عشق الادهم........ بارت 28...... ♡
بقلم سلطانه ال سعد... ♡♕
***************************
حوريه: رحت الحديقه لكيت الخبيث وجدي رحت الهم
الشيخ: هلا بنيتي كعدي
حوريه: لا جدي بس تعال اتعشه صبينه خاف يبرد
الشيخ: خوش بنيتي هسه جايين
حوريه: تمام جدي رحت وانه حاسه عيون تراقبني
ادهم: اجت حوريه وحجت ويه جدي وتوجه الكلام اله بس ادري بيه متقصده هاي الحركه ضليت اباوعلهه بتك عين لحد مادخلت حسيت جدي كام كمت وره
حوريه: اجو عمامي والولد وجدتي وجدي والاكل كعد حته تسنيم
عامر: وهوه يباوع الحوريه..... اكلك سامر تتوقع حوريه تشلع كلبنه مثل ابوها لله يرحمه
سامر: ولله كلش اتوقع من خلفته بعلي هسه تلعبك على الحبلين
حوريه: ضليت اضحك وياهم كلششش لطيفين يردون يلطفون الجو وياي
فيروز: خلصنه اكل ومحمد ماشال عينه عني
ادهم: انتبهت المحمد صافن بمرته امحمت حته ينتبه الي باوعتله (بنضره مكر)
محمد: نعله نعل ابوك ياك.... ابن الك....... (بكلبه)
ادهم: بلكوه كتمت ضحكي من شكله شلون يخازر هههههه
فيروز: نضراتهم تموت ضحك حته حوريه واحنه الربعه نضحك بكلبنه ههههه
هيام: بعد ماخلصنه الاكل شلنه كلنه وغسلت الماعين انه وزينب وحوريه وفيروز نضفن الطاوله والهول ونور سوت جاي ودته
حوريه: خلصنه كلشي رحنه كعدنه يمهم بلهول شوي وتصل تلفون جدي شوي وهوه يحجي طاح التلفون من ايده وطاع مغمه علي بلكاع
ادهم: من طاح التلفون من جدي بسرعه طفرت انه ومحمد وليث شلنه بسياره المستشفى
ليث: وصلنه حطينه بسديه وبسرعة اجه الدكتور فحصه وحطله مغذي كال داخل بغيبوبه قصيره يعني بعد يوم يوم ونص يلا يصحه
ادهم: بس لو اعرف منو اتصل حته هيج صار ويه جدي
محمد: انه اخذت التلفون بس لكيت رقم غريب حاولت اتصل اكثر من مره بس ماكو
ادهم: انطيني الرقم بلا
ليث: هاك عندي التلفون
ادهم: انه رايح امكن اطول ضلو يم جدي لا تتحركون
محمد: خوش روح لله وياك
ادهم: رحت المركز المكتبي موجود بي
رماح: ياهلا بلذيب هلا بلباشا لكك وين مختفيي عن الساحه مو اكو كم شخص متانينك
ادهم: هههههههاااايي لا ماضل شي ورجعلهم اكلك رماح تعال انته وقصي المكتبي عندي سالفه
رماح: لله راسي باشا دقايق واحنه يمك
ادهم: دخلت المكتب وكعدت شوي ودخلو
قصي: اففف افف هاذ الباشا صكار الك..... لكك وين هاي الغيبه
ادهم: هسه عوف الخريط عندي رقم مجهول اريد اعرف منو صاحبه
قصي: عد عيناك بس انطيني دقايق
ادهم: بده قصي يبحث ويبحث
قصي: هاذ صاحب الرقم لوتي خافي كل المعلومات من الخط بس مو علي انبش علي نبش
ادهم: تماماً وهاذ الرايده منك شوف شغلك عضيدي
قصي: ضليت ابحث واستخدمت كل الطرق الحديثه والبرمجيه لحد ماوصلت
ادهم: اي كولي شصار
قصي: شوف وصلت المعلومتين فقط
ادهم: عادي بس المهم تفيدني
قصي: بعد مادري بس ان شاء لله تفيدك اول معلومه اسمه كاضم ال...... والثانيه هوه بنفس المنطقه مالتنه
ادهم: لااا يابن الكلبب كاضم ماكو غيره شلون ماجه بالي
رماح: شنو كولي ادهم اذا تحتاج مساعده عد عيناك بعد اخوك
ادهم: ماتقصر بس اريدكم الكلفه هسه اكدر احله طلعت منهم ركبت سيارتي ورحت بسرعه المستشفى جان جدي كاعد رحت اله
ملاحضه:(ادهم طول عن البيت يومين وهوه يدور على كاظم بس ماكدر يشوفه ومن كالوله الشيخ كاعد راح يتحمدله السلامه وهم يفتهم منه)
الشيخ: ولك ادهم وين جنت الك يومين
ادهم: جدي ادري كاضم يلي متصل عليك بس غير افتهم وين وشكالك
الشيخ: ماكالي شي توه بده يحجي ومادري شصار بيه ماله دخل سكري هابط والضغط مرتفع
ادهم: سلامتك جدي
الشيخ: لله يسلامك يلا هسه امشي نرجع البيت البيت كله مكلوب عليك وين مختفي عنهم
ادهم: ههههههه يلا راجعلهم
فيروز: اجه جدي والهلاهل والجكليت وبدو الناس تجي تتحمد السلامه
حوريه: رجع جدي بسلامه ورجع البيت الروحه الحلوه والسلام هههه
ادهم: جنه كاعدين بديوان ودخل علينه الشيخ صادق وابنه
الشيخ: اهلا وسهلا نورت بيت شيخ
صادق: منور بشيوخه
الشيخ: لله يسلمك تفضل تفضل اكعد الديوان ديوانك
صادق: لله يزيد فضلك
ادهم: كام الكهوجي ضيفهم وانه من لله خلقني اكرها واكره نضراته الوسخه
.................................
حوريه: اجت حجيه وياها مره هيج اربعينيه وبنيه شابه
فيروز(بهمس): هاي تصير ام صادق واهاي البصفها تصير مرت الشيخ صادق وهاي البنيه بته الشيخ
حوريه: اممم وشعدهم جايي البوي غسل شوفيه شلون تباوع
فيروز: شلون راح امطلج مطل هسه هاا ولج غير يتحمدون الشيخ السلامه
حوريه: امم تمام تعالي نسوي شي انقدمه
يتبع............
صوتو حته يثبت وجودكم 🍃🤎
أنت تقرأ
"عشك الادهم "
Randomاربع فتيات بقدار مختلفه اولهن نهوه والثانيه فصليه وثالثهن غسل عار والرابعه تواجه قدرها معا عدو ابوها.!؟ من الذي ستفوز. بقلمي سلطانه ال سعد، ♡
