ازقة الموت
زينب العبودي
البارت 39
يعني شلون معتدي عليج زهراء
يعني معتدي علاء
يعني انتِ موووووو
اي والله العظيم مو بيدي
عيونه صارت حمر ويباوعلي مصدوم
وهسه يالله تحجين هسه يالله ،اااااااحجي بابا كولي اتشاقه جذب كولي جذب ماكووو هيج شي
هزيت راسي بمعنى لا
مكاعد استوعب تتشاقين والله مو حلو هذا الشقه زهراء عوفي
مكااااااااعد اتشاقه
عاط بوجهي
يعننننننني شنووووووووو يعني شنو متتشاقين
يعني اني مو.....
مكدرت انطقهه عتني من ايدي حيل وجرني للهول ببااااااااااعي باعي
هنا شنو اااحجي
شنو
شنو گبالج هول
شبي الهول
قلصت عيني وكتله اغراض غيرررر
جرني من ايدي اخذني للغرفه
وهناااااا
غرفة نوم
وهذاك المطبخ وكل البيت جهزته وحجزت قاعه وكلشي. وحجزتي صالون وبدله وهسه جايه تگولين اااااني مو بنيه
مو بيدي والله
موووو بيدج ،هاااااا هسه افتهمت مسويه روحج كدامي شريفه حتى تگولين مجبوره وموبيدي دفعني على الحايط جتفي انطخ بالحايط كام يتحرك يروح منا ويجي منا ويفرك بوجهه
بابا انتِ كاعد تستوعبين الي كاعد تحجي
زهراء عليج الله اذا كاعد تتشاقين عوفي الشقه لان الشيطان كام يلعب بعقلي وراح ارتكب بيج جريمه
نزلت عيني من عينه مكدرت اباوع عليه ركع الباب حيل برجله رجع على الحايط وكام يفلش بالباب اني رأساً عطت ووخرت منه
اجه عليه يهف بعد ما فلش الباب وعتني من ملابسي
ليش محجيتي هاااااا ليش محجيتي
خفففففت ....خفت
من شنووووو خفتي ليش اول مأجيتج مگلتيلي
مااعرف
شنو الي متعررررررفي تضحكين عليه شنو غااااااايتج جانت
ماعندي اي غايه جنت اريد انسى الي صار واصلاً مجنت اعرف انتَ راح تخطبني لو نرجع جنت بالنسبه الي الشخص الي دمرني ومستحيل ارجعله
ومن خطبتج
حبيتك ومكدرت اجازف واكلك واخسرك
وهسه وهسه شيفرق بس لا ببالج من نجهز كلشي وتحجزين اتدبس بيج
