ازقة الموت
الكاتبه زينب العبودي
البارت 4
احس الدنيا افترت بيه كمت ادور لكل الاتجاهات خليت ايدي على حلگي واني مصدومه
ليث يا رب صحت بصوت عالي ليثثثثثث ليث وينك نصه صوتي حسيت بالعجز تعال هنا حبيبي يمي
خليت ايدي على راسي واباوع منا ومنا ماكو
-خاله مو جان ليث واكف يمي شفتي ها شفتي
-محد واكف يمج هزت ايدهه وكالت استغفر الله هو اني ناقصني مخابيل
انهاريت وركضت هو جان محصور كمت ادور اتذكر كال راح اسويهه هنا وين وكفت وفلت ايدي ليث هنا لا هناك كمت اركض منا ومنا واصيح ليث
وياهو الي اشوفه اوكفه وأسأله كام الكل يباوع عليه وقسم فتحوا اللايتات مال موبايل
وكل شويه اسأل
مشفت طفل
يبنيه مشفتي طفل بگدج تقريباً
بنفس الفرع كمت اروح منا واجي منا اخر شي أيست رحت الغير فرع ومن فرع الفرع وياهو الي اشوفه اسأله شاف طفل وانطيهم مواصافاته يكولون مشايفي
واكو افرع ظلمه واكو بيهه كلوبات مال محلات وكهوة ركضت عليهم اسأل وجوهم كلهه غريبه والمنطقه اغرب احسهه تختلف عن بغداد عبالك عالم ثاني تيهت ومااعرف منين اطلع ومنين اطب ووصلت مرحله فقدت عقلي كعدت ابجي
الى ان شفت كراج سيارات ركضت دخلت بي ادور بلكت خاتل وره سياره
جنت محتاره اريد الگه حبايه اطفي وجعي بيهه
انوب ضاع مني ليث
واني امشي حسيت احد ورايه درت وجهي بسرعه لكيت واحد گبل جفلت ودرت كل جسمي عليه
ابتسم
زهراء-هـ ...هااااا
-هااااا هاااااات
-باوعت مصدومه من طريقة كلامه شنو يعني
-يعني هاهاااات
زهراء -انت شكاعددد تحجي روح منا لا ألم الناس عليك
ضحك بوجهي جانت اكو شمعه بالكراج مضويه
ليش تضحك تقرب عليه راد يلزمني تبعدت
زهراء-ولي منا راح الم الناس عليك والله
جان ولد اسمراني وشعره جنه سيم مواعين قصير وخفيف وحواجبه بيهن ثخن وماعنده لا لحيه ولا شوارب ملابسه مرعبله لابس سوار فضه وبنفس الايد الي بيهه سوار كف ايده بي وشم مااعرف شنو الوشم
باوعت على مدخل الگراج ردت اركض لزمني
وسحبني عليه عطت سد حلكي بيده
وين رايحه خليني احجي البلگلب
زهراء-حاولت ادفعه خليت ايدي على بطنه
جان يحجي ويضحك ويباوع عليه
انتِ مو منا صح
