشره كبل لا تكونين زوجه الادهم كوني صديقه حته تبنون حياتكم بهدوء وسلام تكونون اب وام حنونين متفاهمين حته لا يجي اليوم التشوفين بي اطفالكم بعيدين عنكم تمام يمه

حوريه: ههههه شني هل ام الحلقوم تمام يماما بستها من راسها وخدها

رنيم: باستني وراح تتطافر جنه طفله عمرها خمس سنوات بس حسيت كلبي كاضبني هه ماجنت ادري بلي راح يصير