ازقة الموت
زينب العبودي
البارت 28
بعناد شداد لان كتله اني ألي لزمتهه مالك علاقه بيهه وكسر كلمتي واخذج
-باوعت عليه بصدمه ضحكت باستهزاء ودموعي ينزلن
وهزيت راسي
-جذاب انتَ جذاب والله
-ابتسم وتقرب علي هووووب هوب والله تضحكين وتقهرين انتِ كوه تسويني احبج بابا مااحبج انتِ شنو حتى احبج
صحصحي هواي شطحتي بالتفكير ههه احبهه ههههههه والله تضحكين هواي
تريدين انام وياج اعرفج تلوبين على هذا الشي من ايام ماتبقين الباب مفتوح
يمكن لو ممسويه هاي الحركه جان *
من گال هيج عيوني صارت حمر وانهاريت ضربته على صدره ودفعته
ايااااا حقيرررررر حقير والله انتَ حيووووان اني مو حيوانه افتهمت اني مو هيج
انهاريت حتى نسيت وجعي على ليث من كدما كلامه حان مقزز عن شرفي
لزم ايدي ووخرهه
ودفعني حيل بحيث جتفي احسه انخلع لان الضربه عليه صارت
انتِ مو هيج لعد وين اكو وحده متزوجه تحجي هيج هااااااا جاوبي شنو معناهه هاي هاااااا
بس ***يسووونهه
سديت اذني وكمت اصيح
كااافي كافي لتحجي ماريد اسمعك ماريد اسمع كافي
انصدمت صدمة عمري
اصعب شي من شخص تقدسه بداخلك وتشوف الدنيا بعيونه تنصدم بي
جر ايدي من اذني وكمل كلامه
انتِ وحده رخيصه ومحد يخب الرخيص افتهمتي
كمت اشهك اختنكت
ووحده
جريت ايدي منه وخليتهه على حلكه
كاااافي كافي ......كافي اسكت لتحجي بعد
كرهتك وكرهت اليوم الي حسيتك بي انسان وعندك ضمير
جريت ايدي الثانيه منه ورحت على الباب بسرعه
فتحت الباب ردت اطلع جرني دخلني
وطبك الباب
مووو بكيفج تطلعين
نذل والله نذل انتَ كالتلي شرشوبه ومصدكتهه كالتلي بعدج مشايفته على حقيقته ومصدكتهه
عوووفني وخر مني خليني اولي مالك علاقه بيه
بعددددد ماريد اشوفك
مميت عليج اني خزعل هسه راح يجيج
طلع موبايله وگال خزعل تعال اخذهه هسه بسرعه
بسرررعه كتلك
حاولت اطلع دفعني
مالج طلعه منا بعدددد مو بكيفج راح تبقين يم شداد
وماكو احد بعد يساعدج
ضحكت ودموعي يصبن بصوت عالي
هل ابدو لك شخصاً ينتظر النجده من احد
