ازقة الموت
الكاتبه زينب العبودي
البارت ٣
شربتهه جانت حبايه ناعمه ولونه اصفر اكثر شي اتذكر هو لونهه اصفر من كد ما جنت تعبانه ومضطربه
ماكو لحظات قليله حسيت شي مختلف بدماغي مباشرتاً اشتغلت على الدماغ حسيت راسي مثل الطاير
فجأه شعور الاكتآب بده يختفي
حبايه صغيره كلش گلبت كياني گلاب حسيتهه بسرعه خلصتني من كل هم وحزن وعقد نفسيه
احس احساس حلو وراحه مو طبيعيه
كمت احس نفسي طايره بالسماء كمت اضحك فجأه على انقلاب موازيني بهالسرعه
واني اضحك طلع سيف من غرفة المدير
كمت وكفت باوع عليه سيف بأستغراب
ابتسمت بوجهه وردت اطلع
-اكو بوجهي شي هههه
-جاوبته واني ابتسم لاااا
-شككتيني بروحي وبعدين وين رايحه
-هسه اجي
طلعت من المكتب مااحس نفسي امشي على كاع
كاعد اطير اطيررر واحساس شعور يجنن
كمت ادور على نرجس واني كلي نشاط الى ان لكيتهه كبل ابتسمت بوجهي رحت عليهه
-شنوووو هاي
-شنو
-احس نفسي بغير عالم
-زين مو زين
-طايره احس روحي طايره ههههه ولج وين جنتي عني من زمان هذا الدكتور شنو معجزه
هاي الحبوب معجزه وين صاير هذا الدكتور اريده
-فضحتينا ولج شبيج
-اذا والمتج
-والمني اكلهه راح اطيرر تكلي اذا والمج
