"عشك الادهم "

bart 11

عشق الادهم........ بارت 11...... ♡
بقلم سلطانه ال سعد... ♡♕

***************************
يوم جديد في بيت يوسف وسيف.

نورس: انه هسه راح اتصل على الشيخه وانطيها خبر الموافقه حته يجون الزلم هم ونحدد الموعد العقد والمهر والحنه والعرس وهاي السوالف

فيروز: على راحتج

حوريه: لحضه خلي ادرك هاي النعل راح تتزوج واضل بس انه وجهرتج

روز: ليش وين اكو احلا مني انتي هم كون يجي دورج واخلص يارببب

حوريه: دكلي خره

نورس: ياهلا شلونج شيخه شخبارج

الشيخه: زينه الحمدلله شلونج انتي شلون البنيات

نورس: زينات يسئلن عليج

شيخه: اي نورس بشري شصار بموضوع عروسته

نورس: ولله البنيه موافقه تشرفون بي وقت

شيخه: يابعد كلبي ان شاء لله اليوم 9 بليل نجي نتعلل عدكم احنه والزلم ونتفق على كلشي

نورس: هلا بيكم يمته ماچان تشرفون وتنورون

شيخه: بعد كلبي يلا لله وياج

نورس: لله وياج

روز: هاي يمه شنو

نورس: اليوم يجون 9 حضرن روحجن وحوريه حضري فيروز اعتمد عليج خوش

حوريه: ولا يهمج عمه لا اغير جهرته احسن مايبطلون الجماعه

فيروز: سززز تففف عليج

روز: ههههههه انتن روحن والبيت نضيف بس الهول والحوش انضفهن بسرعه واحضر شي نقدمه والحكجن

حوريه ~فيروز: تمام

روز: شلت الملابس الي على الحبل وغسلت الكاشي وسكيت الزرع وكنست الهول ومسحت الطاولات وبخرت البيت حضرت كيك وعصير برتقال وحطيتهن على طاوله المطبخ من تنزل تقدم النسوان وصعدت لهن....... ها وين وصلتن

حوريه: بعدني ما بلشه حضرت فستاهنه البيج الحرير وكعب بسيط ابيض واكسسوارات وراح ابلش بيه مقشرات وميكب هسه الساعه 5:32 لازم نخلص 8:00 نخلص تمام

فيروز ~روز: تمام

حوريه: حطيت ماسك الفحم وره خمس دقايق شلته وحطيت مقشر فراوله وراح تغسلت نشفت وجهه وحطيت لها سيروم فيتامين سي وراها سبلاش خليت وجهه يرتاح بديت بروز بس مقشر فراوله وسيروم لن ماعدها رئوس سوده كملت الفيروز حطيت فونديشن بلون بشرتها وكونسيلر وثبتت بودر وايلاينر بسيط ومسكره وبلشر واضائه وحدد شفته وحطيت حمره لون ترابي هادي بعدها مثبت مكياج شعره قصير شسورته ويڤي وخليته مفتوح واكسسوارات ولبست الفستان

روز: سوتلي حوريه وجهي وحطيت بس كونسيلر على المناطق الغامغه بشرتي ومسكاره وتنت وبلشر
سويت شعري ذيل حصان ونزلت خصل من يم اذني ولبست تنوره بني وقميص ابيض واسوار وتراجي

حوريه: قشرت بشرتي بمقشر الكهوه والماسك العسل وسيروم كريم واقي شمس وبلشر شيكلام ومسكره وحمره لون نود هادي شعري شسورته وسويت كصيبه كلش راخيه من بدايت الراس كلش طلعت نازكه وحلوه لبست فستان نيلي قماش حرير يجننن ولبست كلادتي بيه اسمي وتراجي صغار

روز: صارت الساعه 8:23

حوريه: يلا بنات امشن بلمطبخ

فيروز: كعدنه بلمطبخ وعمتي بلهول شوي ودك الباب راحت روز تفتحه

روز: ندك الباب رحت فتحته دخلت الشيخه وام ادهم وام محمد وزينب وهيام وتسنيم ونرجس.... هلا شيخه تفضلي

نورس: هلا توه مانور البيت

شيخه: هلا بيج حبيبه

نورس: تفضلو تفضلو ... فتحت باب الهول

هيام: فتحت الباب روز ماشاء الله حليوه دخلنه وكعدنه بلهول

حوريه: دخلو الشيخه وثنين نسوان وثلاث بنات
شفت فيروز فجئه توترت حسيته عرفت السالفه صارت صدك ههههه شبيج كلبي كولي يالله ههه

فيروز: اكلج دخلي انتي العصير وتزوجي مو احسن

حوريه: ياا هاي شجاج كولي يا لله يااا دكومي

روز: هاي ولج هاي شبيه

حوريه: جانت شحلاته اشو فجئه توترت

روز: هخهههههه عود خاف انه راح اودي الماي واجي تلحكيني خوش

يتبع...........

صوتو حته يثبت وجودكم 🤎🍃